Flicker

સાબરકાંઠા જિલ્લાના વડાલીના સગરવાસમાં ઘરમાં જ પતિએ અગમ્ય કારણોસર પત્નીને ગળાના ભાગે ધારિયાના ઘા મારીને હત્યા કરી નાખી છે. જેને લઈને વડાલી પોલીસે પતિ સામે હત્યાનો ગુનો નોધી ધરપકડ કરી આગળની કાર્યવાહી હાથ ધરી છે. આ અંગેની વિગત એવી છે કે, વડાલીમાં આવેલ સગરવાસમાં બુધવારે સવારે મગન દેવકરણભાઈ સગરે પત્ની લક્ષ્મીબેન (ઉવ.35)ને કોઈપણ કારણોસર ધારિયા વડે ગાળામાં તેમજ દાઢીની બંને બાજુ ઘા કરી ગંભીર ઈજાઓ કરી હત્યા કરી નાખી હતી. આ ઘટના અંગે વડાલી પોલીસને જાણ કરતા PSI જે.એમ.રબારી સ્ટાફ સાથે ઘટના સ્થળે પહોંચ્યા હતા અને એફ.એસ.એલ.ને બોલાવી તપાસ હાથ ધરી હતી. પોલીસે હત્યા કરનાર પતિ મગનભાઈ સગરની ધરપકડ કરી હતી અને મૃતદેહને પીએમ માટે વડાલી આરોગ્ય કેન્દમાં ખસેડવામાં આવી હતી. વડાલી પોલીસ સ્ટેશનમાં જીવણ શંકરભાઈ સગરની ફરિયાદ આધારે મગન સગર સામે હત્યાનો ગુનો નોંધી આગળની કાર્યવાહી હાથ ધરી છે. http://dlvr.it/TBLFv9

પોરબંદર જિલ્લાના રાણાવાવ તાલુકાના રાણાકંડોરણા ગામના વાડી વિસ્તારમાં ગઇકાલે સાંજના સમયે 2 શખ્સોએ એક આધેડને જમીનના રસ્તા બાબતે બોલાચાલી થતા માથાકૂટ સર્જાઇ હતી. આ માથાકૂટમાં 2 શખ્સોએ આધેડને લાકડીઓ વડે માર મારતા પોલીસમાં ફરિયાદ નોંધાઇ છે. આ અંગે પ્રાપ્ત વિગત અનુસાર રાણાવાવ તાલુકાના રાણાકંડોરણા ગામે ઠોયાણા રોડ પર વાડી વિસ્તારમાં રહેતા હમીરભાઇ ગીગાભાઇ કારાવદરાએ પોલીસમાં ફરિયાદ નોંધાવી છે કે ગઇકાલે સાંજના સમયે હમીરભાઇને તે જ વિસ્તારમાં રહેતા દેવશીભાઇ અરજનભાઇ કેશવાલા અને હાર્દિક દેવશીભાઇ કેશવાલા નામના શખ્સો સાથે જમીનના રસ્તા બાબતે બોલાચાલી થઇ હતી. બાદમાં આ બોલાચાલી દરમિયાન દેવશીભાઇ તથા હાર્દિક એકદમ ઉશ્કેરાઇ ગયા હતા અને આ બંને શખ્સોએ હમીરભાઇને જેમ ફાવે તેમ ભુંડી ગાળો કાઢી હતી. અને લાકડીઓ વડે માર માર્યો હતો હમીરભાઇને જાનથી મારી નાખવાની ધમકી આપી હતી. આ માથાકૂટમાં હમીરભાઇને માથાના ભાગે તથા પગમાં ગંભીર ઇજાઓ થઇ હતી જેથી હમીરભાઇએ આ અંગે પોલીસમાં ફરિયાદ કરતા પોલીસે દેવશીભાઇ તથા હાર્દિક સામે ગુન્હો નોંધીને વધુ તપાસ રાણાવાવ પોલીસ સ્ટેશનના હે.કો. એમ. જી. કડેગીયાએ હાથ ધરી છે. http://dlvr.it/TBL2fV

મ.સ.યુનિ.માં પીએચડીનું રજીસ્ટ્રેશન ફરી અટવાયું છે. ફેબ્રુઆરીથી રજીસ્ટ્રેશની પ્રક્રિયા ના થતાં યુનિવર્સિટીના રીસર્ચ પર ગંભીર અસર થઇ છે. પહેલા યુનિવર્સિટીમાં આખુ વર્ષ પીએચડી રજિસ્ટ્રેશન થતું હતું પરંતુ વીસીની સૂચના બાદ વર્ષમાં બે વાર જ થાય છે. તેમાં પણ રજીસ્ટ્રેશન પ્રક્રિયા ન કરાતાં વિદ્યાર્થીઓ બીજી યુનિવર્સિટી તરફ વળ્યા છે. યુનિવર્સિટીમંા સતત ત્રીજા વર્ષે પીએચડીને લઇને વિવાદ ઉભો થયો છે. દેશભરની યુનિવર્સિટીમાં રીસર્ચને પ્રાધ્યન્ય આપવામાં આવી રહ્યું છે ત્યારે મ.સ.યુનિવર્સિટીમાં પીએચડીના વિદ્યાર્થીઓને લઇને કોઇ ગંભીરતા નથી. યુજીસીના નવા નિયમ પ્રમાણે પીએચડીના રજિસ્ટ્રેશન માટે પીએચડી એન્ટ્રન્ટસ ટેસ્ટ પાસ કરવાની જરૂર નથી. નેટ કે સ્લેટ પાસ કરનાર પીએચડી માટે રજિસ્ટ્રેશન કરાવી શકે છે. જુલાઈ પૂરો થવા છતાં યુનિવર્સિટીના સત્તાધીશોએ પીએચડીનું રજિસ્ટ્રેશન શરૂ કરવા કાર્યવાહી હાથ ધરી નથી. વિદ્યાર્થીઓ જે તે ફેકલ્ટીના ડીનોને રજીસ્ટ્રેશન માટે પૂછી રહ્યા છે ત્યારે ડીન પાસે જવાબ નથી. સમગ્ર પ્રક્રિયામાં યુનિવર્સિટી સત્તાધીશો કરે છે. છેલ્લા અઢી વર્ષમાં યુનિવર્સિટીનું સ્તર સતત નીચે જઇ રહ્યું છે. રિસર્ચ માટેની ગ...

ચોમાસાના ચાર મહિનામાં એટલે કે 1 જૂનથી 30 સપ્ટેમ્બરના સમયગાળામાં મળીને થતા વરસાદમાંથી લગભગ 86 ટકા વરસાદ આ વર્ષે બે મહિનામાં પડ્યો છે. દરમિયાન આગામી બેત્રણ દિવસ મુંબઈ સહિત થાણે, પાલઘર જિલ્લામાં મૂશળધાર વરસાદનો અંદાજ હવામાન વિભાગે વ્યક્ત કર્યો છે. છેલ્લા એક અઠવાડિયામાં રાજ્યમાં બધે જ મૂશળધાર વરસાદ પડ્યો. એ પછી વરસાદે પોરો ખાધો અને હવે આગામી બેત્રણ દિવસ ફરીથી મૂશળધાર વરસાદનો અંદાજ વ્યક્ત કરવામાં આવ્યો છે. ચોમાસાની મોસમ 1 જૂનથી 30 સપ્ટેમ્બર સુધી ગણવામાં આવે છે. આ સમયમાં મુંબઈના કોલાબા કેન્દ્રમાં સરેરાશ 89 ઈંચ અને સાંતાક્રુઝ કેન્દ્રમાં સરેરાશ 100 ઈંચ વરસાદની નોંધ થાય છે. આ વર્ષે કોલાબા કેન્દ્રમાં કુલ સરરાશના 86 ટકા અને સાંતાક્રુઝ કેન્દ્રમાં સરેરાશના 81 ટકા વરસાદની નોંધ ફક્ત બે મહિનામાં થઈ છે. આ વર્ષે મુંબઈમાં મોસમી વરસાદ સમયસર દાખલ થયો. પછી પોરો ખાધો અને અપેક્ષિત વરસાદ પડ્યો નહીં. જો કે જુલાઈમાં એકાદ દિવસ પોરો ખાધો પણ બાકીના દિવસ મુંબઈ શહેર અને ઉપનગરોમાં મૂશળધાર વરસાદ પડી રહ્યો છે. જુલાઈમાં વરસાદે જૂનની ખોટ ભરીને અને એ સાથે જ જૂન-જુલાઈમાં થતા કુલ વરસાદ કરતા અતિરિક્ત વરસાદની નોંધ થઈ. મુંબઈમાં...

