Flicker

મહેસાણા જિલ્લાના કોચવા ગામે સ્પાઈડર લીલી નામના ફૂલનું ઉત્પાદન થાય છે. અહીંયા બે થી ત્રણ એવા સફળ ખેડૂતો છે જે સ્પાઈડર લીલીનુx વાવેતર કરે છે, સ્પાઈડર લીલી એ વધારે પાણીમાં થતો પાક છે. જે બારેમાસ ઉત્પાદન આપતું હોય છે અને જેમાંથી કમાણી પણ સારી થતી હોય છે. આ ગામમાં થાય છે સ્પાઇડર લીલી ફૂલની ખેતી મહેસાણા જિલ્લામાં વિવિધ ગામો છે જે પોતાની અલગ અલગ ખેતી માટે વખણાતા હોય છે.આજે આપણે એક એવા ગામની વાત કરીશું જ્યાં આગળ સ્પાઈડર લીલી નામક ફૂલની ખેતી થાય છે. ગામમાં આ ખેતી કરતા બે થી ત્રણ સફળ ખેડૂતો છે પરંતુ સમગ્ર મહેસાણામાં આ ફૂલની ખેતી કરતા ખેડૂતો આ ગામમાં છે. મહેસાણા જિલ્લાના કોચવા ગામના સ્પાઈડર લીલીની સફળ ખેતી કરતા ખેડૂત વિજયભાઈ અંબાલાલ બારોટ છેલ્લા ઘણા વર્ષોથી સ્પાઇડર લીલીની સફળ ખેતી કરી રહ્યા છે. તેઓએ સ્પાઈડર લીલીની ખેતી વિશે જણાવતા કહ્યું કે આ પાક એ બારેમાસ ઉત્પાદન આપતો ફૂલનો પાક છે જે ખાસ કરીને વધારે પાણી હોય ત્યાં થતી હોય છે, એક વીઘામાં એક વર્ષે 35 હજાર જુડી ફૂલ નું ઉત્પાદન આપે છે, અને ખર્ચમાં અન્ય કોઈ ખર્ચ આવતો નથી . આ ખેતીને પાણીની જરૂરિયાત સામાન્ય ખેતી કરતાં વધારે રહેતી હોય છે. અમારા વિસ્તાર...

રાજકોટ એસટી વિભાગની નવી વિભાગીય કચેરી રૂપિયા 7 કરોડના ખર્ચે તૈયાર કરવામા આવેલી છે, જે ટૂંક સમયમાં કાર્યરત થઈ જશે. ગોંડલ રોડ પરના એસટી વર્કશોપ ખાતે આવેલી જૂની વિભાગીય કચેરી ટૂંક સમયમાં તોડી પાડવામાં આવશે. જે બાદ જૂની વિભાગીય કચેરી નવી વિભાગીય કચેરીમાં ટ્રાન્સફર થઈ જશે. બાદમાં જૂની વિભાગીય કચેરીની જગ્યાએ ગોંડલ રોડ સેટેલાઈટ બસ સ્ટેશનનુ નિર્માણ કરવામાં આવશે. જોકે, નવા સેટેલાઈટ બસ સ્ટેશન માટેની પ્રપોઝલ ગુજરાત માર્ગ અને વાહન-વ્યવહાર નિગમની મધ્યસ્થ કચેરીએ મોકલી આપવામાં આવેલી છે. વહીવટી કચેરીમાં અત્યાધુનિક તમામ સુવિધાઓ રાજકોટ એસટીના વિભાગીય નિયામક જે. બી. કરોતરાએ જણાવ્યું હતું કે, ગુજરાત રાજ્ય માર્ગ અને વાહન-વ્યવહાર નિગમ હેઠળની રાજકોટ એસટી ડિવિઝનની વિભાગીય કચેરી તૈયાર થઈ ચૂકી છે. આ વહીવટી કચેરી અંદાજે રૂપિયા 7 કરોડના ખર્ચે નિર્માણ પામી છે. જેમાં અત્યાધુનિક તમામ સુવિધાઓ છે. જેમાં દિવ્યાંગો માટેની રેમ્પ છે. આ ઉપરાંત લિફ્ટ અને વોટર પ્યુરિફાય પાણીની સુવિધા ઊભી કરવામાં આવેલી છે. હાલ રાજકોટ એસટીની ડિવિઝન ઓફિસમાં 100થી વધુ કર્મચારીઓ કામ કરી રહ્યા છે. જે તમામનો સમાવેશ નવી કચેરીમાં કરી દેવામાં આવશે. ર...

રક્ષાબંધનને ભાઈ અને બહેનના પવિત્ર સંબંધનું પ્રતીક માનવામાં આવે છે. હિન્દુ ધર્મમાં રક્ષાબંધન સૌથી લોકપ્રિય તહેવારો પૈકીનો એક છે. આ દિવસે બહેનો તેમના ભાઈના કાંડા પર રાખડી બાંધે છે. હિંદુ પંચાંગ મુજબ શ્રાવણ મહિનાના શુક્લ પક્ષની પૂર્ણિમાના દિવસે રક્ષાબંધન આવે છે. હવે રક્ષાબંધનના તહેવારને ગણતરીના દિવસો બાકી છે. ત્યારે બજારમાં અવનવી રાખડીઓ આવી ચૂકી છે. રાખડીની ખરીદીમાં ધસારો જોવા મળી રહ્યો છે. જો કે, મોરબી જિલ્લાના ટંકારા તાલુકામાં ગૃહ ઉદ્યોગની જેમ ગામડે ગામડે ઈમિટેશનની રાખડી બનાવવાનું કામ કરવામાં આવે છે અને આ રાખડી દેશના જુદાં-જુદાં રાજ્યમાં મોકલાવવામાં આવે છે. એક દિવસના તહેવારની ઉજવણી માટે ટંકારા તાલુકાની મહિલાઓને બાર મહિના રોજગારી મળે છે અને 12 હજાર કરતાં વધુ બહેનોને રાખડીના કામ થકી રોજગારી મળી રહી છે. આ વર્ષે રાખડીની માગમાં 15 ટકાથી વધુનો ઘટાડો ભાઈ-બહેનના પવિત્ર પ્રેમનું પર્વ એટલે રક્ષાબંધનનું ભારતમાં ખૂબ જ મહત્ત્વ છે અને ભારતીય સંસ્કૃતિનું ભાઈ-બહેનના પવિત્ર પ્રેમનું પાવન પર્વ એટલે કે શ્રાવણ સુદ પૂનમે આવતી રક્ષાબંધન છે જેને ઘણા લોકો બળેવ પણ કહે છે. રક્ષાબંધનના દિવસે દરેક બહેન તેના વહાલસ...

ગાંધીધામના નરેશચંદ્ર ગોપાલજી ગઢવીએ મેડીકલેઈમ પોલીસી ધી નેશનલ ઈન્શ્યોરન્સ કં. લી. પાસેથી લીધી હતી. પોલીસીના સમયગાળા દરમ્યાન છાતીનો દુઃખાવો થતાં ડો.મોરખીયાની હોસ્પિટલમાં સારવાર માટે દાખલ કરાયા હતા અને ઓપરેશન કરાવાયું હતું જેનો રૂ.1,49,890 ખર્ચ થયો હતો. ફરીયાદીએ વીમા કંપની પાસે ક્લેઈમ નોંધાવી જરૂરી આધારો સાથે કલેઈમ ફોર્મ ભર્યું હતું. વીમા કંપની તરફથી ક્લેઈમની રકમ ચૂકવવામાં ન આવતા નાછૂટકે ફરિયાદીએ જીલ્લા ગ્રાહક તકરાર નિવારણ કમિશન સમક્ષ ફરીયાદ અરજી કરી હતી. જિલ્લા ગ્રાહક તકરાર નિવારણ કમિશન દ્વારા ધી નેશનલ ઈન્સ્યુરન્સ ફાં.લી. સામે હુકમ કરી કર્યો હતો.જિલ્લા કમિશનના હુકમથી નારાજ થઈ વીમા કંપનીએ નામદાર જીલ્લા ગ્રાહક તકરાર નિવારણ કમિશન, ભુજ સમક્ષ રીવ્યુ અરજી દાખલ કરી અને તેમાં ફરીયાદી પક્ષે વિગતવાર જવાબ રજૂ કરવામાં આવેલ તેને ગ્રાહ્ય રાખીને વીમા કંપનીની રીવ્યુ અરજી પત્ર નામંજૂર કરી , તો ફોરમના રીવ્યુ અરજીના હુકમથી નારાજ થઈને વીમા કંપની દ્વારા રાજય કમિશન સમક્ષ અપીલ દાખલ કરી હતી. જેમાં કાયદાના પ્રસ્થાપિત સિધ્ધાંત મુજબ ફરીયાદી તરફે લેખિત રજુઆતને ઘ્યાનમાં લઇ રાજય કમિશને ફરીયાદીને બાકી રહેતી રકમ રૂ.49,...

સ્વતંત્રતા દિવસની ઉજવણીમાં દેશવાસીઓ ખૂબ ઉત્સાહથી રાષ્ટ્ર ભક્તિના ગૌરવ સાથે જોડાય અને ઘરે ઘરે દેશની શાન એવો તિરંગો લહેરાવે તે હેતુથી રાજ્ય સરકાર દ્વારા તારીખ. 8થી 13 ઓગષ્ટ સુધી “હર ઘર તિરંગા" ઝુંબેશ હેઠળ અલગ અલગ કાર્યક્રમોનું આયોજન કરવામાં આવ્યું છે. જેમાં બહોળી સંખ્યામાં લોકો ઉત્સાહથી “હર ઘર તિરંગા" કાર્યક્રમમાં ભાગ લઈ, પોતાના ઘર ઉપર તિરંગો લહેરાવી સ્વતંત્રતા પર્વની ઉજવણી કરે તેવા અથાગ પ્રયત્નો કરવામાં આવી રહ્યા છે. દેવભૂમિ દ્વારકા જિલ્લો ભારતની પશ્ચિમી આંતર- રાષ્ટ્રીય દરિયાઈ સરહદ ધરાવતો જિલ્લો છે. 237 કિ.મી. જેટલા લાંબા દરિયાકાંઠા સાથે કુલ 23 જેટલા ટાપુઓ ધરાવે છે. જેના ભાગરૂપે દેવભૂમિ દ્વારકા પોલીસ દ્વારા ગુજરાતના દરીયાઈ સીમાના છેવાડે સ્થિત ટાપુઓ પૈકી અજાડ ટાપુ પર માનવ વસ્તી ધરાવતું અજાડ ગામ આવેલું છે. હાલની વૈશ્વિક પરિસ્થિતિ તેમજ દરિયાઈ માર્ગેથી સંભવિત ભયને ધ્યાને લઈ ટાપુ ઉપર વસતા લોકો રાષ્ટ્રીય અને દરિયાઈ સુરક્ષાની દ્રષ્ટીએ “પ્રથમ હરોળના સૈનિકો" હોય અને તેઓની રાષ્ટ્રીય ભાવના વધુ દ્રઢ બને તે હેતુથી શુક્રવારે અજાડ ટાપુના દરિયાકાંઠા ઉપર ટાપુ પર વસતા લોકોને સાથે રાખી ધ્વજ...