ચોમાસાની શરૂઆત થતાની સાથે જ મચ્છરજન્ય રોગચાળાની પણ શરૂઆત થઈ જાય છે. ઘરે ઘરે ડેન્ગ્યુ મેલેરિયા જેવા રોગો વધે છે. ખાસ કરીને વરસાદી પાણી ભરાઈ રહેતાં હોય એવા સ્થળ ઉપર મચ્છરોની ઉત્પત્તિ વધુ થતી હોય છે ત્યારે મ્યુનિસિપલ કોર્પોરેશનના આરોગ્ય વિભાગ દ્વારા શહેરમાં આવેલી બાંધકામ સાઈટો ઉપર આજે (31 જુલાઈના) રોજ ચેકિંગ હાથ ધરવામાં આવ્યું હતું. 21 જેટલી બાંધકામ સાઇટો ઉપર મોટી સંખ્યામાં મચ્છરોના બ્રિડિંગ મળી આવતા સીલ કરવામાં આવી છે. બિલ્ડરને નોટિસ આપી દંડ ફટકારવામાં આવ્યો મ્યુનિસિપલ કોર્પોરેશન દ્વારા નવી બનાવવામાં આવી રહેલી એલજી હોસ્પિટલની બાંધકામ સાઈટ, ગીતામંદિર નવા એસટી બસ સ્ટેન્ડ બાંધકામ સાઈટ, એસજી હાઈવે નિરમા વિદ્યાવિહાર ઉપર પણ મચ્છરના બ્રીડિંગ મળી આવતા બિલ્ડરને નોટિસ આપી દંડ ફટકારવામાં આવ્યો છે. બિલ્ડરો અને ડેવલોપર દ્વારા બાંધકામ સાઈટો ઉપર વરસાદ બાદ પાણીના નિકાલની વ્યવસ્થા કે સફાઈ કરવામાં ન આવતા તેમજ અન્ય જગ્યાએ વરસાદી પાણી ભરાઈ રહે છે. જેના કારણે ખૂબ મચ્છરોનો ઉપદ્રવ વધે છે. 21 બાંધકામ સાઈટોને સીલ કરી અમદાવાદમાં વરસાદ બાદ મચ્છરજન્ય રોગચાળો વધવાની શક્યતા ને પગલે આજે મ્યુનિસિપલ કમિશનર દ્વારા આરોગ...

રાજ્યમાં હાલ બે સિસ્ટમ સક્રિય છે. જેમાં સાયક્લોનિક સર્ક્યુલેશન અને ઓફ શોર ટ્રફને કારણે વરસાદ વરસી રહ્યો છે. ગુજરાતમાં સાર્વત્રિક વરસાદ વરસ્યો છે. ઉત્તર ગુજરાતના જિલ્લાઓમાં પણ મેઘ મહેર થઈ ગઈ છે, જેથી અત્યાર સુધીમાં મધ્ય, ઉત્તર અને દક્ષિણ ગુજરાતમાં વરસાદની ઘટ હતી તે સરભર થઈ છે. ત્યારે આજે સવારે 6 વાગ્યે પુરા થતાં છેલ્લા 24 કલાકમાં રાજ્યના 169 તાલુકામાં વરસાદ વરસ્યો છે. જેમાં સૌથી વધુ પાટણમાં પાંચ ઈંચ વરસાદ ખાબક્યો છે. બીજી તરફ રાજ્યનો સિઝનનો એવરેજ 60.78 ટકા વરસાદ વરસ્યો છે. આજે સવારે 6 વાગ્યે પુરા થતાં છેલ્લા 24 કલાકમાં આ તાલુકામાં સૌથી વધુ વરસાદ http://dlvr.it/TBHlLW

અમીત નગર નજીક આવેલા પાયલ પાર્કમાં આવેલા પાયલ પાર્કમાં એનઆરઆઈ ઘરમાં તાળા તૂટ્યા હતા. જોકે ઘરમાં કંઈ હોવાને કારણે ચોર ખાલી હાથે ગયા હતા, પાડોશીઓના કહેવા પ્રમાણે ઘરના રસોડામાંથી ચણા ખાઈને ફરાર થઈ ગયા હતા. શહેર પોલીસનું સતત પેટ્રોલિંગ હોવા છતાં અનેક વાર તસ્કરો બંધ ઘરોને નિશાનો બનાવતા હોય છે, એવામાં અમીત નગર પાસે આવેલી સોસાયટીમાં તસ્કરો ત્રાટક્યા હતા. પાયલ પાર્કમાં રહેતા સ્તવન મહેતા છેલ્લા ઘણા વર્ષોથી અમેરીકા ખાતે રહે છે. સોમવારે રાત્રે 2 તસ્કરો આ ઘરને નિશોનો બનાવ્યો હતો અને નકુચા તોડ્યો હતો. સવારે આ બાબતે પાડોશીઓને જાણ થતાં તાત્કાલિક હરણી પોલીસને જાણ કરવામાં આવતા હરણી પોલીસ દોડી આવી હતી. ચોરોએ આખા ઘરનો સામાન વેર-વિખેર કરી દીધો હતો. જોકે તેઓને કંઈ હાથ નહોતું લાગ્યું પોલીસે સ્તવન ભાઈ સાથે વીડિયો કોલ દ્વારા પણ ખરાઈ કરવામાં આવી હતી. જોકે પાડોશીઓ દ્વારા કહેવામાં આવ્યું હતું કે, ચોરો રસોડાના ડ્રોવરમાં પડેલા ચણા ખાઈને ગયા છે. ચોર સોસાયટીમાં આવ્યા તે અંગેના સીસીટીવી ફુટેજ બહાર આવ્યા હતા. ઉલ્લેખનીય છે કે, 2 ચોરો ઈકો કાર લઈને આવ્યા હતા અને તેઓએ સોસાયટીમાં આટા પણ માર્યા હતા. http://dlvr.it/TBHXNc

શહેરમાં 1 મહિનામાં 13 ભૂવા પડતા તંત્રની કામગીરી સામે અનેક સવાલો ઊભા થયા છે. છેલ્લા 2 દિવસમાં પરશુરામ ભઠ્ઠા, હરણી મોટનાથ રોડ, નવાયાર્ડ, નિઝામપુરા સ્મશાન, કોઠી રોડ અને સમા લક્ષ્મી કુંજ સોસાયટી નજીક ભૂવા પડવાની ઘટનાએ તંત્રના અધિકારીઓને દોડતા કર્યા છે. નિઝામપુરા સ્મશાન સામે ભૂખી કાંસના નાળા નજીક વર્ષો પહેલાં ચેમ્બર બનાવવામાં આવ્યું હતું. જે ચેમ્બરની રિટેઇનિંગ વોલ ધરાશાયી થતાં 5 ફૂટ પહોળા ભૂવાએ આકાર લીધો હતો. ઘટનાના પગલે સ્થાનિક કાઉન્સિલર જહા ભરવાડ અને પુષ્પાબેન વાઘેલા સ્થળ પર દોડી ગયાં હતાં અને તેઓએ તંત્રની તકલાદી કામગીરી સામે નારાજગી દર્શાવી હતી. બીજી તરફ મ્યુનિ. કમિશનર પણ સ્થળે દોડી ગયા હતા. તેઓએ ભૂવાના રિસ્ટોરેશનની સૂચના આપી છે. બીજી તરફ સમા લક્ષ્મી કુંજ સોસાયટી નજીક પણ ભૂવાએ આકાર લેતાં તંત્ર દોડતું થયું હતું. http://dlvr.it/TBHXDD

રાજકોટ મહાનગરપાલિકાએ મેયર આપના દ્વારે નામનો લોકદરબાર શરૂ કર્યો છે જેમાં વોર્ડ નં.7માં લોકોના પ્રશ્નો સાંભળવાનો વારો હતો જોકે તેમાં કોંગ્રેસના કાર્યકરો આવી જતા ભાજપ અને કોંગ્રેસના કાર્યકરો સામસામે થઈ ગયા હતા અને આક્ષેપબાજી થઈ હતી. થોડીવારમાં કાર્યકરો લોકદરબાર છોડીને જતા રહ્યા હતા. લોકદરબાર ચાલી રહ્યો હતો તે દરમિયાન કોંગ્રેસના કાર્યકરો રણજિત મુંધવા અને પ્રવીણ રાઠોડ આવ્યા હતા. તેઓએ આક્ષેપ કર્યા હતા કે, લોકદરબારમાં ફક્ત ભાજપના કાર્યકરોને માઈક આપવામાં આવે છે અને લોકોનું ધ્યાન ભટકાવવામાં આવે છે. જેને લઈને સ્ટેન્ડિંગ કમિટી ચેરમેને માઈક અપાતા કોંગ્રેસના કાર્યકરોએ અનેક આક્ષેપ કર્યા હતા. આ દરમિયાન વોર્ડના કોર્પોરેટર નેહલ શુક્લ સહિતનાઓએ પણ પોલિટિકલ આક્ષેપબાજીથી ગિન્નાયા હતા. કોંગ્રેસના કાર્યકરોને કચેરીએ આવીને ચા-પાણી પીને શાંતિથી સાંભળશે તેવું સ્ટેન્ડિંગ ચેરમેને કહેતા ભાજપના હાજર કાર્યકરોમાં રોષ જોવા મળ્યો હતો અને તેઓએ કહ્યું હતું કે, તેઓ લોકદરબારમાં પ્રશ્ન રજૂ કરે અને કોંગ્રેસને ખાસ ચા-પાણીના શા માટે આમંત્રણ આપવામાં આવે છે. આ મુદ્દાને લઈને થોડીવાર માટે ભાજપ-કોંગ્રેસ અને બાદમાં પક્ષમાં જ આંતરિક ટ...

રાજકોટના રૈયા રોડ પર બાપા સિતારામ ચોકમાં આવેલા કાવેરી પાર્કમાં આદર્શ એવન્‍યુ ખાતે રહેતાં કારખાનેદાર નિલકંઠ ગઢીયાની પોણા બે વર્ષની દીકરી પ્રથા સવારે કાજુ ગળી જતાં કાજુ ફસાઇ જવાથી શ્વાસ લેવામાં તકલીફ થતાં ખાનગી હોસ્‍પિટલમાં સારવાર અર્થે ખસેડવામાં આવી હતી. પરંતુ સારવાર કારગત નીવડે તે પહેલા માસુમ બાળકીનું મોત થતાં પરિવારમાં કલ્‍પાંત સર્જાયો હતો. ખાનગી હોસ્‍પિટલ દ્વારા બનાવ અંગે તાલુકા પોલીસ સ્‍ટેશને જાણ કરવામાં આવતા પોલીસે જરૂરી કાર્યવાહી કરી બાળકીના મૃતદેહને પોસ્‍ટમોર્ટમ માટે ખસેડયો હતો. ઉલ્લેખનીય છે કે, બાળકીના પિતા નીલકંઠ કારખાનું ચલાવે છે અને પ્રથા તેમની એકની એક લાડકવાયી દીકરી હતી, જેના મોતથી પરિવારમાં કલ્‍પાંત સર્જાયો હતો. પરિણીતાએ ફિનાઇલની ગોળીઓ પી લીધી રાજકોટ જિલ્લાના જસદણમાં સીતરીયામાં રહેતાં શીતલબેન સાડમીયા (ઉ.વ.25)એ ગઈકાલે બપોરે પોતાનાં ઘરે ફિનાઇલની ગોળીઓ પી લેતા જસદણ સરકારી હોસ્પિટલ બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવી હતી. તેણીના પતિ ગઈ કાલે બપોરે મજુરી કરી ઘરે આવ્યાં હતાં ત્યારે રસોઈ બાબતે પૂછતાં તેણીએ રસોઈ બનાવી ન હતી અને રસોઈ બનાવવા બાબતે પતિ-પત્ની વચ્...

અમદાવાદ શહેરના રસ્તા ઉપર ઓલા-ઉબેર જેવી ઓનલાઈન એપ્લિકેશન દ્વારા ટેક્સી દોડે છે. આ સાથે જ સિટી ટેક્સીની પણ સુવિધા મુસાફરોને સહેલાઈથી મળી રહે છે. ઓટોરિક્ષા તો અમદાવાદની ઓળખ સમાન છે પરંતુ ઓનલાઇન એપ્લિકેશન દ્વારા ચાલતા ગેરકાયદેસર સફેદ નંબરપ્લેટવાળા ટુ-વ્હીલરના વિરોધમાં ગઈકાલે એરપોર્ટ ખાતે ઓટોરિક્ષાચાલકો અને ટેક્સીચાલકો દ્વારા વિરોધ પ્રદર્શન કરવામાં આવ્યું હતું. જો કે, કંપની દ્વારા ટેક્સીચાલકોને વધુ ભાડું આપવાની વાત કરવામાં આવતા સમગ્ર મામલો થાળે પડ્યો હતો. જેની સીધી અસર ઓલા અને ઉબેર ટેક્સી બુક કરીને મુસાફરી કરતા મુસાફરોને થશે. ઓલા કંપનીએ ડ્રાઇવરોને પ્રતિ કિમી દીઠ રૂ.20 ભાડું ચૂકવવાની શરતને મંજૂર કરી છે. ઉબેર કંપનીનો 30% વધારો ટેક્સી ડ્રાઈવરોને મંજૂર નથી ગઈકાલે મોડી સાંજે અમદાવાદના ટેક્સીચાલકો અમદાવાદ એરપોર્ટ ખાતે એકત્રિત થયા હતા. જેમાં ગતરાતથી જ ઓલા એપ્લિકેશન દ્વારા ટેક્સી ચલાવતા ડ્રાઇવરો દ્વારા હડતાળ પાછી ખેંચવામાં આવી છે. જ્યારે ઉબેર ટેક્સીચાલકો દ્વારા પણ હડતાળ પાછી ખેંચવામાં આવે તેવી શક્યતા છે. પરંતુ હજુ પણ આગેવાનો દ્વારા ઉબેર ટેક્સી ન ચલાવવા માટે ડ્રાઇવરોને સમજાવવામાં આવી રહ્યા છે. કારણ...

હિંમતનગરના ઇલોલમાં રાજ રાજેશ્વર મહાદેવ અને અંબિકા માતાજી મંદિરના કમ્પાઉન્ડમાં બાળકોને અભ્યાસ કરવા માટે જગ્યા ન હોવાથી જૈનોની ધર્મશાળા મોદીની ધર્મશાળા અને મંદિરની ધર્મશાળામાં અભ્યાસ માટે બાળકોને બેસાડાતા હતા. અંદાજે 150 વર્ષ જૂનું જર્જરત થઈ ગયેલ મકાન જેની અડધી દીવાલો પડી ગયેલી હાલતમાં છે અને આગામી સમયમાં પવિત્ર શ્રાવણ માસ તથા જન્માષ્ટમી મહોત્સવમાં શ્રદ્ધાળુઓ આવતાં હોવાથી કોઈ અકસ્માત કે અનહોની ન સર્જાય તે હેતુસર જર્જરિત મકાન જમીનદોસ્ત કરવા રાજ રાજેશ્વર મંડળ વતી ભાસ્કરભાઈ ડી ભટ્ટે કલેક્ટરને રજૂઆત કરી હતી. http://dlvr.it/TBF0yL

આજે મંગળવારે હિંમતનગર પાલિકાની મળનાર સામાન્ય સભામાં નદીમાં 10 વર્ષથી ગંદા પાણીનો નિકાલ, આઉટસોર્સિંગના કર્મચારીઓનું શોષણ, ડ્રાફ્ટ ટીપીને 12 વર્ષ થવા છતાં ફાઇનલ ટીપી કેમ નથી થઈ, શહેરના ગેરકાયદે બાંધકામોનો સર્વે કર્યા બાદ તપાસ કમિટિએ રજૂ કરેલ અહેવાલ સામાન્ય સભામાં વંચાણે લેવા સહિતના 10 મુદ્દાઓ અંગે સ્પષ્ટતા કરવા વિરોધપક્ષ કોંગ્રેસના નેતાએ કરેલ માંગ શાસક પક્ષ માટે અકળાવનાર બની રહેનાર છે. હિંમતનગર પાલિકાની આજે સામાન્ય સભામાં 36 જેટલા કામ, અધ્યક્ષ સ્થાનેથી રજૂ થનાર કામ સહિત 38 મા નંબરે વિરોધપક્ષ કોંગ્રેસના નેતા ઈમરાન અલજીવાલાએ કલમ 51/3 મુજબ રજૂ કરેલ પ્રશ્નાવલી સમાન્ય સભામાં રજૂ થનાર છે. જેમાં તેમણે આઉટસોર્સિંગ એજન્સી દ્વારા શ્રમિકોને પૂરો પગાર ન ચૂકવી એજન્સીઓ શ્રમિકોનું શોષણ કરતી હોઈ શ્રમિકોને પૂરો પગાર ચૂકવાય તે સુનિશ્ચિત કરવામાં આવે, હસનનગર વણઝારાવાસ આવાસ બ્લોક ભૂગર્ભ ગટરનું ગંદુ મળયુક્ત પાણી છેલ્લા10 વર્ષથી નદીમાં નખાય છે તથા સ્લોટર હાઉસની તમામ ગંદકી નદીમાં ઠલવાય છે. જેનું પાલિકા પ્રમુખે નિરીક્ષણ પણ કર્યું હતું તેનો નિકાલ કેમ આવ્યો નથી, પે એન્ડ યુઝ બંધ છે અસામાજિક પ્રવૃત્તિ થાય છે તેની રજ...