આજ રોજ એફ. ડી. આર્ટસ એન્ડ કોમર્સ કોલેજ ફોર વુમન, જમાલપુર ખાતે MCDEX દ્વારા નાણાકીય જાગૃતિ અંગેનો કાર્યક્રમ યોજાયો હતો. જેમાં MCDEXના પલકબેન લોટિયા દ્વારા કાર્યક્રમમાં વિદ્યાર્થીઓને નાણાકીય આયોજન, ધ્યેય આધારિત રોકાણ, સિક્યોરિટી માર્કેટમાં રોકાણ અને મૂડીબજાર રોકાણ અંગેની સાવચેતીના મુદ્દાઓ અંગેની સમજ આપી હતી. તદુપરાંત સેબીની ફરિયાદ નિવારણ પ્રક્રિયા પણ સમજવામાં આવી હતી. આ કાર્યક્રમમાં કોલેજની ત્રીજા વર્ષની છોકરીઓએ ઉત્સાહપૂર્વક ભાગ લીધો હતો. http://dlvr.it/TBkzkV

વડોદરા શહેરને ક્રિએટિવ ઓફ હેરીટેજ સિટીનો દરજ્જો અપાવવા માટે વડોદરા કોર્પોરેશન દ્વારા કવાયત શરૂ કરવામાં આવી છે. જેના ભાગરૂપે છેલ્લા ત્રણ વર્ષથી બંધ કરાયેલી વડોદરા દર્શનની બસ પુનઃ શરૂ કરવા માટે પાલિકા દ્વારા કાર્યવાહી શરૂ કરવામાં આવી છે. પાલિકાના વ્હિકલ પુલ ખાતે ધૂળ ખાતી બસની સાફ-સફાઈ અને મેઇન્ટેનન્સની કામગીરી પણ શરૂ કરી દેવામાં આવી છે. જો કે, પાલિકાના ટુરીસ્ટ વિભાગને હજુ સુધી વડોદરા દર્શન બસ શરૂ કરવાની કોઈ સૂચના મળી નથી. તત્કાલીન મુખ્યમંત્રીએ લોકાર્પણ કર્યું હતું સર સયાજીરાવ ગાયકવાડની ઐતિહાસિક નગરી વડોદરા શહેરના વિવિધ સ્થાપત્યોને લોકો નિહાળી શકે અને માણી શકે તે માટે વડોદરા કોર્પોરેશન દ્વારા વર્ષ 2015-16માં વડોદરા દર્શન નામની બસ શરૂ કરવામાં આવી હતી. આ બસનું લોકાર્પણ તત્કાલીન મુખ્યમંત્રી વિજય રૂપાણીના હસ્તે કરવામાં આવ્યું હતું. વડોદરા દર્શન બસની શરૂઆત થયા બાદ વૈશ્વિક મહામારી કોરોના આવતા વડોદરા દર્શન બસની સેવા બંધ કરી દેવામાં આવી હતી. જો કે, કોરોના મહામારી ગયાને પણ ચાર વર્ષ જેટલો સમય વીતી ગયો હોવા છતાં પણ વડોદરા કોર્પોરેશન દ્વારા વડોદરા દર્શનની બસ શરૂ કરવામાં આવી ન હતી. આ બસ કોર્પોરેશન હસ...

જૂનાગઢ મહાનગર પાલિકાની કામગીરીથી શહેરીજનો ત્રાહીમામ પોકારી ગયા છે. આખા શહેરમાં ક્યાંય પણ સારા રસ્તા નથી. ખરાબ રસ્તાને લઇને લોકો હેરાન પરેશાન થયા છે. કોઇક સ્થળોએ તો રસ્તો શોધવો જ મુશ્કેલ બન્યો છે. જૂનાગઢ શહેરના મધુરમ વિસ્તારમાં આવેલ યોગીપાર્ક સોસાયટીમાં રોડની હાલત કફોડી બની છે. અહીં રોડની હાલતથી સ્થાનિકો ત્રાહીમામ બન્યા છે. સ્થાનિકોએ જણાવ્યુ કે, અહીં તંત્ર દ્વારા ગટર, રોડની કામગીરી કરી હતી બાદમાં પેચવર્ક કરવામાં આવેલ નથી. માત્ર કરેલી કામગીરીમાં ખાડા બૂરી દીધેલા છે. જેને કારણે વરસાદ પડતા જ અહીં કાદવ કિચડનુ સામ્રાજ્ય ખડકાયુ છે. આ રોડ પર વાહન ચલાવવા પણ મુશ્કેલ બન્યા છે. એટલુ જ નહીં કોઇપણ ઘરે કોઇ બિમાર પડ્યુ હોય કે મહિલાને ડિલેવરી સહિતની ઇમરજન્સી દવાખાનાની જરૂર પડી હોય તો ઇમરજન્સી સેવાના વાહનો પણ આવી શકે તેમ નથી. રોજ ઘણા વાહનો અહીં ફસાય છે. આ રોડને લઇને આકસ્મિક બનાવો પણ વધ્યા છે. અહીંના નગરસેવક જો આ રોડ પર ચાલીને બતાવે તો લોકો તેનુ સન્માન કરવા તૈયાર છે. સ્થાનિકો આ રોડથી ત્રાહીમામ થયા છે. કાદવ કિચડ જેવી ગંદકીને કારણે અહીં રોગચાળાની ભિતી પણ સેવાય રહી છે. વહેલી તકે આ રોડની કામગીરી તંત્ર કરે તે...

મુંબઈ સ્થિત ગુજરાતી જ્વેલરી પાસેથી રૂ. 20 લાખની લાંચ લેવા સંબંધે ગુરુવારે ધરપકડ કરવામાં આવેલા એન્ફોર્સમેન્ટ ડિરેક્ટોરેટ (ઈડી)ના આસિસ્ટન્ટ ડાયરેક્ટર સંદીપ સિંહ યાદવને શુક્રવારે વિશેષ કોર્ટમાં હાજર કરાતાં 14 ઓગસ્ટ સુધી સીબીઆઈ કસ્ટડી આપવામાં આવી હતી. વિશેષ સીબીઆઈ જજ એસ પી નાઈકે યાદવને સીબીઆઈ કસ્ટડી આપી હતી. ઝવેરીના પુત્રને મની લોન્ડરિંગના કેસમાં ધરપકડ કરવાની ધમકી આપીને યાદવે ભીનું સંકેલવા માટે રૂ. 20 લાખની લાંચની માગણી ઝવેરી પાસે કરી હતી. કોર્ટે એફઆઈઆર અને કેસ ડાયરી વાંચ્યા પછી એવી નોંધ કરી હતી કે આ તબક્કે આરોપોમાં તથ્ય છે એવું મને જણાય છે. સીબીઆઈ અનુસાર ઈડી દ્વારા 4 ઓગસ્ટે મની લોન્ડરિંગ કેસ સંબંધમાં વી એસ ગોલ્ડ નામે બુલિયન કંપનીના માલિક વિપુલ ઠક્કરનાં સંકુલોમાં સર્ચ કરવામાં આવી હતી. આ પછી યાદવે ઠક્કરના પુત્ર નિહારની ધરપકડ કરવાની ધમકી આપીને મામલો રફેદફે કરવો હોય તો રૂ. 25 લાખ આપવા કહ્યું હતું, જે પછી રૂ. 20 લાખ લેવા તૈયાર થયો હતો. ઠક્કરે જોકે સીબીઆઈમાં ફરિયાદ કરી હતી, જેને તપાસ કરતાં પ્રથમદર્શી આરોપ સાચા હોવાનું જણાયું હતું. નવી દિલ્હીમાં વડામથકે બેસતા યાદવની નવી દિલ્હીમાં લાંચ લેતાં રંગે...

શહેરમાં ચોમાસા પહેલા અને ચોમાસા દરમિયાન રોડ ખરાબ થઈ જતા હોય છે. અનેક વિસ્તારોમાં નાના-મોટા ખાડા પડ્યા છે, જેના કારણે વાહનચાલકોને ભારે હાલાકીનો સામનો કરવો પડી રહ્યો છે. મ્યુનિસિપલ કોર્પોરેશનના ઇજનેર વિભાગને નાના-મોટા ખાડા પૂરવા માટે સ્ટેન્ડિંગ કમિટીમાં સૂચના આપવામાં આવી હતી. ઇજનેર વિભાગ દ્વારા શહેરમાં નાના-મોટા 3454 ખાડાઓ પુરવામાં આવ્યા હતા. વેટ મિક્સ, કોલ્ડ મિક્સ હોટ મિક્સ અને જેટ પેચર મશીનોનો ઉપયોગ કરી ખાડા પૂરવામાં આવ્યા છે. કોર્પોરેશન દ્વારા ખાડાઓ પૂરવાની કામગીરી કરવામાં આવી છે પરંતુ હજી પણ અનેક સ્થળોએ નાના-મોટા ખાડા અને રોડ તૂટેલા જોવા મળ્યા છે. જુદા-જુદા કારણોસર રસ્તામાં ખાડા પડ્યા રોડ એન્ડ બિલ્ડીંગ કમિટીના ચેરમેન જયેશ પટેલે જણાવ્યું હતું કે, શહેરમાં પડેલા ખાડાઓને તાત્કાલિક ધોરણે પૂરવા માટેની સૂચના તમામ ઝોનના ઇજનેર વિભાગના અધિકારીઓને આપવામાં આવી હતી. બે રોલર મશીન, 267 મજૂરો અને 38 ટ્રેક્ટરોની મદદથી 3489 જેટલા નાના-મોટા ખાડા પડ્યા હતા, જેમાંથી વરસાદ છેલ્લા અનેક દિવસથી ચાલુ હોવા છતાં પણ 3454 ખાડા વેટ મીક્સ અને કોલ્ડ મિક્સ નાખી પૂરવામાં આવ્યા છે. 2993 જેટલા ખાડા ચોમાસામાં વરસાદના કા...

રાજકોટ શહેરમા યાજ્ઞિક રોડ પર આવેલી રાજ્યસભાના સાંસદ રામ મોકરિયાની કંપની મારુતિ કુરિયરના કોર્પોરેટ હાઉસમાં જુલાઈના મધ્યમાં આગ લાગવાની ઘટના સામે આવી હતી. જે બાદ ફાયર વિભાગે તપાસ કરતા આ ઓફિસમાં ફાયર NOC ન હોવાનું સામે આવતા મનપાના ફાયર વિભાગ દ્વારા નોટિસ પાઠવવામાં આવી છે. નિયમ મુજબ કોમર્શિયલ કોમ્પ્લેક્ષમાં 9 મીટરથી વધુ ઊંચાઈ હોય તો ફાયર સિસ્ટમ ઇન્સ્ટોલ કરવી ફરજીયાત હોય છે. પરંતુ અહીં ફાયર સિસ્ટમ ન હોવાથી ફાયર વિભાગ દ્વારા નોટિસ પાઠવવામાં આવી છે. જેમાં નોટિસ મળ્યાના એક સપ્તાહની અંદર ફાયર સિસ્ટમ અંગે કાર્યવાહી કરવામાં ન આવે તો બિલ્ડીંગ સીલ કરવા સુધીની જોગવાઇ છે. જો કે સાંસદ મોકરિયા દ્વારા ફાયર સિસ્ટમ ઇન્સ્ટોલ કરવા અંગે બાયંધરી આપવામાં આવી હોવાનું જાણવા મળી રહ્યું છે. રાજકોટ શહેરના નાના મવા રોડ પર આવેલ TRP ગેમ ઝોન ખાતે થયેલ અગ્નિકાંડ બાદ મનપા એક્શનમાં આવી ફાયર એન.ઓ.સી. મામલે થોકબંધ નોટિસો ફટકારી બિલ્ડીંગો, ગોડાઉનો સીલ કરવામાં આવી રહ્યા છે ત્યારે રાજકોટના યાજ્ઞિક રોડ પર જાગનાથ પ્લોટ વિસ્તરમાં આવેલી રાજ્યસભાના સાંસદ રામ મોકરીયાની ઓફિસ કે જયાં તેઓ પોતે પણ બેસે છે તે મારૂતિ કુરિયરના કોર્પોરેટ હાઉ...