પશ્ચિમ રેલવે દ્વારા જન્માષ્ટમીના તહેવારને લઈને મુસાફરોની સવલતમાં વધારો થાય તે હેતુથી અમદાવાદ અને ઓખા વચ્ચે જન્માષ્ટમી ફેસ્ટિવલ સ્પેશિયલ ટ્રેન વિશેષ ભાડા સાથે દોડાવવાનો નિર્ણય તંત્ર દ્વારા કરવામાં આવ્યો છે. આ ટ્રેનની કુલ બે ટ્રીપ દોડશે જેમાં સ્લીપર અને જનરલ શ્રેણીના કોચ હશે. આ ટ્રેન નું બુકિંગ તા 31. થી તમામ પીઆરએસ કાઉન્ટરો અને આઈઆરસીટીસીની વેબસાઈટ પર શરૂ થશે. જન્માષ્ટમી તહેવારને ધ્યાનમાં રાખીને અમદાવાદ અને ઓખા વચ્ચે જન્માષ્ટમી ફેસ્ટિવલ સ્પેશિયલ ટ્રેન વિશેષ ભાડા પર ચલાવવાનો નિર્ણય લેવામાં આવ્યો છે. ટ્રેન નંબર 09453 અમદાવાદ-ઓખા સ્પેશિયલ 25 ઓગસ્ટના રોજ અમદાવાદથી સવારે 07:45 કલાકે ઉપડશે તથા એ જ દિવસે 17:00 કલાકે ઓખા પહોંચશે. આ રીતે ટ્રેન નંબર 09454 ઓખા-અમદાવાદ સ્પેશિયલ 26 ઓગસ્ટના રોજ ઓખાથી સવારે 05:30 કલાકે ઉપડશે તથા એ જ દિવસે 15:00 કલાકે અમદાવાદ પહોંચશે. માર્ગમાં બંને દિશાઓમાં આ ટ્રેન ચાંદલોડિયા, વિરમગામ, સુરેન્દ્રનગર, થાન, વાંકાનેર, રાજકોટ, હાપા, જામનગર, ખંભાળીયા અને દ્વારકા સ્ટેશનો પર રોકાશે. આ ટ્રેનમાં સ્લીપર અને જનરલ શ્રેણીના કોચ હશે. આ ટ્રેનની ટિકિટ નું એડવાન્સ બુકિંગ તારીખ 31.07.202...

મોરબીમાં ઉછીના રૂપિયા લેનારા પોલીસ પુત્રને તેના રૂપિયા તેના ટ્રાન્સપોર્ટર મિત્રને પાછા આપવા ન પડે તે માટે તેની હત્યા કરી નાખી હોવાનું સામે આવ્યું છે. જે બાબતે એસપીની પત્રકાર પરિષદ યોજાઇ હતી. જેમાં તેમણે જણાવ્યું હતું કે, આરોપીએ હત્યાના બનાવમાં પોલીસ અને મૃતક પરિવારને ગુમરાહ કરવા માટે માસ્ટર પ્લાન બનાવ્યો હતો. યુવાનની હત્યા કરીને તેના જેવા જ કપડાં પહેરીને તે ઓફિસની બહાર નીકળ્યો હતો. ત્યાર બાદ મૃતક યુવાન તેની ઓફિસમાંથી રૂપિયા લઈ ગયો છે તેવી એક અરજી તેણે પોલીસને આપી હતી. જો કે, ટેકનિકલ પુરાવા સહિતની કડીઓમાં સમય મેચ થતો નથી. જેથી કરીને પોલીસે મૃતકના ભાઈની અપહરણની ફરિયાદ લઈને તપાસ શરૂ કરી હતી અને તેમાં હત્યાનો પર્દાફાશ થયો છે. જર, જમીન અને જોરૂ છે કજીયાના છોરુ આ કહેવતને સાર્થક કરતી ઘટના મોરબીમાં બની છે. જેમાં જીતેન્દ્ર આયદાનભાઇ ગજીયા (રહે. હાલ મોરબી)એ તેના જ ટ્રાન્સપોર્ટર મિત્ર જીતેન્દ્રભાઈ રમેશભાઈ કૈલા (ઉં.વ.34)ની હત્યા કરી હોવાનું સામે આવ્યું છે. આ બનાવમાં મૃતકના હળવદમાં રહેતા ભાઇ શૈલેષભાઈ રમેશભાઈ કૈલા (40)એ અપહરણની ફરિયાદ મોરબી એ ડિવિઝન પોલીસ સ્ટેશને નોંધાવી હતી. જેના આધારે પોલીસે તપાસ શ...

ઇસરી ગામના છેવાડે એક અવાવરૂ ખાલી કૂવો આવેલો છે. આ કુવો લગભગ 70 ફૂટ ઊંડો હશે. આ અવાવરુ ઊંડા કુવામાં ગામના જ એક યુવકે અગમ્ય કારણોસર છલાંગ લગાવી હતી.દરમિયાન ત્યાંથી પસાર થતા ગામના એક સજ્જન વ્યક્તિને ખબર પડતાં બુમાબુમ કરી મૂકી અને ગામના ટોળા બનાવ સ્થળે એકઠા થઇ ગયા હતા. ઘટનાની જાણ ઇસરી પોલીસ સ્ટેશને કરી કે તરત જ ઇસરી પોલીસ સ્ટેશનના હોમગાર્ડ અને પોલીસ કર્મી બંને તરત જ ઊંડા કુવામાં રાસ બાંધીને ઉતર્યા અને કુવામાં ખબકેલ યુવકને રેસ્કયુ કરીને રાસ સાથે બહાર કાઢ્યો અને 108 મારફતે ઇસરી સીએચસી ખાતે સારવાર અર્થે ખસેડાયો બને કર્મી પણ રાસની મદદથી બહાર આવ્યા હતા. ત્યારે ઉપસ્થિત તમામ ગામના લોકોએ આ યુવકને કુવામાંથી બચાવનાર બંને પોલીસ કર્મીની કામગીરીને બિરદાવી હતી અને દેવદૂત બનીને આવેલા બંને હોમગાર્ડ અને પોલીસ કર્મીને અભિનંદન આપ્યા હતા. http://dlvr.it/TBBm41

બોરસદ થી આણંદ જવાના દાંડીહેરીટેજ માર્ગ પર વાણીયાવડ થીદેદરડા માર્ગ પર બંને બાજુએબિલ્ડરો દ્વારા કોમ્પ્લેક્ષો અનેસોસાયટીઓ બનાવીને વરસાદીપાણીના નિકાલના કાંસ પુરીદેવાયા છે. તો વળી કેટલીકજગ્યાએ પાણીના નિકાલ માટેમુકેલા ભૂંગળા પર દબાણ કરીદેવાતાં વરસાદી પાણીનો નિકાલન થતાં આજુબાજુનીસોસાયટીઓમાં વરસાદી પાણીભરાયા હતા. જેથી દાંડીવિભાગની ટીમે તાત્કાલિક 10 વધુબિલ્ડરોને બોલાવીને કાંસ ખુલ્લોકરવા મૌખિક સુચના આપી હતી.તેમજ સોમવારે દાંડી વિભાગનાઅધિકારીઓએ કાંસની તપાસકરી દબાણ કરનાર તમામનેનોટીસ પાઠવવાની તૈયારીઓઆરંભી દીધી છે. આમ બિલ્ડરોનાપાપે સ્થાનિક રહીશોને હાલાકીવેઠવી પડતી હોવાથી ભારે રોષજોવા મળી રહ્યો છે.બોરસદ થી આણંદ આવવાનામાર્ગ પર વાણીયાવડ થી દેદરડાસુધીના દોઠ કિમીના માર્ગ પરનાની મોટી 40 થી વધુસોસાયટીઓ આવેલી છે. દાંડીમાર્ગ પર પર 10 વર્ષ અગાઉ બંનેબાજુ વરસાદી પાણી નિકાલ માટેકાંસ બનાવ્યો હતો. તેમજ રોડનીનીચે પણ ભૂંગળા નાંખ્યાં હતા.ત્યારબાદ બિલ્ડરો દ્વારા રોડનીનજીકમાં આડેધડ બાંધકામ કરીનેસોસાયટીઓ અને કોમ્પ્લેક્ષો ઉભાકરી દીધા છે. તેમજ રોડની બંનેબાજુના કાંસ પુરી દેવાયો હતો.જેથી ભારે વરસાદ પડતાંવાણીયાવડ માર્ગ પર 400...