અમરેલીના ગ્રામ્ય અને શહેરી વિસ્તારમાં સિંહ અને દીપડાની લટારની સાથે સાથે હવે અજગર નીકળવાની ઘટનાઓ પણ સામે આવી રહી છે. ત્યારે બગસરાની સાતલડી નદી વિસ્તારમાંથી મહાકાય અજગર બહાર આવી સાપર સુડાવડ જવાના માર્ગ પર આવી ચડ્યો હતો. જેથી સ્થાનિક લોકો મોટી સંખ્યામાં એકત્ર થયા હતા અને વનવિભાગને જાણ કરી હતી. જેને પગલે વનવિભાગની ટીમ રહેણાંક વિસ્તારમાં અજગર ઘુસે તે પહેલા તેનું રેસ્ક્યૂ કરી લીધું હતું. જેથી સ્થાનિક લોકોએ રાહતનો શ્વાસ લીધો હતો. વનવિભાગ દ્વારા અજગરને પકડી જંગલ વિસ્તારમાં છોડવામાં આવ્યો છે. જંગલ વિસ્તારમાં વસવાટ કરતા અજગરો હવે રેવન્યુ અને શહેરી વિસ્તાર સુધી પહોંચી રહ્યા છે. ખાંભા, જાફરાબાદ, સાવરકુંડલા વિસ્તારમાં અજગરની અવર જવર વધી રહી છે. થોડા દિવસ પહેલા ખાંભા અને જાફરાબાદ તાલુકાના વાડી વિસ્તારમાં 3 કરતા વધુ અજગરોને પકડી જંગલ વિસ્તારમાં મુક્ત કરવામાં આવ્યાં હતા. અજગરની અવર જવર વધતા ખેડૂતોમાં ફફડાટ ફેલાયો છે. http://dlvr.it/TBhVLc

વેરાવળ મા આવેલ ગ્રાસિમ ઇન્ડસ્ટ્રીઝ પાસેથી સિંચાઇ વિભાગની 157 કરોડની વસુલાત છેલ્લા 26 વર્ષથી બાકી હોય અંતે ભરપાઈ કરવામાં આવી હતી. સિંચાઈ વિભાગના નાયબ કાર્યપાલક ઈજનેર એ પી કલસરિયાએ કહ્યું હતું કે વેરાવળમાં આવેલ ગ્રાસીમ ઇન્ડસ્ટ્રીઝ પાસેથી પાછલા 26 વર્ષ દરમિયાન લેણી નીકળતી પાણીનું બિલ 157 કરોડ સરકારમાં જમા કરવામાં આવી છે. પાછલા 26 વર્ષથી વેરાવળમાં આવેલ ગ્રાસિમ ઇન્ડસ્ટ્રીઝ અને રાજ્ય સરકારના સિંચાઈ વિભાગ વચ્ચે કાયદાકીય લડત ચાલી રહી હતી ગ્રાસીમ ઇન્ડસ્ટ્રીઝ દ્વારા હિરણ બે ડેમમાંથી ઉદ્યોગને લગતું પાણી મેળવી રહી હતી તેના બદલામાં સરકારને આપવો પડતો ચાર્જ પાછલા 26 વર્ષથી કંપની દ્વારા ચૂકવવામાં આનાકાની કરવામાં આવતી હતી અંતે સમાધાન થયું હતું.ગ્રાસિમ ઇન્ડસ્ટ્રીઝ વેરાવળ દ્વારા તેમના ઔદ્યોગિક એકમોને હિરણ બે જળાશય માંથી ઉદ્યોગને લગતું પાણી પૂરું પાડવામાં આવી રહ્યું હતું જેમાં વર્ષ 1999 થી લઈને 2024 સુધી કંપની દ્વારા સિંચાઈ વિભાગને પાણીના બદલામાં ચાર્જ ચૂકવવામાં આવતો ન હતો સિંચાઈ વિભાગ દ્વારા દર વર્ષે કંપનીને પાણીનું બિલ મોકલવામાં આવતું હતું પરંતુ ગ્રાસિમ ઇન્ડસ્ટ્રીઝ દ્વારા તેને પરત મોકલવામાં આવતુ હતુ. ...

ભાસ્કર ન્યૂઝ | જામનગર રાષ્ટ્રીય સ્વતંત્રતા પર્વની ઉજવણીના ભાગરૂપે સમગ્ર રાજ્યમાં તા.8 થી 15 ઓગષ્ટ સપ્તાહ દરમિયાન યોજાનાર તિરંગા યાત્રાની ઉજવણી તેમજ હર ઘર તિરંગા અભિયાનમાં સહભાગી થવા રિલાયન્સ ઈન્ડસ્ટ્રીઝ દ્વારા જામનગર જિલ્લામાં 3.90 લાખ અને રિલાયન્સ ગ્રીન ટાઉનશીપમાં 10 હજાર સહિત રાજ્યના વિવિધ જિલ્લાઓમાં કુલ 7.90 લાખ તિરંગા ધ્વજનું વિતરણ કરવામાં આવ્યું છે. રિલાયન્સ ઈન્ડસ્ટ્રીઝના ગૃપ પ્રેસીડેન્ટ ધનરાજ નથવાણીના માર્ગદર્શનમાં થયેલી આ સામાજિક ઉત્તરદાયિત્વની પ્રવૃત્તિ અંતર્ગત જામનગર ઉપરાંત દેવભૂમિ દ્વારકા, જુનાગઢ, મોરબી, કચ્છ અને વડોદરા જિલ્લાઓમાં કુલ મળીને 7.90 લાખ તિરંગા સબંધિત જિલ્લાના વહીવટી તંત્રને લોકોમાં વહેંચવા માટે આપવામાં આવ્યા છે. http://dlvr.it/TBh5JW

વડોદરા મહાનગર સેવા સદન દ્વારા પાલિકાની વિવિધ જગ્યાઓ ઉપર ભરતી કરવા માટે કાર્યવાહી કરવામાં આવી હતી. જેમાં વિવિધ જગ્યાઓ ઉપર પસંદ થયેલા 130 ઉમેદવારોને નિમણૂંક પત્રો એનાયત કરવામાં આવ્યા હતા. પદાધિકારીઓ ઉપસ્થિત રહ્યા વડોદરા મહાનગરપાલિકા દ્વારા વિવિધ સંવર્ગમાં સીધી ભરતી, આંતરિક પસંદગી માટે પ્રતિક્ષા યાદીમાંથી તથા બઢતીથી નિમણૂક આપવા અંગે વિવિધ 8 સવર્ગોની વોર્ડ ઓફીસર, ઇલેક્શન ઓફીસર, રેવન્યુ ઓફીસર, સોફ્ટવેર પ્રોગ્રામર, સબ સેનેટરી ઇન્સ્પેકટર, મલ્ટી પર્પઝ વર્કર, મલ્ટી પર્પઝ હેલ્થ વર્કર અને સર સૈનિકની કુલ 130 જગ્યા માટે નિયમ મુજબ ભરતી પ્રક્રિયા કરી અંતે પસંદગી પામેલા તેમજ બઢતી પામેલા ઉમેદવારોને આજે મેયર પિન્કીબેન સોની તેમજ સ્થાયી સમિતિના અધ્યક્ષ શીતલ મિસ્ત્રી તથા અન્ય પદાધિકારીઓની ઉપસ્થિતિમાં નિમણૂંક હુકમ એનાયત કરવા માટે કાર્યક્રમનું આયોજન કરવામાં આવ્યું હતું. કઇ જગ્યા ઉપર નિમણૂંક?​​​​​​​ પાલિકા દ્વારા વોર્ડ ઓફીસર-4, ઇલેક્શન ઓફીસર-1, રેવન્યુ ઓફીસર-6, સોફ્ટવેર પ્રોગ્રામર-1, સબ સેનેટરી ઇન્સ્પેકટર-10, મલ્ટી પર્પઝ વર્કર-68, મલ્ટી પર્પઝ હેલ્થ વર્કર-34 અને સર સૈનિક- 6 મળી કુલ-130 જગ્યા માટે આજે નિમણૂંક...

સરદારધામ દ્વારા તેના મિશન 2026 અંતર્ગત સમાજ નિર્માણથી રાષ્ટ્ર નિર્માણના સૂત્ર હેઠળ ગામથી ગ્લોબલ સુધી જવા માટેના અનેકવિધ આયોજનો પણ થઈ રહ્યા છે. તેના પાંચ લક્ષ્ય બિંદુઓમાંનું એક મહત્વનું લક્ષ્યબિંદુ એટલે જીપીબીઓ. જેમાં સમાજના બિઝનેસમેનને એક પ્લેટફોર્મ પર આવીને પોતાના બિઝનેસની કેડી કંડારે છે. જીપીબીઓમાં હાલ 1040 મેમ્બર્સ સાથે 20 વિન્ગ કાર્યરત છે. જેના થકી બિઝનેસમેન પોતાના બિઝનેસનો વ્યાપ વધારી રહ્યા છે. અત્યાર સુધીમાં તેમના દ્વારા 937થી વધુ કરોડનો બિઝનેસ કરાયો છે. સુરત શહેરમાં GPBOની 7 વીંગ કાર્યરત છે. ત્યારે 9 કરોડના બિઝનેસ સાથે સુરત શહેરની 8મી અને જીપીબીઓની 21મી વીંગ આયોલાઇટનું લોન્ચિંગ સમસ્ત પાટીદાર સમાજની વાડી, કતારગામ ખાતે કરવામાં આવ્યું હતું. સુરત શહેર અને અન્ય શહેરમાંથી આવેલા જીપીબીઓ મેમ્બર અને ટ્રસ્ટીગણ, નવસારી, વડોદરા, બારડોલી, અમદાવાદથી કુલ 30 સભ્યો એમ કુલ 450 જેવી સંખ્યામાં લોકો હાજર રહ્યા હતા. જેમાં મેઘમણી ગ્રુપના ફાઉન્ડર નટુભાઈ પટેલ, ઘનશ્યામભાઈ શંકર (શિવમ જવેલ્સ), ધીરુભાઈ નારોલા (નારોલા ડાયમંડ), મનહરભાઈ સાચપરા (યુરો ફૂડ્સ), બાબુભાઇ વાઘાણી (લેબગ્રોન ડાયમંડ એસોસિયેશન), મનસુખભાઈ ...

સુરતમાં સમયાંતરે ચાલતી કારમાં આગ લાગવાની ઘટના બનતી હોય છે. ફરી એક વખત અડાજણ વિસ્તારની અંદર ચાલતી કારમાં આગ લાગવાની ઘટના સામે આવતા દોડધામ મચી ગઈ હતી. બોનેટમાંથી ધૂમાડો નીકળવાનું શરૂ થતાં જ ચાલકે કારને બાજુ પર ઉભી રાખીને સમયસૂચકતા દાખવી નીચે ઉતરી જતા આબાદ બચાવ થયો હતો. બાજુમાં કંપનીનો સ્ટાફ ફાયરના સાધનો લઈ દોડ્યો અડાજણ વિસ્તારમાં પાલ આરટીઓ પાસે ચોકડી ઉપર જ કારમાં આગ લાગવાની ઘટના રાત્રિના સમયે બની હતી. રાજહંસ સિનેમાની સામે જ કારમાં આગ લાગવાની ઘટના બનતા આસપાસના વાહનચાલકોમાં પણ ડરનો માહોલ જોવા મળ્યો હતો. આગ ખૂબ જ વિકરાળ સ્વરૂપે પ્રસરી ગઈ હતી. આગને જોતા જ તાત્કાલિક રાજહંસ ગ્રુપના કર્મચારીઓ તેના ફાયરના સાધનો લઈ આગને કાબૂમાં લેવાનો પ્રયત્ન કર્યો હતો. જો કે, આગ વધુ પ્રમાણમાં હોવાને કારણે તેઓ સંપૂર્ણપણે ઓલવી શક્યા ન હતા. પરંતુ મોટાભાગની આગ ઓલવવામાં સફળ રહ્યા હતા. શોર્ટ સર્કિટના કારણે આગ લાગી ફાયર ઓફિસરના જણાવ્યા મુજબ, કોલ મળતાની સાથે જ અમારી ટીમ ઘટનાસ્થળ ઉપર પહોંચી ગઈ હતી. કારમાં બે લોકો સવાર હતા. આ દરમિયાન આગ લાગી હતી. બોનેટના ભાગે આગ શરૂ થતા બંને કારમાં બેઠેલા વ્યક્તિ ઉતરી ગયા હતા. આસપાસના લ...

જાફરાબાદ બાબરકોટમાં પ્રાથમિક શાળામાં અભ્યાસ કરતા 800 છાત્ર પર જર્જરીત બિલ્ડીંગના કારણે જોખમ છે. અહીં પીએમશ્રી યોજનામાં સમાવેશ થયેલ બાબરકોટ પ્રાથમિક શાળામાં બિલ્ડીંગ મંજુર થયાના 6 માસ વિતી ગયા છે છતાં પણ કામગીરી શરૂ કરવામાં આવી નથી. ચોમાસાની સિઝનમાં વિદ્યાર્થીઓ માથે જાણે મોત મંડરાય રહ્યું છે. જેના કારણે ગ્રામજનોમાં પણ તંત્ર સામે રોષ ફેલાયો છે. પીએમશ્રી યોજનામાં સમાવેશ થયેલ બાબરકોટ પ્રાથમિક શાળામાં બિલ્ડીંગની દુર્દશાની સાથે સાથે 10 જેટલા શિક્ષકોની ઘટ પણ છે. આવી સ્થિતિમાં કેવી રીતે ભણશે બાળકો તેના પર ગ્રામજનોએ સવાલ ઉઠાવ્યા છે. અમરેલી જિલ્લાના દરિયાકાંઠે શિક્ષણની માઠી દશા બેઠી છે. દરિયાઈ પટ્ટી વિસ્તારના ગામડાઓમાં શિક્ષકો નોકરી કરવા તૈયાર નથી. જેના કારણે શિક્ષકોની ઘટ સતાવી રહી છે. બાબરકોટમાં પ્રાથમિક શાળામાં ધોરણ 1 થી 8માં 800 જેટલા વિદ્યાર્થીઓ અભ્યાસ માટે આવે છે. પરંતુ જે બિલ્ડીંગમાં અભ્યાસ કરે છે તે 30 વર્ષ જૂનું છે. તેમજ પ્રાથમિક શાળાનું બાંધકામ જર્જરીત હાલતમાં છે. અત્યારે ચોમાસાની ઋતુ ચાલી રહી છે. વરસાદ પડતાની સાથે જ પ્રાથમિક શાળાના બિલ્ડીંગની છતમાંથી પાણી ટપકી રહ્યું છે. જેના કારણે વિદ...