જિલ્લામાં ધો-10 અને ધો-12નીપૂરક પરીક્ષા યોજાઈ હતી. જેપરીક્ષાનું પરિણામ તા. 29જુલાઇના બપોરે 12:00 વાગેજાહેર થશે. આ પરિણામ જોવામાટે વિદ્યાર્થીઓ બોર્ડનીવેબસાઇટ પર પોતાના બેઠકનંબર નાખી પરિણામ જોઇશકશે. ત્યારે જિલ્લામાં ધો-10અને ધો-12 ના કુલ3989વિદ્યાર્થીઓએ પરીક્ષા આપીહતી. ત્યારે ધો-10ની 10 કેન્દ્રો પરઅને ધો-12 સામાન્ય પ્રવાહ,વિજ્ઞાન પ્રવાહના કેન્દ્ર મળી કુલ 8કેન્દ્રો પર આ પરીક્ષા શાંતિપૂર્ણમાહોલમાં યોજાઇહતી.3989વિદ્યાર્થીઓ બેમાસના ગાળામાં બીજી વખતપરિણામ જાણવા માટે ઉત્સુકજોવા મળશે.શિક્ષણ બોર્ડ દ્વારા ચાલુ વર્ષેપૂરક પરીક્ષાધો 10માં 3 વિષયસુધીના વિદ્યાર્થીઓને પૂરકપરીક્ષા લેવામાં આવી હતી છે. જેમાં આણંદ જિલ્લામાંથી ધો 10અને 12માં થઇને કુલ 3989વિદ્યાર્થીઓ પરીક્ષા આપશે. ત્યારેસોમવારે પરિણામ જાહેર થયાબાદ પાસ થનાર વિદ્યાર્થીઓપ્રવેશ માટે ની પ્રક્રિયા શિક્ષણવિભાગ દ્વારા હાથ ધરવામાંઆવનાર છે. જિલ્લામાં ધો-10અને ધો-12 ના કુલ 6782વિદ્યાર્થીઓએ પરીક્ષા આપીહતી. ત્યારે ધો-10ની 10 કેન્દ્રો પરઅને ધો-12 સામાન્ય પ્રવાહ,વિજ્ઞાન પ્રવાહના ચાર કેન્દ્ર મળીકુલ 18 કેન્દ્રો પર આ પરીક્ષાશાંતિપૂર્ણ માહોલમાં યોજાઇહતી. htt...

સિહોરએ એક ઔદ્યોગિક નગર છે.શહેરમાં ચાર જી.આઇ.ડી.સી.ઓ આવેલી છે. ઉપરાંત સિહોરમાંથી ભાવનગર-રાજકોટ રાજ્ય ધોરી માર્ગ પણ પસાર થાય છે. આથી સિહોરમાં પ્રદૂષણનું પ્રમાણ વધુ રહેતું હોય છે. સાથો-સાથ પાણી અને ઊભરાતી ગટરની રોજિંદી સમસ્યાથી સિહોરવાસીઓ ત્રસ્ત બની ગયા છે.અધુરામાં પુરૂ હોય તેમ ચોમાસુ આવે એટલે સિહોર માર્ગો પણ અત્યંત ખાડાવાળા બની જયા છેઆ અંગે નક્કર આયોજન થાય અને સિહોરવાસીઓને પાયાની સમસ્યાઓમાંથી મુક્તિ મળે એવી નગરજનો આશા સેવી રહ્યા છે. સિહોરમાં ભર ચોમાસે પણ મોટાભાગના વિસ્તારોમાં આઠ-દસ દિવસે પાણી વિતરણ થાય છે જે કદાચ ભાવનગર જિલ્લાનું એક માત્ર શહેર હશે કે જ્યાં આટલા લાંબા ગાળાના દિવસો પછી પાણી વિતરણ થતું હોય છે. સિહોરમાં નગરજનોએ પાણી માટે વલખા મારવા પડે છે. ગંદકી વિશે તો વાત જ ન પૂછો. સિહોરમાં ભાગ્યે જ એવી કોઇ શેરી હશે કે જ્યાં ગટર ઊભરાતી ન હોય. સરકાર દ્વારા ગટર માટે અગાઉ ગ્રાન્ટ તો આપવામાં આવી હતી પણ ક્યાં અને કેટલી વપરાઇએ આજે પણ સિહોરવાસીઓ માટે એક કોયડો છે. ચોમાસામાં એક વરસાદ આવ્યો નથી કે ગટર ઊભરાવી શરૂ થઇ નથી. એમાંય જૂના સિહોરમાં હાલત ખૂબ જ બદત્તર છે. સિહોરમાંથી હાઇ-વે પસાર થાય છે અહીંથી...

ગુજરાતમાં રમતગમત ક્ષેત્રે સરકાર દ્વારા અનેક સ્પર્ધાઓનું આયોજન કરવામાં આવે છે. જેમાં બાળકો રમતગમતમાં ઉચ્ચ સ્થાન પ્રાપ્ત કરે અને કારકિર્દી ઘડતર થાય માટે ખેલ મહાકુંભમાં રમતોનું આયોજન કરવામાં આવે છે. જ્યારે પ્રાઇવેટ ક્ષેત્રફળ રમતગમતને ઉચ્ચ પ્રોત્સાહન પૂરું પાડતું હોય છે. હાલ યોજાયેલ રહેલી ઓપન ગુજરાત કે.ડી.એફ કરાટે સ્પર્ધામાં આણંદ શહેર ખાતે સુરેન્દ્રનગર જિલ્લાના ધાંગધ્રા શહેરના જશરાજસિંહ જયદેવસિંહ ઝાલા દ્વારા ઓપન ગુજરાત કરાટે સ્પર્ધામાં આણંદ શહેર ખાતે ભાગ લઈને ગોલ્ડ મેડલ મેળવ્યો હતો. અગાઉ પણ જશરાજસિંહ દ્વારા અનેક ગોલ્ડ મેડલ જીત્યા છે. ત્યારે ધાંગધ્રાના સોશિયલ મીડિયામાં અભિનંદનની વર્ષાઓ થઈ રહી છે. http://dlvr.it/TB9zXG

રાજ્યમાં ચાંદીપુરા વાયરસથી બાળકોના મૃત્યુ થતાં અમદાવાદ જિલ્લામાં કોઈપણ પરિસ્થિતિને પહોંચી વળવા જિલ્લા મેલેરિયા શાખા દ્વારા મેલેરિયા અધિકારી નરેન્દ્રસિંહ રાઠોડ દ્વારા 12 સભ્યોની ટીમ શંકાસ્પદ ગામોની મુલાકાત કરી સેન્ડ ફ્લાય માખી પકડી રહ્યા છે તેમજ તે ગામમાં જાગૃતતા અભિયાન હાથ ધરવાની કામગીરી આરંભી છે.અત્યાર સુધી સાણંદના ચરલ ગામ પાસે ફેકટરીમાં શંકાસ્પદ કેસ જણાતા 25 સેન્ડફલાય પકડી GBRC ગાંધીનગર ખાતે મોકલી આપવામાં આવેલ છે. એક શંકાસ્પદ કેસ નેગેટિવ જાહેર થયો છે. જો કે, જિલ્લામાં એકપણ પોઝિટિવ કેસ નોંધાયો નથી. ચાંદીપુરા વાયરસની સ્થિતિને પહોંચી વળવા અમદાવાદ જિલ્લામાં એન્ટોમોલોજીકલ તાલીમ લીધેલ જિલ્લા મેલેરીયા અધિકારી, ગાંધીનગરની ટીમના બે સભ્યો તથા અમદાવાદ જિલ્લાના કુલ 9 કર્મચારી એમ કુલ 12 સભ્યોની ટીમ શંકાસ્પદ ગામો માં જાય છે. મલ્ટી પરપઝ હેલ્થ વર્કર, મલ્ટી પરપઝ હેલ્થ સુપરવાઇઝર દરેક શાળામાં જાય છે. રાજય કક્ષાએથી મેલેરીયા, ડેન્ગ્યુ, ચિકનગુનીયા, ચાંદીપુરા રોગના નાના વિડીયો આપેલ છે. જે મારફતે શાળાઓમાં IEC કરવામાં આવે છે. આ અંગે જિલ્લા આરોગ્ય અધિકારી શૈલેષભાઈ પરમારે આપેલી જાણકારી મુજબ જિલ્લામાં 504 ટીમો ...

બોર્ડર રેન્જના આઇજી ચિરાગ કોરડીયાને બાતમી મળી હતી કે ભરત મોમજીભાઇ ચૌધરી હાલે દુબઇથી પાટણમાં આવ્યો છે અને સટ્ટો રમાડવા માટેની મહાદેવ ગ્રુપનો ભાગીદાર છે તેના ફોનમાં સટ્ટો રમવાની ઘણી આઇડી હોવાની હકીકત આધારે પોલીસે પાટણમાં તેને ઝડપી મોબાઇલ ચેક કરતા વ્હોટસએપમાં વાર્ષિક ટર્નઓવરના હિસાબો મળ્યા હતા. પૂછપરછમાં હાલે દુબઇ રહેતા સૌરભ ચંદ્રાકર,અતુલ અગ્રવાલ, દિલીપકુમાર માધવલાલ પ્રજાપતિ, રવિકુમાર સિંઘ અને રોનકકુમાર રમેશભાઇ પ્રજાપતિના નામ ખુલ્યા હતા. જેઓ આરોપીના ભાગીદાર છે. ભરત પાસેથી 15 લાખની ગાડી અને મોબાઇલ કબ્જે કરી પાટણ બી ડીવીઝન પોલીસમાં ક્રિકેટ સટ્ટાનો કેસ દાખલ કરાયો છે. http://dlvr.it/TB8rvj

માંડવીમાં નાગલપર રોડ પર સુંદરવન સોસાયટીમાં તસ્કરોએ એક બંધ ઘરને નિશાન બનાવ્યો હતો અને દરવાજાનું તાળુ તોડી રોકડ અને દાગીના સહીત કુલ રૂપિયા 2.26 લાખનો મુદ્દામાલ ઉઠાવી ગયા હોવાની ઘટના સામે આવી છે. રહેણાક વિસ્તારમાં ચોરી થતા સ્થાનિકે રહેવાસીઓમાં ફફડાટ ફેલાઇ ગયો હતો. પોલીસ દ્વારા તાકીદના ધોરણે આરોપીને ઝડપી લેવામાં આવે તેવી માંગ ઉઠી હતી. પ્રાપ્ત વિગતો મુજબ ફરિયાદી દિનેશભાઈ હીરજીભાઈ વોરાએ માંડવી પોલીસ મથકે અજાણ્યા ચોર ઇસમ વિરુદ્ધ ગુનો નોધાવતા જણાવ્યું કે ગત 23 જુલાઈના પોતાના ઘરને તાળો લગાવી કામ અર્થે મુંબઈ ગયા હતા અને તેમની પત્ની ગુંદાલા જવા માટે નીકળ્યા હતા. દરમિયાન શુક્રવારે તેમના વેવાણે ફોન કરી ઘરનો દરવાજો તૂટેલો હોવાનું અને ઘરમાં ચોરી થઇ હોવાનું કહ્યું હતું.જેથી ફરિયાદી તરત જ મુંબઈથી પોતાના ઘરે આવવા નીકળ્યા હતા.ઘરે આવ્યા બાદ તપાસ કરતા બેડરૂમમાં રાખેલ તિજોરીમાંથી રોકડ રૂપિયા 22,400 અને રૂપિયા 80 હજારની કિંમતના ચાંદીના દાગીના તેમજ રૂપિયા 1.20 લાખની કિંમતના સોનાના દાગીના મળી કુલ રૂપિયા 2.26 લાખની મત્તા ચોરી થઇ હોવાનું સામે આવ્યું હતું.સમગ્ર મામલે માંડવી પોલીસે ગુનો દાખલ કરી ટેકનિકલ સર્વેલન્સ ...

ક્યારેક નેતાઓ ઉત્સાહમાં એવી વાતો કરી દેતા હોય છે કે જે વાસ્તવિકતાથી દૂર હોય છે. ભરૂચના આમોદમાં 7 કરોડના ખર્ચે બનેલા રસ્તાને લઈ જંબુસરના ધારાસભ્યએ આપેલી ગેરંટીના મામલામાં પણ કંઈક આવું જ બન્યું છે. જે રસ્તાને 25 વર્ષ સુધી કંઈ ન થવાનો ધારાસભ્યએ દાવો કર્યો હતો તે રસ્તો ત્રણ મહિનામાં જ તૂટવા લાગતા હવે કોંગ્રેસે ધારાસભ્યને પોતાની જ ગેરેંટીની યાદ અપાવી રહ્યા છે. તો બીજી તરફ કરોડો રૂપિયાના ખર્ચે બનેલો રસ્તો પહેલા જ વરસાદમાં ધોવાઈ જતા કામની ગુણવત્તાને લઈ પણ સવાલો ઉઠ્યા છે. આવો જોઈએ રસ્તાના નિર્માણ સમયે ધારાસભ્યએ શું કહ્યું હતું અને હવે ચોમાસાના પ્રથમ વરસાદ બાદ રસ્તાની કેવી સ્થિતિ છે તે જોઈએ. રૂ. 7.33 કરોડના ખર્ચે રસ્તાનું નિર્માણ કરાયું હતું આમોદના બત્રીશી નાળાથી મુલ્લા તળાવ સુધીના રસ્તાનું રૂ. 7.33 કરોડની માતબર રકમથી નિર્માણ કરવામાં આવ્યું હતું. જેનું લોકાર્પણ ત્રણ મહિના પહેલા જ જંબુસરના ધારાસભ્ય ડી.કે.સ્વામીના હસ્તે કરવામાં આવ્યું હતું. જે રસ્તાની મજબૂતીની ત્રણ મહિનામાં જ પોલ ખુલ્લી પડી ગઈ છે. વરસાદના કારણે રસ્તામાં ઠેર ઠેર ગાબડા પડતા લોકોને ફરી જૂના રસ્તાની યાદ આવી ગઈ છે. ધારાસભ્યએ કહ્યું હ...

ભાવનગર જિલ્લાના પાલીતાણા તાલુકાના નાનીરાજસ્થળી ગામે પડતર પ્લોટ અને ચાલવા મુદ્દે બે પરિવારો વચ્ચે ડખો સર્જાતા મારામારી થઈ હતી જેમાં બે વ્યક્તિઓને ઈજા પહોંચી છે બંને પક્ષોએ એકબીજા વિરુદ્ધ પાલીતાણા રૂલર પોલીસ સ્ટેશનમાં ફરિયાદ નોંધાવી છે. સમગ્ર બનાવ અંગે પાલીતાણા રૂલર પોલીસ સ્ટેશનથી જાણવા મળતી વિગતો અનુસાર પ્રથમ પક્ષે બટુક રઘુ મકવાણા રે.નાની રાજસ્થળી ગામ વાળાએ આજ ગામના રાણા નરસિંહ મકવાણા, શંભુ નરસિંહ મકવાણા, ઉત્તમ રાણા મકવાણા, વિજય આંબા મકવાણા તથા ઓઘડ ભરવાડ વિરુદ્ધ ફરિયાદ નોંધાવી હતી કે, તેના ઘર પાસે આવેલ સરકારી પ્લોટ પડતર હાલતમાં હોય આ પ્લોટ ને રાણા નરસિંહ પચાવી પાડવા માગતો હોય અને પ્લોટમાંથી ચાલવાનો રસ્તો બંધ કરી બાવળના કાંટા નાખી રસ્તો બ્લોક કરી દેતા બટુકે રસ્તો બ્લોક કરવાની ના પાડતા તમામ આરોપીઓએ એક સંપ રચી લાકડી વડે હુમલો કરી તેમજ ઢીકાપાટોનો મૂઢમાર મારી જાનથી મારી નાખવાની ધમકી આપી હતી. બીજા પક્ષે શંભુ નરસિંહ મકવાણાએ બટુક મકવાણા, ઘુઘા રઘુભાઈ મકવાણા, રાજુ ઘુઘાભાઈ મકવાણા તથા ઘુઘાની પત્ની અને રવજી ભુવા વિરુદ્ધ ફરિયાદ નોંધાવતા જણાવ્યું હતું કે, આ પ્લોટ બટુક રઘુ મકવાણાને પચાવી પાડવો હોય આથી ...

ભાવનગર શહેર અને જિલ્લામાં વરસાદે વિરામ લીધો છે, છેલ્લા બે દિવસથી એકપણ તાલુકામાં જોઈ એ તેવો વરસાદ નોંધાયો નથી, માત્ર ઝરમર વરસાદ વરસે છે, આમ તો છેલ્લા ત્રણ દિવસ કરતાં વધુ સમયથી માત્ર ઘનઘોર વાદળો છવાયેલા રહે છે પરંતુ મેઘો મનમૂકીને વરસતો નથી. ત્યારે ગઈકાલે આખો દિવસ આકાશ ઘટાટોપ વાદળોથી છવાયેલું રહ્યું અને સાંજ ઢળતા જ લોકોને આશા બંધાઈ હતી કે ધોધમાર વરસાદ પડશે, પરંતુ આ આશા ઠગારી નિવડી હતી, અને ભાવનગર જિલ્લો કોરો ધાક રહ્યો હતો. છેલ્લા 24 કલાકમાં ભાવનગરમાં પડેલ વરસાદના આંકડા ભાવનગર જિલ્લામાં આજ સવારના 6 વાગ્યા સુધીમાં વલ્લભીપુરમાં - 2 મિમી, ઉમરાળામાં -0 મિમી, ભાવનગરમાં - 0 મિમી, ઘોઘામાં - 1 મિમી, સિહોરમાં - 0 મિમી, ગારીયાધારમાં - 0 મિમી, પાલીતાણામાં - 0 મિમી, તળાજામાં - 4 મિમી, મહુવામાં - 0 મિમી તથા જેસરમાં - 0 મિમી વરસાદ વરસ્યો હતો, આમ, ભાવનગર જિલ્લાના 10 તાલુકામાંથી 3 તાલુકામાં ઝરમર વરસાદ જ્યારે 7 તાલુકાઓ વરસાદથી વંચિત રહ્યા હતા. છેલ્લા 6 દિવસનું શહેરનું તાપમાનનો પારો તા.21 જુલાઈના રોજ મહતમ તાપમાન 34.3 ડિગ્રી નોંધાયું હતું, જ્યારે ન્યૂનતમ તાપમાન 26.6 ડીગ્રી નોંધાયું હતું, જ્યારે વાતાવરણ માં...