ભાસ્કર ન્યૂઝ | જામનગર જામનગર શહેરના મધ્યમાં આવેલા એસટી ડેપોમાં દરરોજ હજારો મુસાફરો આવ-જા કરે છે. ત્યારે એસટી બસ ડેપોની પાછળ જ આવેલા વર્કશોપમાં જાળવણીના અભાવે ગારા-કિચ્ચડનું સામ્રાજ્ય ફેલાઈ ગયું છે. અહીં બસ ડ્રાઈવરો બસના નાના મોટા કામ કરાવવા આવે છે પરંતુ ચોતરફે પાણી અને ગારા-કિચ્ચડ હોવાથી બસ ક્યા ઉભી રાખવી તેમજ કેમ ઉતરવું તે મોટો પ્રશ્ન છે. આ પ્રશ્ન દર ચોમાસે સર્જાય છે પરંતુ એસટીના સત્તાવાળાઓને આની કંઈ પડી નથી! જામનગર શહેરમાં હાલ વરસાદી માહોલની વચ્ચે વરસાદથી થતી ગંદકી તેમજ ગારા-કિચ્ચડ જોવા હોય તો જામનગર એસટી સ્ટેન્ડની મુલાકાત લેવી પડે. અહીં ગારા-કિચ્ચડ અને પાણીની ભયંકર સમસ્યા હોવા છતાં સત્તાવાળાઓના પેટનું પાણી હલતું નથી. આનો ભોગ બસના ડ્રાઈવરો બની રહ્યા છે. શહેરની વચ્ચોવચ્ચ આવેલ એસ.ટી. વર્કશોપમાં ફેલાયેલ ગંદકી, ગારો-કીચડ કે ભરાયેલા પાણી કોઈને દેખાતા નથી ? અત્યારે જામનગર શહેરમાં પાણી જન્ય રોગચાળો ફેલાયો છે, માખી-મચ્છર -જીવાતોનો ઉપદ્રવ વધ્યો છે ત્યારે શહેરની વચ્ચે આવેલ એસ.ટી. વર્કશોપ આસપાસના વિસ્તારોમાં રોગચાળો ફેલાવા માટે નિમિત્ત બની રહ્યું હોય તેમ જણાય છે. એસ.ટી.ના વિભાગીય અધિકારી કે અન્...

મોરબીના મહેન્દ્રનગર પાસે આવેલ આઈટીઆઈ નજીકથી દારૂ ભરેલ કારને પોલીસે પકડી છે. તેમાંથી જુદીજુદી બ્રાન્ડની દારૂ બોટલો તેમજ બીયરના ટીન મળી આવેલ છે. જેથી પોલીસે દારૂ બીયર અને ગાડી મળીને 3,27,550નો મુદામાલ કબ્જે કર્યો છે અને બે શખ્સની ધરપકડ કરેલ છે. તેની પાસેથી વધુ એક શખ્સનું નામ સામે આવ્યું હોય તેને પકડવા તજવીજ ચાલી રહી છે. મોરબીના મહેન્દ્રનગર પાસે આવેલ આઈટીઆઈ નજીકથી તળાવ પાસેથી કાર નંબર જીજે 36 એજે 4700 પસાર થઈ રહી હતી તેને રોકીને પોલીસે ચેક કરી હતી. ત્યારે તે ગાડીમાંથી દારૂની જુદીજુદી બ્રાન્ડની 52 બોટલ અને બીયરના 48 ટીન મળી આવ્યા હતા. જેથી કરીને પોલીસે 27,550 ની કિંમતનો દારૂ તેમજ બિયર અને ત્રણ લાખની કાર આમ કુલ મળીને 3,27,550 નો મુદ્દામાલ કબજે કર્યો હતો. ત્યારે ગાડીમાં બેઠેલા ઉદય જોરૂભાઇ કપરડા અને અનિરુદ્ધભાઈ જોરૂભાઇ કપરડા (રહે. બંને હાલ મહેન્દ્રનગર મોરબી, મૂળ રહે. કળમાદ જીલ્લો સુરેન્દ્રનગર)ની ધરપકડ કરી હતી. આ આરોપીઓની પ્રાથમિક પૂછપરછમાં તેની પાસેથી રણુભાઈ લગધીરભાઈ કપરડાનું નામ સામે આવ્યું છે. જેથી ત્રણેય સામે ગુનો નોંધવામાં આવેલ છે અને ત્રીજા આરોપીને પકડવા માટે તજવીજ ચાલી રહી છે. http://...

દિવ્ય ભાસ્કર દ્વારા આજ રોજ ઉત્તર ગુજરાતના પ્રતિષ્ઠિત ઉદ્યોગ સાહસિકોને સન્માનિત કરવાનો કાર્યક્રમ યોજાયો હતો. આ સમારંભ ગાંધીનગરના ગિફ્ટ સિટી ખાતે યોજાયો હતો. કાર્યક્રમમાં ઉત્તર ગુજરાત વિસ્તારના અને અલગ અલગ ક્ષેત્ર સાથે જોડાયેલા કુલ 34 ઉદ્યોગ સાહસિકોને સન્માનિત કરવામાં આવ્યા હતા. રાજ્યકક્ષાના શિક્ષણ મંત્રી તથા મહિલા કલાકાર કશિશ રાઠોડ મુખ્ય અતિથિ તરીકે કાર્યક્રમમાં હાજર રહ્યા હતા, જેમના હસ્તે તમામ મહાનુભાવોને એવોર્ડ આપવામાં આવ્યો હતો. આ પ્રસંગે શિક્ષણ મંત્રી પ્રફુલ પાનસેરિયાએ જણાવ્યું હતું કે, દિવ્ય ભાસ્કરના ત્રીજા સન્માન સમારંભમાં હાજર રહી અને ધન્યતા એટલે અનુભવી રહ્યા છે કેમ કે ભાસ્કર એવા લોકોનું સન્માન કરે છે જે મહેનત કરીને આગળ આવ્યા છે. વધુમાં તેમણે ઉમેર્યું હતું કે, જેણે શ્રેષ્ઠ કર્મ કર્યા છે એ વાત હંમેશા યાદ રહે છે. ત્યાગીને ભોગવવાની સંસ્કૃતિના આપણે વાહક છીએ ત્યારે આજે સિદ્ધિ મેળવનારા લોકોએ કંઈક ગુમાવી અને સફળતા મેળવી હશે. શાળાના પ્રસંગ ને યાદ કરતાં તેમણે કહ્યું કે, શાળામાં લીંબુ ચમચીની રમતમાં રસ્તામાં વચ્ચે લીંબુ પડે નહિ તેની તકેદારી રાખતા હતા. આજના જીવનમાં આજે આખો દિવસ મહેનત કરીએ છી...

વડોદરા જિલ્લના સાવલીમાં આવેલી એક ખાનગી કંપનીના હડતાલ પર ગયેલા અને છુટ્ટા કરાયેલા કર્મચારીઓએ ભેગા મળીને એચ.આર મેનેજરની સાથે ઘર્ષણ કરી મારી નાખવાની ધમકી આપતા આ મામલે જરોદ પોલીસે ફરિયાદ નોંધી વધું કાર્યવાહી હાથ ધરી છે. આ સમગ્ર બનાવ અંગે જરોદ પોલીસ મથકમાં યોગેન્દ્રસિંહ વિજયસિંહ ચાવડાએ નોંધાવેલી ફરિયાદ મુજબ, તેઓ સાવલીના વડદલામાં આવેલી ખાનગી કંપનીમાં બે વર્ષથી એચ આર મેનેજર તરીકે ફરજ બજાવે છે. તેમની કંપની દ્વારા પગાર વધારાની માંગણી તથા શિસ્ત ભંગના પગલાં રૂપે કર્મચારીઓની છુટા કરવામાં આવ્યા છે. કંપનીમાં 200 જેટલા કામદારો બે મહિનાથી યુનીયનની હડતાલ પર ઉતરેલા છે. કંપનીનું કામકાજ સદંતર બંધ હતું. 22, જુલાઇથી કંપનીનું કામકાજ શરૂ કરવામાં આવ્યું છે. ત્યારે આ જ દીવસે કંપનીની બસ વડોદરા શહેરનાં છાણી જકાતનાકાથી અલગ અલગ જગ્યાએથી કામે આવતા કંપનીના કર્મચારીઓ-વર્કરોને બેસાડીને કંપનીમાં આવવા નિકળ્યયા હતા. તે દરમિયાન હોટલ વે-વેઇટ સામે તેઓ કંપનીની બસમાં બેઠા હતા. બસ રેફરલ ચોકડી,જરોદ પાસેથી આગળ વધી રહી હતી. ત્યારે વિશ્વામિત્રી બ્રિજ પહેલા કંપનીના હડતાલ પર ઉતરેલા કામદારો તેમજ કંપનીમાંથી છુટ્ટા કરાયેલા કામદારો ભેગા ...

નગરપાલિકાઓમાં વ્યવસાય વેરાઓમાં નવા દરો જાહેર કરી અને તે અમલમાં મૂકાયા છે. પણ નવા દરો વિસંગતતાઓથી ભરેલા હોવાથી જે નિયત કરેલા દરો પુનઃ વિચારણા કરવા બાબતે મોડાસા પાલિકાના વિરોધ પક્ષના નેતા હુસેનભાઇ ખાલકે મુખ્યમંત્રીને લેખિતમાં રજૂઆત કરી છે. રજૂઆતમાં જણાવ્યું છે કે સરકાર દ્વારા 2021માં રાજ્યપાલને એપ્રિલ - 2021ના રોજ વ્યવસાય વેરા ટેક્ષ માટે જે મુસદ્દા મોકલાયા હતા. જે આધારે મોડાસા પાલિકામાં 1-4-2023થી પ્રોફેશનલ ટેક્ષના જે નવા દરો અમલમાં મૂકાયા છે.જે સદંતર વિસંગતતાઓથી ભરેલા છે અને નાના સ્વરોજગાર કરનારા વેપારીઓ તેમજ અન્ય ક્ષેત્રમાં કામ કરતાં દુકાનદારો માટે ભેદભાવ ભર્યા હોય કોઈપણ સંજોગોમાં ન્યાય સંગત ન હોવાનું જણાવ્યું છે. સરકાર દ્વારા તબીબો, બેન્કિંગ તેમજ એજન્સીનો વ્યવસાય કરતાં વેપારીઓ માટે વાર્ષિક 1500 વ્યવસાય વેરો અમલમાં લવાયો છે. જ્યારે નાના વેપારીઓ, સ્વરોજગાર કરનારાઓ વેપારીઓ માટે રૂ.2500 વ્યવસાય વેરાના દર નક્કી કરાયા છે. જે સંપૂર્ણ રીતે વિસંગતતાથી ભરેલા છે. જેથી સમગ્ર વેપારીઓ વતી વિસંગતતા દૂર કરવા તેમજ જ્યાં સુધી વિસંગતતા દૂર ન થાય ત્યાં સુધી અમલવારી મુલત્વી રાખવી જોઈએ અને પહેલાના સમયમાં ન...