પઢીયાર ગામની 3 આંગણવાડી છેલ્લા 10 વર્ષથી જર્જરીત હોવાથી આંગણવાડીના બાળકોને ભાડાના મકાનમાં ભણાવવાની નોબત આવી છે. ભાડાના મકાન ખાલી કરાવવા બાળકોને એક મકાનથી બીજા મકાનમાં ભટકવાનો વારો આવ્યો છે. ગ્રામજનોએ વર્ષોથી નવીન આંગણવાડી બનાવવાની રજુઆત કરવા છતાં કોઇ કાર્યવાહી કરવામાં આવી નથી. ગોધરા તાલુકાના પઢીયાર ગામમાં પઢીયાર મુખ્ય 1, કરણના મુવાડા પઢીયાર 2 તથા અંદરના મુવાડા પઢીયાર (3) આમ 3 આંગણવાડીઓ છેલ્લા 10 વર્ષથી જર્જરિત હાલતમાં છે. જોખમી આંગણવાડી થતા બાળકોને ગામના ભાડાના મકાનમાં બેસાડીને ભણાવી રહ્યા છે. ભાડાના મકાનમાં અનેક અગવડતા પડતી હોય છે. પૂરતી જગ્યા મળતી નથી અમુક ઘર લિપણ વાળા હોય છે. ત્યાં ઝેરી જીવજંતુઓ આવી કરડે તો તે માટે જવાબદાર વ્યક્તિ કોણ? હાલ ચોમાસાની ઋતુ છે જેમાં અત્યારે ચાંદીપુરમ જેવા વાયરસનો બાળકોમાં ફેલાવો થાય છે આંગણવાડીના આંગણમાં જ ખૂબ કાદવ કીચડ ભરાઈ રહે છે તો બાળકો બીમાર પડવાની શક્યતાઓ રહેલી છે. ગ્રામજનોની માંગ છે કે છેલ્લા 10 વર્ષથી ખંડેર હાલતમાં પડી રહેલ આંગણવાડી યુદ્ધના ધોરણે નવી બનાવવામાં આવે. જેથી બાળકો તેમજ આંગણવાડી કાર્યકરોને એક ઘરથી બીજે ઘર બાળકોને ભણવા ભણાવવા ભટકવું ન પ...

ગાંધીનગર મહાનગરપાલિકા હસ્તકનું ફાયર બ્રિગેડ હાલ આઉટસોર્સિંગ ફાયરમેનના હવાલે છે ત્યારે મહાનગરપાલિકા દ્વારા 108 કાયમી ફાયરમેનની ભરતી પ્રક્રિયા હાથ ધરવામાં આવી છે. આ ભરતી ગૌણ સેવા પસંદગી મંડળ દ્વારા કરવામાં આવશે જેમાં સરકારના નિયમાનુસાર મહાનગરપાલિકાએ પણ નિયમોની જોગવાઇ કરી છે. જે મુજબ ફાયરમેને વિવિધ ફિઝિકલ ટેસ્ટમાં પણ ઉતિર્ણ થવું પડશે. રાજકોટના ટીઆરપી મોલ અગ્નિકાંડ બાદ બાદ રાજ્ય સરકારે ફાયર સેફ્ટી માટે કડક સૂચનાઓ જારી કરતા રાજ્યભરની મહાનગરપાલિકા દ્વારા ફાયર બ્રિગેડમાં ખાલી જગ્યાઓની ભરતી પ્રક્રિયા હાથ ધરવામાં આવી છે. ગાંધીનગર ફાયર બ્રિગેડ નમૂનેદાર છે. અહીં તમામ ફાયરમેન આઉટસોર્સિંગથી ફરજ બજાવી રહ્યા છે. જેના પગલે ચીફ ફાયર ઓફિસર, ફાયર ઓફિસરથી લઇને ફાયરમેનની ભરતી પ્રક્રિયા યુદ્ધના ધોરણે હાથ ધરવામાં આવી છે. ચીફ ફાયર ઓફિસર અને ફાયર ઓફિસરની જગ્યાઓની ભરતી જીપીએસસીને સોંપવામાં આવી છે જ્યારે વર્ગ-3ની ફાયરમેન કમ ડ્રાઇવરની 108 જગ્યાઓની ભરતી ગૌણ સેવા પસંદગી મંડળને સોંપવામાં આવી છે. આ ભરતી માટે સ્ટેન્ડિંગ કમિટી દ્વારા માળખાને મંજૂરી અપાયા બાદ હવે તેના નિયમો પણ મંજૂર કરવામાં આવ્યા છે. દોડ, સ્વિમિંગ અને...

ગીરમાં ઉપરવાસમાં ભારે ધોધમાર વરસાદ બાદ ગીરે લીલી ચાદર ઓઢી છે. બીજી તરફ ગીરમાંથી પસાર થતી શિંગોડા નદી જે ગીરગઢડાના જામવાળાથી પસાર થાય છે. જામવાળા જમજીરનો ધોધ સોળે કળાએ ખીલી ઉઠ્યો છે. ત્યારે આ ધોધનો ડ્રોન નજારો કેમેરામાં કેદ થયો છે. જેનો આકાશી દૃશ્યોવાળો અદભુત નજારો જોવા મળ્યો છે. જમજીર ધોધનો આહલાદક નજારો ગીરગઢડાના જામવાળા ગીરમાં આવેલા લોકપ્રિય જમજીર ધોધને હજારો ફુટ ઉંચાઇ પરથી લીધેલા આ દૃશ્યો જે ગીરમાં ઉપરવાસમાં પડેલા મુશળધાર વરસાદના કારણે જળ બંબાકાર થયો છે. નદીઓ વહેતી થઈ છે તો ડેમો પણ ઓવરફ્લો થયા છે. ત્યારે જામવાળા ગીર જંગલમાં આવેલો શિંગોડા ડેમના ત્રણ દરવાજા ખોલાતા શિંગોડા નદી ગાંડીતુંર બની છે. નદીના બંન્ને કાંઠે પાણી વહેતાં શિંગોડા નદીમાં આવેલા ફેમસ જમજીર ધોધના રોદ્ર સ્વરૂપની સાથે આહલાદક નજારો પણ જોવા મળી રહ્યો છે. શિંગોડા નદી ગાંડીતુંર બની ​​​​​​​જોકે જામવાળા શિંગોડા નદીના કાંઠે જમદગ્નિ આશ્રમ પણ આવેલો છે. આ જમજીરનો ધોધ નિહાળવા પ્રવાસીઓ મોટી સંખ્યામાં આવતા હોય છે. જો કે ધોધ પાસે સેલ્ફી લેવાના ચક્કરમાં પગ લપસી જવાથી અનેક લોકોએ જીવ પણ ગુમાવ્યા છે. દર વર્ષે ઉપરવાસમાં ભારે વરસાદને લીધે ડ...

હળવદ શહેરમાં આવેલ માર્કેટયાર્ડ ખાતે મોરબી જિલ્લા પોલીસ દ્વારા લોકો વ્યાજખોરમાં ચંગુલમાં ન ફસાઈ અને તેઓને બેંક તરફથી કઈ રીતે લોન મળી શકે છે. તેની જાગૃતિ લાવવા માટેનો કાર્યક્રમ યોજાયો હતો. તેની સાથે સાથે લોન મેળાનું પણ આયોજન કરવામાં આવ્યું હતું. જેમાં જુદા જુદા અરજદારોને મંજૂર કરવામાં આવેલ 22 લાખ જેટલી રકમની લોનના ચેક અર્પણ કરવામાં આવ્યા હતા. ગેરકાયદેસર નાણાધીરતા વ્યક્તિઓ પાસેથી વ્યાજે રૂપિયા ન લેવા માટે અધિકારીઓ દ્વારા લોકોને સમજૂત કર્યા હતા મોરબી જિલ્લાના જુદાજુદા વિસ્તારીમાં પોલીસ વિભાગ દ્વારા વ્યાજખોરના ચંગુલમાં લોકો ન ફાસાય તે માટે જનસંપર્ક સભા અને લોન મેળાનું આયોજન કરવામાં આવે છે. તેવી જ રીતે મોરબી જિલ્લાના હળવદમાં આવેલ માર્કેટ યાર્ડના મીટીંગ હોલમાં હળવદ પોલીસ સ્ટેશન દ્વારા સામાન્ય પ્રજાજનોને સસ્તા દરે લોન મળી રહે અને વ્યાજખોરોના ત્રાસથી મુક્તિ મળે તે માટે લોન મેળાનું આયોજન કરવામાં આવ્યું હતું. જેમાં હળવદની જુદીજુદી 11 જેટલી બેંકનાં પ્રતિનિધિ હાજર રહ્યા હતા અને જુદી-જુદી બેંકો દ્વારા લોકોની મંજૂર કરવામાં આવેલી 22 લાખની લોનના ચેક આપવામાં આવ્યા હતા. ત્યારે હળવદના પીઆઇ આર.ટી. વ્યાસ, ય...