ચેમ્બુરમાં એનજી આચાર્ય અને ડીકે મરાઠે ખાનગી કોલેજમાં વિદ્યાર્થીઓ દ્વારા હિજાબ, નકાબ, બુરખા, કેપ વગેરે પહેરવા પર લાદવામાં આવેલા પ્રતિબંધને યથાવત રાખતાં મુંબઈ હાઈકોર્ટના ચુકાદાને પડકારતી અરજી સુપ્રીમ કોર્ટમાં દાખલ કરવામાં આવી છે. કોલેજના નવ વિદ્યાર્થીઓએ 26 જૂનના મુંબઈ હાઈ કોર્ટના આદેશને પડકારતાં સુપ્રીમ કોર્ટમાં અપીલ કરી છે. સુપ્રીમ કોર્ટમાં અરજદારોના વકીલે કોલેજમાં યુનિટ ટેસ્ટ શરૂ થવાની હોવાથી તાકીદે સુનાવણી લેવા માટે વિનંતી કરી હતી. સુપ્રીમ કોર્ટમાં મંગળવારે અરજી આવી ત્યારે સીજેઆઈ ડીવાય ચંદ્રચુડે આગામી દિવસોમાં ટૂંક સમયમાં સુનાવણી લેવાશે, એવી નોંધ કરી હતી. હાઈ કોર્ટના જસ્ટિસ અતુલ એસ ચાંદુરકર અને રાજેશ એસ પાટીલની ડિવિઝન બેન્ચે 26 જૂનના રોજ જણાવ્યું હતું કે, કૉલેજ દ્વારા જારી કરવામાં આવેલી સૂચના આર્ટિકલ 19(1)(એ) (સ્વાતંત્ર્ય અભિવ્યક્તિનો અધિકાર) અને બંધારણની કલમ 25 (ધર્મ પાલનની સ્વતંત્રતા)ની જોગવાઈઓનું ઉલ્લંઘન કરવા માટે ભેદભાવભરી નથી. તેને જારી કરવા પાછળનો ઉદ્દેશ એ છે કે, વિદ્યાર્થીના પોશાકમાં તેમનો ધર્મ છતો નહીં થવો જોઈએ. વિદ્યાર્થીઓએ જ્ઞાન અને શિક્ષણ મેળવવા પર ધ્યાન કેન્દ્રિત કરવું જોઈ...

સોમનાથ મહાદેવને શ્રાવણ માસના બીજા દિવસે શુક્લ દ્વિતીયાની તિથિ પર કેસરી પુષ્પ શણગાર કરવામાં આવ્યો હતો. પૂજારીઓ દ્વારા 165 કિલો કેસરીયા પુષ્પોથી શૃંગાર કરવામાં આવ્યો હતો. સોમનાથ મહાદેવને કેસરી પુષ્પથી શ્રૃંગાર કરવા ધાર્મિક રીતે પરમ પવિત્ર અને પુણ્યદાયી માનવામાં આવે છે. કેસરી પુષ્પ ભગવાન શિવને પ્રિય છે અને મહાદેવને કેસરીયા ફૂલ ચઢાવવાથી ભક્તોને ધન, સુખ અને સમૃદ્ધિ પ્રાપ્ત થાય છે. કેસરી પુષ્પનો રંગ ભગવાન શિવના તપને દર્શાવે છે. સાથે કેસરી પુષ્પમાં ઔષધીય ગુણો પણ હોય છે. સોમનાથ મહાદેવનો કેસરીયા પુષ્પ શણગાર વિશેષ પ્રસંગો પર કરવામાં આવે છે. કેસરિયો રંગ આધ્યાત્મિક દ્રષ્ટિએ શુદ્ધિ અને નિર્મળતાનું પ્રતીક છે. ત્યારે સોમનાથ મહાદેવના કેસરીયા શૃંગારના દર્શન કરીને ભક્તો ધન્ય બન્યા હતા. http://dlvr.it/TBZbYD

ગોધરા તાલુકાના મોટી કાટડી ગામે આવેલી નર્મદાની મુખ્ય કેનાલમાં એક યુવક આજથી બે દિવસ પહેલા પગ ધોવા માટે કેનાલમાં ઉતાર્યો હતો અને અચાનક પગ લપસી જતાં યુવક પાણીમાં ગરકાવ થયો હતો. જેથી આજુબાજુના સ્થાનિક લોકોએ બચાવવાની કોશિશ કરી, પરંતુ યુવક ઉંડા પાણીમાં ગરકાવ થયો હતો. જેથી પરિવારજનો અને આજુબાજુના લોકોએ તાત્કાલિક ગોધરા ફાયર બ્રિગેડના જવાનોને જાણ કરી હતી. ગોધરા ફાયર બ્રિગેડના જવાનોએ તાત્કાલિક ઘટનાસ્થળ ઉપર આવી સતત બે દિવસ સુધી ભારે જહેમત બાદ યુવકનો મૃતદેહ ગઈકાલે બહાર કાઢ્યો હતો. જે સમગ્ર બનાવની કાકણપુર પોલીસ મથકમાં અકસ્માતમાં ગુનો દાખલ કરવામાં આવ્યો હતો. આ બનાવની પ્રાપ્ત વિગત અનુસાર, ગોધરા તાલુકાના મોટી કાટડી હરા ફળિયામાં રહેતા રાજેન્દ્રસિંહ નાથુસિંહ રાઉલજીએ જણાવ્યું હતું કે, આજથી બે દિવસ પહેલા તેમનો ભત્રીજો છત્રસિંહ કેસરીસિંહ સોલંકી પોતાના ગામમાંથી પસાર થતી નર્મદાની મુખ્ય કેનાલમાં પગ ધોવા માટે નીચે ઉતાર્યો હતો. ત્યારે અચાનક તેમનો પગ લપસી જતા તેઓ નર્મદા કેનાલમાં ડૂબી ગયા હતા. જ્યારે આજુબાજુના સ્થાનિક લોકોએ બચાવવાની કોશિશ કરી, પરંતુ છત્રસિંહ સોલંકી ઊંડા પાણીમાં ગરકાવ થયા હતા. આજુબાજુના સ્થાનિક લોક...

વલસાડના વાપી તાલુકાના ડુંગરા પોલીસ મથક વિસ્તારમાં રહેતા એક શ્રમિક પરિવારની સગીરા સાથે મિત્રતા કેળવી વર્ષ 2014માં સગીરાને લગ્ન કરવાની લોભામણી લાલચ આપી એક યુવક તેનું અપહરણ કરી ગયો હતો. તેમજ સગીરાની મરજી વિરુદ્ધ સગીરા સાથે દુષ્કર્મ આચર્યું હતું. તે કેસની ડુંગરા પોલીસની ટીમે ઝીણવટ ભરી તપાસ કરી 10 વર્ષથી સગીરા અપહરણ કેસમાં વોન્ટેડ આરોપીને બાતમીના આધારે UPના મિર્ઝાપુર વિસ્તારમાંથી ઝડપી પાડ્યો હતો. ડુંગરા પોલીસે આરોપીની પ્રાથમિક પૂછપરછ કરતા આરોપીએ ગુનાની કબૂલાત કરતા ડુંગરા પોલીસે આરોપીની ધરપકડ કરી આગળની તપાસ હાથ ધરી હતી. વલસાડ જિલ્લાના વાપી તાલુકાના ડુંગરા વિસ્તારમાં રહેતી એક સગીરાને નજીકમાં રહેતા યુવકે મિત્રતા કેળવી હતી. યુવકે મિત્રતા દરમ્યાન સગીરા સાથે કરેલી વાતચીત દરમ્યાન યુવકે સગીરાને લગ્ન કરવાની લોભામણી લાલચ આપી પ્રેમ જાળમાં ફસાવી હતી. ત્યારબાદ સગીરાને લલચાવી ફોસલાવી વર્ષ 2014માં સગીરાનું અપહરણ કરી યુવક ભાગી ગયો હતો. સગીરાના પરિવારના સભ્યોએ સગીરાની શોધખોળ હાથ ધરી હતી. સગીરાના પરિવારના સભ્યોએ સગીરાનું વાપીના સહિત વલસાડ જિલ્લામાં સગીરાની શોધખોળ હાથ ધરી હતી. સગીરા ક્યાંય મળી ન આવતા સગીરાના ...

મહેસાણામાં મિત્રની સમાધાનની બાબતમાં ગયેલા યુવક પાસે રિક્ષા લઈને આવેલા અન્ય મિત્રોએ રિક્ષાનું ભાડું માગી છરાથી કરેલા હુમલામાં યુવકનો અંગૂઠો કપાઈ ગયો હતો. લટકી રહેલા અંગૂઠાને જોઈન્ટ કરવા પ્લાસ્ટિક સર્જરી કરાઈ હતી. ઇજાગ્રસ્ત યુવકે હુમલો કરનાર દેલા વસાહતના બે શખ્સો સામે એ ડિવિઝનમાં ફરિયાદ નોંધાવી છે. માનવ આશ્રમ ચોકડી નજીક સંકેતનગર સોસાયટીમાં રહેતો અરમાન અજીતભાઈ લીડીયા (ભીલ) નામનો વિદ્યાર્થી શનિવારે સોસાયટીમાં રહેતા તેના મિત્ર પ્રિન્સ રાણા સાથે અન્ય એક મિત્રને ઇન્સ્ટાગ્રામની સ્ટોરી બાબતે સમાધાન કરવાનું હોઇ કરણ ભાટીનું બાઈક લઈ ત્રણે જણા ગોલ્ડન વિલા આગળ આવ્યા હતા. થોડીવાર પછી સાહિલ આવતાં કરણ અને બંને વચ્ચે ઇન્સ્ટાગ્રામ ઉપર મોકલેલી સ્ટોરી બાબતે માફી માગી સમાધાન કર્યું હતું. ત્યાર બાદ તેઓ વાતચીત કરતા હતા, ત્યારે સાહિલના મિત્રો રિક્ષા લઈને આવ્યા હતા અને દેલા વસાહતના પરમાર જયેશ ઉર્ફે ટેણીએ અરમાન પાસે રિક્ષાનું ભાડું માગ્યું હતું. જેથી તેણે આ મેટર કરણ ભાટીની હતી તેમાં સમાધાન થયેલ છે તો તેની પાસે ભાડું માગવાનું કહેતાં જયેશે ઝઘડો કરી છરો મારતાં અરમાનના ડાબો હાથનો અંગૂઠો કપાઇને લટકી પડતાં અંગૂઠાની પ્...

દાહોદ જિલ્લામાં સોમવારનો દિવસ પણ ભીંજાયેલો પસાર થયો હતો. જોકે, છ તાલુકામાં જ વરસાદ નોંધાયો હતો. બાકીના ત્રણ તાલુકામાં રસ્તા ભીના થાય તેટલો વરસાદ થયો હતો. ડેમો ભરાવવા માટે હવે પ્રજા ધોધમાર વરસાદની રાહ જોઇ રહી છે. દાહોદ જિલ્લામાં સોમવારનો દિવસ પણ ઝરમરિયા વરસાદ સાથે પસાર થયો હતો.જોકે, આખા જિલ્લામાં 6 તાલુકામાં વરસાદ નોંધાયો હતો. સોમવારના રોજ સવારથી વાદળછાયુ વાતાવરણ જોવા મળ્યુ હતું. દરરોજ જેવું ખુશનુમા વાતાવરણ જોવા મળ્યુ હતું. ત્યારે જિલ્લાના નવ તાલુકા પૈકી ફતેપુરા તાલુકામાં સાંજના છ વાગ્યા સુધીમાં 8 મિમી, લીમખેડા તાલુકામાં 1 મિમી, ગરબાડા તાલુકામાં 2 મિમી, દેવગઢ બારિયા તાલુકામાં 5 મિમી, ધાનપુર તાલુકામાં 3 મિમી અને સિંગવડ તાલુકામાં 11 મિમી વરસાદ નોંધાયો હતો. જોકે, દાહોદ શહેર સહિત બાકીના તાલુકામાં પણ ઝરરમરિયા વરસાદે રસ્તા ભીના કર્યા હતાં. ઉલ્લેખનિય છે કે, દાહોદ જિલ્લામાં દરરોજ ઝરમરમ વરસાદ થઇ રહ્યો છે.તેનાથી ખેતીને ચોક્કસપણે લાભ થઇ રહ્યો છે પરંતુ ડેમોમાં પાણીની કોઇ આવક થઇ નથી રહી. ડેમો ભરાવવા ધોધમાર વરસાદની જરૂરિયાત જણાઇ રહી છે. http://dlvr.it/TBXhGW

જૂનાગઢ કેશોદ નેશનલ હાઈવે પર બે બાઈક વચ્ચે ગંભીર અકસ્માત થયાની ઘટના સામે આવી છે. કેશોદ થી બાટવા તરફ જતી અને રોંગ સાઈડમાં કેશોદ તરફ આવતી બે બાઈક વચ્ચે ગંભીર અકસ્માત સર્જાયો હતો. અકસ્માતના સીસીટીવી ફૂટેજ પણ સામે આવ્યા છે. ત્યારે બાઈક સવાર પતિ-પત્ની સહિત ચાર લોકોને ગંભીર ઇજા થતાં સારવાર માટે ખસેડવામાં આવ્યા છે. જેમાં બાઈક સવાર પતિ પત્ની સહિત ચાર ઇજાગ્રસ્તો ને કેશોદ સિવિલ હોસ્પિટલ સારવાર આપ્યા બાદ ત્રણ ઇજાગ્રસ્તોને જુનાગઢ વધુ સારવાર માટે મોકલવામાં આવ્યા છે. બાઈક ચાલક બાંટવાના વિષ્ણુભાઈ ધીરુભાઈ ડગરા, વિક્રમભાઈ ધીરુભાઈ પરમાર હોવાનું સામે આવ્યું છે. તેમજ કેશોદના મેવાણાના કાંતિભાઈ ભગવાનજીભાઈ મારડિયા અને તેમના પત્ની નિર્મળાબેન કાંતિભાઈ મારડિયા ને સામેથી આવતી બાઈક ટકરાતા ગંભીર ઇજાઓ પહોંચી છે. કેશોદ જુનાગઢ નેશનલ હાઈવે પર અકસ્માત થતાં રોડ પર ટ્રાફિક જામના દ્રશ્યો સર્જાયા હતા. અકસ્માતની જાણ થતા પોલીસ તાત્કાલિક ઘટના સ્થળે પહોંચી હતી. અકસ્માત મામલે પોલીસે ઘટના સ્થળ પર પહોંચી તપાસ હાથ ધરી છે.. http://dlvr.it/TBX70F

દ્વારકા સર્કિટ હાઉસ ખાતે અધિકારીઓ તેમજ પદાધિકારીઓ સાથે રાજ્યના કૃષિ, પશુપાલન, ગૌસંવર્ધન, મત્સ્યોદ્યોગ, ગ્રામ ગૃહ નિર્માણ અને ગ્રામ વિકાસ વિભાગના મંત્રી રાઘવજીભાઈ પટેલે સમીક્ષા બેઠક યોજી હતી. તેમણે જિલ્લામાં ભારે વરસાદથી થયેલ નુકસાનની માહિતી મેળવી હતી. તંત્ર દ્વારા કરવામાં આવેલા રાહત બચાવ અને પુનઃ સ્થાપનની કામગીરી, પાણી નિકાલ બાદ સાફ સફાઈ અને દવા છંટકાવ, ચાંદીપુરા વાઈરસ અંગેની પરિસ્થિતિની વિગતોથી અવગત થઈને જરૂરી સૂચનાઓ અને માર્ગદર્શન આપ્યું હતું. વધુમાં પાક નુકસાન સર્વેની ચાલી રહેલી કામગીરીની સમિક્ષા કરી હતી. સરવેની કામગીરી માટે વધારાની ટીમો ફાળવી સત્વરે સર્વે પૂર્ણ કરવા તાકિદ કરી હતી. જિલ્લા વહીવટી તંત્ર દ્વારા ચાલુ વરસાદે કરવામાં આવેલ રાહત બચાવની કામગીરીની સરાહના કરી હતી. વધુમાં વૃક્ષારોપણ અભિયાનને વધુ સઘન બનાવવા માટે સૂચના આપી હતી. આ બેઠકમાં ધારાસભ્ય પબુભા માણેક, કલેક્ટર જી.ટી. પંડ્યા, જિલ્લા વિકાસ અધિકારી એસ.ડી. ધાનાણી, સાથે સ્થાનિક આગેવાનો અને અધિકારીઓ ઉપસ્થિત રહ્યા હતા. દેવભૂમિ દ્વારકા જિલ્લાના કલ્યાણપુર તાલુકાના ભાટિયા તેમજ રાવલ ગામે રાજ્યના કૃષિ મંત્રી રાઘવજીભાઈ પટેલ,ધારાસભ્ય પબ...

ભાવનગર શહેર અને જિલ્લામાં અષાઢી અમાસના અંતિમ દિવસે પણ અમુક તાલુકામાં સામાન્ય વરસાદ વરસ્યો હતો. વલ્લભીપુર, સિહોર તથા પાલીતાણામાં હળવા ઝાપટાં વરસ્યા હતા, જયારે શહેરમાં દિવસભર માત્ર ઘનઘોર વાદળો છવાયેલા રહ્યા હતા, પરંતુ મેઘો મનમૂકીને વરસ્યો ન હતો. ભાવનગર જિલ્લામાં સરેરાશ 1.6 MM જેટલો વરસાદ વરસ્યો હતો. છેલ્લા 24 કલાકમાં ભાવનગરમાં પડેલ વરસાદના આંકડા ભાવનગર જિલ્લામાં આજ સવારના 6 વાગ્યા સુધીમાં વલ્લભીપુરમાં - 4 મિમી, ઉમરાળામાં -2 મિમી, ભાવનગરમાં - 1 મિમી, ઘોઘામાં - 1 મિમી, સિહોરમાં - 4 મિમી, ગારીયાધારમાં - 0 મિમી, પાલીતાણામાં - 4 મિમી, તળાજામાં - 0 મિમી, મહુવામાં - 0 મિમી તથા જેસરમાં - 0 મિમી વરસાદ વરસ્યો હતો, આમ, ભાવનગર જિલ્લાના 10 તાલુકામાંથી 6 તાલુકામાં ઝરમર વરસાદ જ્યારે 4 તાલુકાઓ વરસાદથી વંચિત રહ્યા હતા. છેલ્લા 5 દિવસનું શહેરનું તાપમાનનો પારો તા.31 જુલાઈના રોજ મહતમ તાપમાન 33.6 ડિગ્રી નોંધાયું હતું, જ્યારે ન્યૂનતમ તાપમાન 25.8 ડીગ્રી નોંધાયું હતું, જ્યારે વાતાવરણમાં ભેજનું પ્રમાણ 61 ટકા નોંધાયું હતું અને 22 કિલોમીટરની ઝડપે પવન ફૂંકાયો હતો.તા.1 ઓગસ્ટના રોજ મહતમ તાપમાન 33.8 ડિગ્રી નોંધાયું હ...

વડગામ તાલુકાના શેરપુરા (મ) હાઇવે ઉપરથી પસાર થતી ટ્રકમાંથી ગેરકાયદેસર ખીચોખીચ ભરી શનિવારે કતલખાને લઈ જવાતાં 24 ગૌવંશને જીવદયા પ્રેમીઓએ ઝડપી પાડી મૂંગા પશુઓના જીવ બચાવ્યા હતા. છાપી પોલીસ ઘટના સ્થળે પહોંચી ટ્રક ચાલકની અટકાયત કરી વધુ કાર્યવાહી હાથ ધરી હતી. પવિત્ર શ્રાવણ માસ અંતર્ગત જીવદયા પ્રેમીઓ સક્રીય બનતા શેરપુરા થી અમદાવાદ કતલખાને લઈ જવાતાં ગૌવંશને છાપી નજીક શેરપુરા-મજાદર હાઇવે ઉપર બાતમીના આધારે શેરપુરાના બે જીવદયા પ્રેમીઓએ એક ટ્રકનો પીછો કરી ટ્રકને ઉભી રાખવી તલાસી લીધી હતી. દરમિયાન ટ્રકમાં ખીચોખીચ ભરેલ 24 ગૌવંશને ઝડપી પાડી છાપી પોલીસને જાણ કરતા એએસઆઈ ઉદેસિંહ સહિતનો સ્ટાફ ઘટના સ્થળે પહોંચી કાયદેસરની કાર્યવાહી કરી ક્રૂરતા પૂર્વક ઘાસચારા તેમજ પાણીની સગવડ વિના 24 ગૌવંશ મળી આવતા પોલીસે ટ્રક સહિત ગૌવંશ મળી કુલ રૂ. 98 હજારનો મુદ્દામાલ જપ્ત કરી ટ્રક ચાલક મિશ્રિલાલ મનિરામ પાલ ગડરિયા (રહે.બસંત પીપળી,જી.નાસિક, મહારાષ્ટ્ર) ની અટકાયત કરી હતી. જ્યારે ગૌવંશને ડીસા પાંજરાપોળમાં મુકવામાં આવ્યા હતા. પોલીસે પશુ ક્રૂરતા અધિનિયમ હેઠળ ગુનો નોંધી વધુ કાર્યવાહી હાથ ધરી હતી. http://dlvr.it/TBVSw5

સ્પાઈસ જેટની રવિવારે સવારે 9.55 વાગ્યાની અમદાવાદથી દુબઈ જતી ફ્લાઈટ 8 કલાકના વિલંબ પછી સાંજે 6.15 વાગ્યે રવાના થતાં 155 પેસેન્જરો અટવાઈ પડ્યા હતા. એરલાઇન અગાઉથી પેસેન્જરોને ફોન અને મેસેજથી જાણ કરી હતી તેમ છતાં 30 પેસેન્જર એરપોર્ટ પહોંચી જતાં તેમને રિફ્રેશમેન્ટ આપવાની ફરજ પડી હતી. આ ફ્લાઈટ પર સમયસર આવી હતી પરંતુ અમદાવાદમાં એરક્રાફટના એન્જિનિયરિંગનું કામ ચાલતું હોવાથી મોડી પડી હોવાનું સૂત્રોનું કહેવું છે. વરસાદથી ખરાબ વાતાવરણના કારણે અમદાવાદથી ડોમેસ્ટિક સેક્ટરની 13 ફ્લાઈટના શિડ્યુલ ખોરવાયા હતા જેમાં સૌથી વધુ દિલ્હીની 5 ફ્લાઇટો 2 કલાક સુધી મોડી પડતાં પેસેન્જરો હેરાન થયા હતા. અમદાવાદથી ઉપડતી ઈન્ડિગોની હૈદરાબાદ, બેંગ્લુરુ 2 કલાક, ઔરંગાબાદ, વારાણસી, પૂણે 1 કલાક, વિસ્તારાની મુંબઈ અને દિલ્હીની 1 કલાક, સ્પાઈસ જેટની દિલ્હીની ફ્લાઈટ પણ 1 કલાક સુધી મોડી પડી હતી. છેલ્લા કેટલાક દિવસથી ખરાબ વાતાવરણના કારણે ફ્લાઈટો મોડી પડવાનો સિલસિલો યથાવત્ છે જેના કારણે પેસેન્જરોને હેરાન થવાનો વારો આવે છે. http://dlvr.it/TBVJ64

હિંમતનગર ખાતેની સમરસ છાત્રાલયમાં આજે 165 વિદ્યાર્થીઓને રાજ્યકક્ષા અન્ન અને નાગરિક પુરવઠા, સામાજિક ન્યાય અને અધિકારીતા મંત્રી ભીખુસિંહજી પરમારે પ્રવેશોત્સવ કરાવ્યો હતો. આ પ્રસંગે હિંમતનગરના ધારાસભ્ય વી.ડી.ઝાલા, કલેકટર નૈમેષ દવે ઉપસ્થિત રહ્યા હતા. દરમિયાન સમરસ કુમાર છાત્રાલયમાં 165 વિદ્યાર્થીઓએ પ્રવેશ મેળવ્યો હતો. હિંમતનગરના સમરસ છાત્રાલય ખાતે રવિવારે યોજાયેલા પ્રવેશોત્સવમાં રાજ્યકક્ષા મંત્રી ભીખુસિંહજી પરમારે જણાવ્યું હતું કે, હિંમતનગર ખાતે 6742.91 ચો.મી મકાન બાંધકામ ક્ષેત્રફળ ધરાવતા અને 16.61 કરોડના ખર્ચે નિર્માણ થયેલ આ સમરસ કુમાર છાત્રાલય વિદ્યાર્થીઓને અભ્યાસ દરમિયાન રહેવા તથા જમવાની સુવિધા મળી રહે તે હેતુથી બનાવામાં આવ્યું છે. શૈક્ષણિક વર્ષ 2019-20 થી સાબરકાંઠા જિલ્લામાં સમરસ કુમાર છાત્રાલય તથા સમરસ કન્યા છાત્રાલય હિંમતનગર ખાતે શરૂ કરવામા આવ્યું છે. આ છાત્રાલયમાં કુમાર-250 તથા કન્યા-250 એમ કુલ-500 વિદ્યાર્થીઓ રહી શકે એવી અદ્યતન સુવિધાઓ ઉપલબ્ધ કરવામા આવી છે. જિલ્લાના અનુ.જાતિ, અનુ. જનજાતિ, આર્થિક અને શૈક્ષણિક પછાત અને આર્થિક પછાત વિદ્યાર્થીઓને અભ્યાસ દરમિયાન રહેવા તથા જમવાની સુવિધા મળ...

ગીર સોમનાથ ખાતે પ્રથમ જ્યોતિર્લિંગ સોમનાથ મહાદેવનું પવિત્ર યાત્રાધામ આવેલું છે. શ્રાવણ માસ દરમિયાન સોમનાથ મંદિર ખાતે શ્રધ્ધાળુઓ મોટા પ્રમાણમાં વાહનો લઈને આવતા હોય છે. જેથી કાયદો અને વ્યવસ્થા જળવાઈ રહે અને ટ્રાફિકની સમસ્યા નિવારી શકાય તે માટે જિલ્લા કલેક્ટર દિગ્વિજયસિંહ ડી. જાડેજા દ્વારા જાહેરનામું પ્રસિદ્ધ કરવામાં આવ્યું છે. આ જાહેરનામાં અનુસાર સોમનાથ મંદિર મુકામે શ્રાવણ માસ દરમિયાન આવતા શ્રધ્ધાળુઓના વાહનોની એન્ટ્રી સફારી બાયપાસ તરફથી થઈ ગુડલક સર્કલ થઈ વેણેશ્વર થઈ તમામ પ્રકારના વાહનો એકમાર્ગીય રીતે ન્યૂ ગૌરીકુંડ પાર્કિંગમાં આવશે અને ત્યાંથી વાહનો પાર્કિંગમાં મૂકીને દર્શનાર્થી દર્શન કરી પરત ફરે ત્યારે પાર્કિંગમાંથી વાહનો લઈ ત્રિવેણી રોડ ઉપર આવેલ પ્રજાપતિ ધર્મશાળા પાસે નવા બનેલ સિમેન્ટ રોડ ઉપર થઈ સદભાવના ગ્રાઉન્ડમાં થઈ સફારી બાયપાસથી બહાર નીકળશે. આ જ રીતે ગુડલક સર્કલ તરફથી આવતા વાહનો સોમનાથ શોપિંગ સેન્ટર આગળ થઈ જૂના અહલ્યાબાઈ મંદિરની પાછળથી એટીએમવાળી ગલીમાં થઈ બહાર નીકળવાના રસ્તા તરીકે એકમાર્ગીય જાહેર થવા તથા ગુડલક સર્કલથી હમીરજી સર્કલ સુધી તથા હમીરજી સર્કલથી ત્રિવેણી રોડ સુધી "નો-પ...

વલસાડના કપરાડા તાલુકાના આંભેટી ગામમાં આવેલા ભાવની ફળિયામાં પ્રવિણભાઇ મગનભાઈના ઘરના ઓટલા ઉપર 28 સપ્ટેમ્બરની રાત્રીએ બેસેલા પિતા-પુત્ર પૈકી એક યુવકને આરોપીએ તેની પત્ની સામે યુવક વારંવાર જોઈ ઈસારા કરતો હોવાનો વહેમ રાખીને મારી પત્ની સામે કેમ જોયા કરે છે. કહીને નજીકથી લાકડાના ટુકડો લાવી યુવકને લાકડાના ફટકાઓ મારી ગંભીર રીતે ઇજાગ્રસ્ત કર્યો હતો. સ્થાનિક લોકોએ વચ્ચે પડી ઇજાગ્રસ્ત યુવકને નજીકની હોસ્પિટલમાં સારવાર માટે ખસેડયો હતો. સારવાર દરમિયાન યુવકનું મોત થયું હતું. તે કેસમાં ઝડપાયેલા યુવકે ધરમપુરની એડિશનલ સેશન્સ કોર્ટમાં જેલમાંથી મુક્ત થવા આરોપીએ જામીન અરજી રજૂ કરી હતી. જે અરજી ઉપર DGP અનિલ ત્રિપાઠીની અસર કારક દલીલોને ગ્રાહ્ય રાખીને ધરમપુરની એડિશનલ સેશન્સ કોર્ટના જજ એમ એ મિર્ઝાએ હત્યાના કેસના આરોપી યુવકના જામીન અરજી નામંજૂર કરતો હુકમ કર્યો હતો. કપરાડા તાલુકાના અંભેટી ગામના ભાવની ફળિયામાં રહેતા પ્રવિણભાઇ મગનભાઈના ઘરના ઓટલા ઉપર 28 સપ્ટેમ્બર 2023ના રોજ રવિ બાબુ ચાવરા અને તેના પિતા બાબુ ચાવરા ઓટલા ઉપર બેસી વાતો કરતા હતા. જે દરમ્યાન નજીકથી પ્રેગ્નેશ વિજય પટેલ વારલી નજીકથી આવી પહોંચ્યો હતો અને રવિન...

ભારે વરસાદના કારણે ઘેડ વિસ્તારમાં જળબંબાકાર જેવી સ્થિતી સર્જાઇ છે. ઘેડમાં પુરના કારણે 15 દિવસથી ખેતમજૂરી બંધ થઇ ગઇ છે. સાથે પશુના ચારાની પણ મુશ્કેલી ઉભી થઇ છે. ત્યારે ખેત મજૂરોને તાત્કાલીક કેશડોલ્સ ચૂકવવા તેમજ પશુના ચારાની વ્યવસ્થા કરવા માંગ કરાઇ છે. અા અંગે ખેડૂત હિત રક્ષક સમિતીના ઉપપ્રમુખ હમીર રામે જિલ્લા કલેકટરને પત્ર પાઠવી રજૂઅાત કરી છે. પત્રમાં જણાવાયું છે કે, ભારે વરસાદના કારણે ઘેડ પંથકમાં સ્થળ ત્યાં જળ જેવી સ્થિતી સર્જાઇ છે. સમગ્ર વિસ્તાર બેટમાં ફેરવાઇ ગયો છે. સર્વત્ર પાણી ભરાયેલું હોય ખેત મજૂરોને છેલ્લા 10 - 15 દિવસથી મજૂરી કામ મળતું નથી. પરિણામે તેમના પરિવારની રોજીરોટીનો સવાલ ઉભો થયો છે.ત્યારે ખેત મજૂરી બંધ હોય અાવા પરિવારોને તાત્કાલીક કેશડોલ્સની રકમ ચૂકવવી જોઇઅે જેથી તેઅો પોતાનો જીવન નિર્વાહ કરી શકે. સાથે ભારે પુરના કારણે ખેડૂતોઅે સંગ્રહ કરેલો ઘાંસચારો પલળી ગયો છે. હવે ખેતરોમાં પાણી ભરેલા હોય લીલો ઘાસચારો પણ મળી શકે તેમ નથી.જ્યારે સરકાર પાસે જંગલ ખાતાની વિડીમાં અેકત્રિત થયેલ ઘાંસચારો પશુપાલકોને અાપવો જોઇઅે. કારણ કે, પશુપાલકો માટે પોતાના કરતા પોતાનું પશુધન ખૂબ જ અગત્યનું હોય છ...

દાહોદ જિલ્લાના પ્રભારી સચિવ રાજકુમાર બેનીવાલના અધ્યક્ષસ્થાને જિલ્લા આયોજન બેઠક દરમ્યાન દાહોદ જિલ્લામાં નગર પાલિકા, ભૂગર્ભ ગટર લાઈન, પીવાના પાણી, આરોગ્ય વિભાગ, રસ્તા, વરસાદી ખાડા, સાફ – સફાઈ, શાળાઓના ઓરડા, કન્યાઓને ફાળવવામાં આવતી સાયકલો જેવા પ્રજાલક્ષી પ્રશ્નોની સમીક્ષા કરવામાં આવી હતી. જિલ્લા કલેકટર કચેરીના સભાખંડમાં યોજાયેલી બેઠકમાં પ્રભારી સચિવે જણાવ્યું હતું કે, રાજ્ય સરકાર સર્વે વિસ્તારોના સર્વાંગી વિકાસ માટે પ્રતિબદ્ધ છે ત્યારે વિકાસકામો ગુણવત્તાપૂર્વક અને સમયમર્યાદામાં શરૂ થાય અને પુર્ણ થાય તે અંગે કાર્ય કરવા જરૂરી છે. તેમજ વિવિધ કામોમાં આયોજનમાં લેતી વેળાએ બિનજરૂરી હેતુફેર ન થાય તે અંગેની તકેદારી રાખવી જરૂરી છે. ધારાસભ્યો દ્વારા રજુ કરવામાં આવેલ પ્રશ્નોને ધ્યાને લઈને સંબંધિત અધિકારીઓને જરૂરી કાર્યવાહી કરવાની સુચના આપી હતી. જિલ્લામાં પૂર્ણ કરવામાં આવેલા કામો, પ્રગતિ હેઠળના કામોની ઝીણવટપૂર્વકની સમીક્ષા કરાઇ હતી. જિલ્લા કલેક્ટર યોગેશ નિરગુડેએ તમામ અધિકારીઓને સંબોધીને અઠવાડિક ઓછામાં ઓછા 2 દિવસે રૂબરૂ કામગીરી સ્થળની મુલાકાત લઈને જે - તે કામગીરીનો રીપોર્ટ જણાવવા સુચના આપી હતી. બેઠકમાં...

ગુજરાત રાજ્યના પોલીસવડા વિકાસ સહાય પંચમહાલ રેન્જની મુલાકાતે આવ્યા છે. પંચમહાલ રેન્જમાં આવતા ત્રણ જિલ્લાઓ પંચમહાલ દાહોદ અને મહીસાગરના પોલીસ અધિકારીઓ સાથે બેઠક યોજીને કાયદો અને વ્યવસ્થાની સમીક્ષા કરવામાં આવી હતી. પંચમહાલ પોલીસ દ્વારા તેમને ગાર્ડ ઓફ ઓનર સાથે સ્વાગત કરવામાં આવ્યું હતું. પંચમહાલ જિલ્લાના ગોધરા ખાતે આજે ગુજરાત રાજ્યના પોલીસવડા વિકાસ સહાય મુલાકાતે આવ્યા હતા. જેમનુ પંચમહાલ રેન્જ આઈજી આર.વી.અસારી સહિતના ઉચ્ચ અધિકારીઓ દ્વારા સ્વાગત કરવામાં આવ્યું હતું. તેમને પંચમહાલ પોલીસના જવાનો દ્વારા ગાર્ડ ઓફ ઓનર આપીને વિશેષ સ્વાગત કરવામાં આવ્યું હતું. પંચમહાલ રેન્જમાં મહિસાગર અને દાહોદ જિલ્લાનો પણ સમાવેશ થતો હોઈ તેમાં આ બન્ને જિલ્લાના પોલીસ અધિકારીઓ હાજર રહ્યા હતા. જેમાં પોલીસ અધિકારીઓ સાથે બેઠક યોજીને તેમને કાયદો અને વ્યવસ્થાની સમિક્ષા કરી હતી. સાથે સાથે તેમને ગોધરાના નાગરિકો સાથે પણ બેઠક યોજી હતી. વિકાસ સહાય તેમની પોલીસ અધિકારી તરીકેની કારકિર્દીમાં ગોધરામાં પ્રોફેશનલ ઓફીસર તરીકે શરુઆત કરી હતી. તે સંસ્મરણો પણ વાગોળ્યા હતા. http://dlvr.it/TBS8cc

સુરતમાં વ્યાજખોરોના દૂષણ સામે સુરત પોલીસ દ્વારા અલગ અલગ પોલીસ મથક હદ વિસ્તારમાં લોક દરબારનું આયોજન કરવામાં આવે છે. સુરતના સરથાણા ખાતે યોજાયેલા લોક દરબારમાં એક દુકાન માલિકની દુકાનનો કબજો ભાડૂઆત સોંપતો નહોતો, જેથી લોક દરબારમાં દુકાનમાલિકે રડતા રડતા પોલીસ કમિશનરને રજૂઆત કરતાં સરથાણા પોલીસે ત્રણ જ દિવસમાં દુકાનનો કબજો અપાવ્યો હતો, આથી તેઓ ખુશખુશાલ જોવા મળ્યા હતા. CP આગળ દુકાનમાલિક અચાનક રડવા લાગ્યા સુરતના સરથાણા વિસ્તારમાં યોજાયેલા લોક દરબારમાં જોવા મળી હતી. લોક દરબારમાં વાલક પાટિયા વિસ્તારમાં રહેતા અશોકભાઈ ભાયાણી અને તેનો પુત્ર બંને ગયા હતા. જેમાં અશોકભાઈ સુરત પોલીસ કમિશનર પાસે આવી અને એકાએક જ રડવા લાગ્યા હતા. પોલીસ કમિશનરે તેમને પૂછતા તેમને પોતાની આપવીતી જણાવી હતી અને કહ્યું હતું કે, થોડા મહિનાઓ પહેલા તેમણે પોતાની તમામ પૂંજી એકઠી કરી એક દુકાન લીધી હતી. દુકાન લીધી ત્યારે એક વ્યક્તિ વજુભાઈ ક્યાડા તેમાં દુકાન ચલાવતો હતો. જ્યારે દુકાન લીધી ત્યારે દુકાન ખાલી કરવાનો ત્રણ મહિનાનો વાયદો આપ્યો હતો. પરંતુ પાંચ મહિના ઉપર થઈ ગયા છતાં ભાડુઆત દુકાન ખાલી કરતો ન હતો. દુકાન ચલાવનારી વ્યક્તિ ભાડું પણ આપત...

ધોરણ 10- 12ની પૂરક પરીક્ષાનું તાજેતરમાં જ પરિણામ જાહેર થયેલ છે. જે પરિણામથી સંતોષ ન હોય તેવા વિદ્યાર્થીઓના પરિણામની ગુણ ચકાસણી માટે અરજી કરવાની અંતિમ તારીખ નક્કી કરાઈ છે.ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 12 સામાન્ય પ્રવાહ, બુનિયાદી પ્રવાહ, વ્યવસાયલક્ષી પ્રવાહ તથા સંસ્કૃત મધ્યમાની, ધોરણ 12 વિજ્ઞાન પ્રવાહ અને ધોરણ 10 અને સંસ્કૃત પ્રથમાની જૂન- જુલાઈમાં લેવાયેલી પૂરક પરીક્ષાનું તારીખ 29 જુલાઇના પરિણામ જાહેર કરવામાં આવ્યું છે. જે પરીણામને લઇ કોઇપણ છાત્ર ગુણ ચકાસણી કરાવવાની ઇચ્છા ધરાવતા હોય તે બોર્ડની વેબસાઈટ www.gseb.org અથવા hsc.gseb.org પર ઓનલાઇન કરી શકશે. જેમાં ધોરણ 10ના છાત્રો તારીખ 7 ઓગસ્ટ સાંજના 5 કલાક સુધી, ધોરણ 12 સામાન્ય પ્રવાહના છાત્રો તારીખ 6 ઓગસ્ટ સાંજના 5 અને ધોરણ 12 વિજ્ઞાન પ્રવાહના છાત્રો તારીખ 6ના સાંજના 5 કલાક સુધી રજીસ્ટ્રેશન કરાવી શકશે. ગુણચકાસણીની અરજી ઓનલાઇન માધ્યમથી જ સ્વીકારવામાં આવશે. ઉપરાંત ગુણ ચકાસણીની અરજીની નિયત ફી ઓનલાઈન એસબીઆઇ ઇપેસિસ્ટમ મારફત ક્રેડિટ કાર્ડ, ડેબિટ કાર્ડ, નેટબેન્કિંગ દ્વારા અથવા એસબીઆઇના ઇપેના એસબીઆઇ તેના એસબીઆઇ બ્રાન્ચ...

શહેરના બહુમાળી ભવનના ખોબા જેટલા રૂમમાં કાર્યરત જિલ્લાની 2000થી વધુ સેવા સહકારી મંડળીઓનો સમગ્ર કારભાર ઇન્ચાર્જ જિલ્લા રજીસ્ટ્રાર માથે નાખી દેવામાં આવ્યો હોઈ વહીવટી પ્રક્રિયામાં હાલાકી પડતી હોવાની બૂમ અન્ય કર્મચારીઓમાં ઉઠી છે. નાના ઓરડામાં ગુંગળાઈને કામ કરતાં કર્મચારીઓએ સહેલાઈથી વહીવટી કામગીરી થઈ શકે તે માટે મોટા ક્ષેત્રફળના રૂમની વ્યવસ્થા મળી રહે તે માટે પ્રક્રિયા હાથ ધરી હોવાનું અંતરંગ સૂત્રોમાંથી જાણવા મળ્યું છે. બહુમાળી ભવનના ત્રીજા માળે કાર્યરત જિલ્લા રજીસ્ટ્રાર સેવા સહકારી મંડળીની કચેરી થોડા સમય અગાઉ લીમડા ચોકના રંગ મહેલ ઈમારતમાં કાર્યરત હતી. જ્યાં એક આકસ્મિક ઘટના બની ગયા બાદ કચેરીને બહુમાળી ભવનમાં ખસેડવામાં આવી છે. જ્યાં ખૂબ જ ટૂંકા ક્ષેત્રફળના એક ઓરડામાં જિલ્લા રજીસ્ટ્રાર સહિતના 20થી વધુ કર્મચારીઓને અહીં કાર્યરત કરવામાં આવ્યા છે. પરંતુ ખોબા જેટલા ઓરડામાં બેસીને ફરજ બજાવતા કર્મચારીઓને તેમને કરવી પડતી કામગીરીની ફાઈલો સહિતના દસ્તાવેજો, ખુદને બેસવા માટેના ટેબલ ખુરશી ક્યાં મૂકીને કામ કરવું તે એક પ્રશ્ન થઈ પડ્યો છે. એટલું જ નહીં પરંતુ અહીં કામ અર્થે આવતા જિલ્લાભરની સેવા સહકારી મંડળીઓના...

શુક્રવારે આખા દાહોદ જિલ્લામાં ઓછાવત્તા અંશે સાર્વત્રિક વરસાદ જોવા મળ્યો હતો. વહેલી પરોઢથી જ વરસાદી માહોલ બનેલો રહેતો સૂર્યના દર્શન થયા ન હતાં. જિલ્લાના વિવિધ વિસ્તારોમાં થોડી-થોડી વારે ઝાપટા સ્વરૂપે વરસાદ પડ્યો હતો. સાંજના 6 વાગ્યા સુધીમાં ફતેપુરા તાલુકામાં 9 મિમી, ઝાલોદ તાલુકામાં 2 મિમી, લીમખેડા તાલુકામાં 4 મિમી, દાહોદ તાલુકામાં 7 મિમી, ગરબાડા તાલુકામાં 9 મિમી, દેવગઢ બારિયા તાલુકામાં 4 મિમી, ધાનપુર તાલુકામાં 5 મિમી અને સિંગવડ તાલુકામાં 5 મિમી વરસાદ વરસ્યો હતો. આ સાથે સંજેલીમાં પણ ઝરમર વરસાદ થયો હતો . http://dlvr.it/TBQm7V

ભાવનગર શહેરના વિદ્યાનગર વિસ્તારમાં એક યુવાનના મકાનમાંથી કોઈ અજાણી વ્યક્તિએ રૂ.1.15 લાખ તથા સોના ચાંદીના દાગીના ની દંપતિની હાજરીમાં ચોરી કર્યાની ફરિયાદ ખેડૂત યુવાને નિલમબાગ પોલીસ સ્ટેશનમાં કરતા પોલીસે ગુનો નોંધી વધુ તપાસ હાથ ધરી છે. સમગ્ર બનાવવા અંગે નિલમબાગ પોલીસ મથકે થી જાણવા મળતી વિગતો અનુસાર અમદાવાદ જિલ્લાના ધંધુકા તાલુકાના વાગડ ગામના વતની અને હાલ શહેરના વિદ્યાનગર વિસ્તારમાં આવેલ શક્તિ સોસાયટી સુપાર્શ્વ ફલેટ 403 માં ભાડે રહેતા રામદેવ સુરુભા ચુડાસમા ઉ.વ.42 એ પોલીસ સ્ટેશનમાં ફરિયાદ નોંધાવતા જણાવ્યું હતું કે, છેલ્લા એક માસથી તેઓ ભાવનગર શહેરમાં રહેવા આવ્યા છે રામદેવના પુત્ર સૂર્યદીપ ને બોલવામાં તકલીફ થતી હોય આથી દંપતી પુત્ર પુત્રી સાથે ભાવનગર પુત્ર સૂર્યદીપની સ્પીચ થેરેપી ટ્રીટમેન્ટ માટે ભાવનગર રહેવા આવ્યા છે. દરમિયાન ગતરોજ દંપતી બંને પુત્રો તથા પુત્રી સાથે વતન જવા તૈયાર થયા હોય અને તેઓએ ઘરે એક થેલામાં રૂપિયા 1.15 લાખ રોકડા તથા સોના ચાંદીના દાગીના થેલામાં મૂકી જવા માટેની તૈયારીઓ કરી હતી, દરમિયાન રામદેવના સાળા વીરભદ્ર ગોહિલની પત્ની જયશ્રીનો રામદેવના પત્ની પર કોલ આવેલ કે હું મારી પુત્રી મ...

આવતીકાલે 3 જુલાઈના રોજ વડોદરા ખાતે નારી વંદન ઉત્સવ નિમિતે ખાસ મહિલા ઉમેદવારો માટે રોજગાર ભરતી મેળો, સ્વરોજગાર માર્ગદર્શન, અનુબંધમ અને એનસીએસ નામ નોંધણી કેમ્પનું આયોજન કરવામાં આવ્યું છે. 10-12 પાસ અને ગ્રેજ્યુએટ માટે તક મદદનીશ નિયામક (રોજગાર )કચેરી, વડોદરા મહિલા અને બાળ વિકાસની કચેરીના સંયુકત ઉપક્રમે 18થી 45 વર્ષના 10 પાસ, 12 પાસ અને ગ્રેજ્યુએટ જેવી લાયકાત ધરાવતા બહેનો માટે તા 03.08.2024ના સવારે 9 વાગે ડો. ઠાકોરભાઈ પટેલ, એસએનડીટી કોલેજ, અકોટા સ્ટેડિયમની પાછળ, ઓલ્ડ પાદરા રોડ,વડોદરા ખાતે માત્ર મહિલા ઉમેદવારો માટે રોજગાર ભરતી મેળો યોજવામાં આવશે. ઉમેદવારોને બાયોડેટાની 3 કોપી સાથે હાજર રહેવું ભરતી મેળામાં 300થી પણ વધુ જગ્યા માટે ઈન્ટરવ્યુ લેવામાં આવશે. ભરતી મેળામાં મહિલા ઉમેદવારોને સ્વરોજગાર લોન સહાય તેમજ ફ્રી વોકેશનલ તાલીમ કોર્ષ, વિદેશ રોજગાર અને શિક્ષણ તેમજ સેફ લીગલ માઈગ્રેશન અંગે માર્ગદર્શન આપવામાં આવશે. આ ઉપરાંત રોજગારલક્ષી ઓનલાઈન અનુબંધમ પોર્ટલ પર નામ નોંધણી કેમ્પ યોજવામાં આવશે. ઉમેદવારોને બાયોડેટાની 3 કોપી સાથે ભરતી મેળામાં ભાગ લેવા રોજગાર અધિકારી વડોદરાની યાદીમાં જણાવ્યું છે. http...

પોરબંદરના ઓડદર ગામે વૃક્ષ વાવવા આપેલી જમીનનો દુરુપયોગ થતો હોય તંત્ર દ્વારા બુલડોઝર ચલાવામાં આવ્યું હતું. સરકાર દ્વારા વૃક્ષોનું વાવેતર કરવા લીઝ પર આપેલી જમીન પર રેસ્ટોરન્ટ બનાવી દેવાયું હતું. આ અંગે પ્રાપ્ત વિગત અનુસાર ઓડદર ગામના સરકારી પડતર સર્વે નંબર 2211 (જુના સ. નં. 1283/પૈકી/7 પૈકી) ની જમીનમાંથી 1 હેકટર જમીન ભગવાનજીભાઈ ટાભાભાઈ વાજાને વૃક્ષોનું વાવેતર કરવા માટે ભાડાપટ્ટે આપવામાં આવેલ હતી. જે જમીનમાં પટ્ટેદાર દ્વારા હુકમની શરતો મુજબ પૂરતી સંખ્યામાં વૃક્ષોનું વાવેતર કરવામાં આવ્યું ન હતું. તેમજ જમીન જે હેતુ માટે આપવામાં આવી હતી તે મુજબ ઉપયોગ ન કરીને આ જમીનમાં પરવાનગી વિના રેસ્ટોરન્ટ બનાવી દેવાયું હતું. આમ વૃક્ષ વાવવા માટે આપેલી જમીનનો વાણિજ્યિક ઉપયોગ કરેલ હોવાથી કલેકટર દ્વારા આ જમીન પર બુલડોઝર ચલાવી ડીમોલીશન કરવાનો હુકમ કરાયો હતો. જે અંતર્ગત આજે પોરબંદરના કલેકટર, પ્રાંત અધિકારી, મામલતદારની ટીમ દ્વારા પોલીસને સાથે રાખીને જમીન પર કરવામાં આવેલું ગેરકાયદેસર બાંધકામ દુર કરી અંદાજીત રૂ. 1.5 કરોડની જમીનનો કબજો સરકાર વતી સંભાળી લેવામાં આવ્યો હતો. http://dlvr.it/TBNWcN