કડી તાલુકાના નંદાસણ, બાવલુ અને કડી પોલીસે અલગ અલગ જગ્યા ઉપર રેડ કરી હતી. જેમાં નદાણ, કોયડા રાજપુર અને નંદાસણ ગામે વરલી મટકાનો આંક ફેરનો જુગાર તેમજ તીનપત્તીના જુગાર રમાડતા ઇસમોને પોલીસે ઝડપી પાડ્યા હતા. તેમજ કડી પોલીસે ચારોલ ગામેથી વિદેશી દારૂનો વેપાર કરતાં ઈસમને ઝડપી પાડી જેલના હવાલે કર્યો હતો. કડી તાલુકાના બાવલુ પોલીસનો સ્ટાફ અલગ અલગ વિસ્તારમાં જુગાર લગત કામગીરીમાં પેટ્રોલિંગ કરી રહ્યો હતો. ત્યારે માહિતી મળી હતી કે, નંદાણ ગામે આવેલી મસ્જિદ વાળા વાસમાં રહેતા કાળુભાઈ સિપાઈ પોતાના ઘરની બહાર ખુલ્લી જગ્યામાં વલ્લી મટકાનો આંક ફેરનો જુગાર રમી રમાડી રહ્યા છે. પોલીસે માહિતીના આધારે રેડ કરી હતી અને વરલી મટકા આંક ફેરનો જુગાર રમતા કાળુભાઈ સિપાઈ અને મેલાજી ઠાકોર બંનેને ઝડપી પાડ્યા હતા. તેમજ કુલ રૂપિયા 10,700નો મુદ્દામાલ કબજે કરી ગુનો દાખલ કરાયો હતો. તેજ રીતે બાવલુ પોલીસ સ્ટાફના માણસોને કોયડા બસ સ્ટેન્ડ પાસે પેટ્રોલિંગમાં હતા. તે દરમિયાન માહિતી મળી હતી કે, કોયડા સરકારી બોરની પાછળ કેટલા ઈસમો જુગાર રમી રહ્યા છે. માહિતીના આધારે પોલીસે રેડ કરી હતી જ્યાં જુગાર રમતા ભોપાભાઈ ઠાકોર, અંકિત ઠાકોર અને કનુભાઈ ...

ભારતીય સેનાના કારગીલ વિજય દિવસ નિમિતે ભાજપ યુવા મોરચા દ્વારા મશાલ રેલીનું આયોજન કરાયું હતું. જેમાં વીરોની ગાથા ગાતા ગીતો સાથે રેલી શહેરના માર્ગો પરથી પસાર થતા સ્વાગત કરાયું હતું. ભારતીય સૈનાના શોર્યની ગાથા સમાન કારગીલ વિજય દિવસ નિમિત્તે સુરેન્દ્રનગર ખાતે ભારતીય જનતા પાર્ટી યુવા મોર્ચા દ્વારા મશાલ રેલીનું આયોજન કરવામાં આવ્યું હતું. જેમાં પ્રદેશ યુવા મોરચાના અધ્યક્ષ પ્રશાંતભાઈ કોરાટ, પ્રદેશના ઉપાધ્યક્ષ વર્ષાબેન દોશી, જિલ્લાના અધ્યક્ષ હિતેન્દ્રસિંહ ચૌહાણ, વઢવાણ વિધાન સભાના ધારાસભ્ય જગદીશભાઈ મકવાણા, જિલ્લાના મહામંત્રી હાર્દિકભાઈ ટમાલિયા, ધીરુભાઈ સિંધવ અને જિલ્લા યુવા મોરચા અધ્યક્ષ સિદ્ધરાજસિંહ ઝાલા તથા જિલ્લાના હોદ્દેદારો, નિવૃત્ત આર્મીમેન, એનસીસી કેડેટ તથા મોટી સંખ્યામાં યુવાનો અને કાર્યકર્તા ઉપસ્થિત રહ્યા હતા. આ રેલી શહેરના મુખ્ય માર્ગો પર ડીજેના તાલે જવાનોની વિજય ગાથા યાદ અપાવતા ગીતો સાથે ફરી હતી. http://dlvr.it/TB4k8g

પોલીસ અનેે NDRF ટીમે કડછના 26 વર્ષના યુવાનનો જીવ બચાવ્યો હતો. યુવાનને સાપે દંશ દેતા આરોગ્યલક્ષી ઇમરજન્સી ઉભી થઇ હતી ઉપરવાસમાં ભારે વરસાદ થતા પોરબંદરના ઘેડ વિસ્તારમાં પૂરની પરિસ્થિતિ સર્જાઇ છે. ઘેડ વિસ્તારના મોચા ગામથી રસ્તા પર પાણી ફરી વળતા કોઇ વાહન અવર જવર ન કરી શકે તેવી પરિસ્થિતિ સર્જાઇ છે. આવી પરિસ્થિતિમાં કડછ ગામના નાગાજણ નામના યુવાનને સર્પે દંશ દેતા મેડીકલ ઇમરજન્સી સર્જાઇ હતી. જેની જાણ માધવપુર પોલીસ સ્ટેશનના સબ ઇન્સપેકટર મોરીને થતા તેમણે NDRF ની ટીમને સાથે રાખી હોડી મારફતે કડછ ગામમાંથી આ યુવાનનું રેસ્ક્યુ કરી તેને મોચા ગામે પહોંચાડયો હતો બાદમાં આ યુવાનને 108 મારફતે સમયસર પોરબંદરની હોસ્પિટલે પહોંચાડી દેવાતા આ યુવાનનો જીવ બચી ગયો હતો. http://dlvr.it/TB4k07

ભારે વરસાદ અને ઉપરવાસમાંથી છોડાયેલા પાણીને પગલે વિશ્વામિત્રી નદીમાં પૂરની સ્થિતિ છે. ત્યારે વડોદરા જિલ્લાના સાવલી તાલુકાના પીલોલ ગામમાં નદીના ધસમસતા પાણીમાં ફસાયેલા યુવાને ગ્રામજનોએ ભેગા મળીને રેસ્ક્યૂ કર્યો હતો. આ દિલધડક રેસ્ક્યૂ ઓપરેશનનો વીડિયો સામે આવ્યો છે. જેમાં ગામના કેટલાક યુવાનો પોતાના જીવ જોખમમાં મૂકીને યુવાનને બચાવતા જોવા મળે છે. પાણીમાં ફસાતા યુવક ગામના પ્રવેશદ્વાર પર ચઢ્યો વડોદરા જિલ્લાના સાવલી તાલુકાનું પીલોલ ગામ વિશ્વામિત્ર નદીના પાણીથી ઘેરાઈ ગયું છે. પીલોલ ગામની ચારે તરફ નદીના પાણી ફરી વળ્યા છે. પીલોલ ગામમાં અચાનક આવી ગયેલા વિશ્વામિત્રી નદીના ધસમસતા પાણીના કારણે ગામનો એક યુવાન પાણીમાં ફસાઈ ગયો હતો અને પાણીથી બચવા માટે ગામના પ્રવેશદ્વાર ઉપર ચડી ગયો હતો. યુવાનને ફસાયેલો જોઈને ગામ લોકો ચિંતામાં મુકાઈ ગયા હતા અને યુવાન પણ પોતાને બચાવવા માટે મદદની ગુહર લગાવી રહ્યો હતો. યુવાનને બચાવવા દિલધડક રેસ્ક્યુ ઓપરેશન જેથી પીલોલ ગામના હરીશભાઈ હીરાભાઈ વણકર, હિતેશભાઈ હસમુખભાઈ વણકર, હરીશભાઈ મનુભાઈ વણકર અને ભૂપેન્દ્રભાઈ મણીલાલ પરમાર એક પળનો પણ વિચાર કર્યા વગર પાણીમાં કૂદી ગયા હતા અને ગામ લ...

સાબરકાંઠાના ખેડબ્રહ્મા પોલીસ સ્ટેશન 23 નવેમ્બર 2023ના રોજ IPCની કલમ 406, 419, 395, 506(2), 120B અને 34 મુજબ સાત જેટલા આરોપીઓ સામે ફરિયાદ નોંધાઈ હતી. જે સંદર્ભે બે આરોપીઓની જામીન અરજી ઈડરની કોર્ટે રદ કર્યા બાદ આરોપી રમેશ ગમારે ગુજરાત હાઇકોર્ટમાં જામીન અરજી કરી હતી. જેને 10 હજારના બોન્ડ ઉપર કોર્ટે શરતી જામીન આપ્યા હતા. આરોપીઓએ વિરમગામના યુવકને લગ્નની લાલચ આપી પરિવાર સાથે ખેડબ્રહ્મા બોલાવ્યા હતા. જ્યાં ઇકો ગાડીમાં બેસાડીને પરિવારને એક મકાનમાં લઈ ગયા હતા. આ મકાનમાં પહેલેથી જ 4 પુરુષ અને 2 સ્ત્રીઓ હાજર હતી. ત્યાં અચાનક 2 શખસો આવ્યા હતા અને પોતાની પોલીસ તરીકે ઓળખાણ આપી હતી. તેઓએ ફરિયાદીના પરિવારને ધમકાવીને કહ્યું હતું કે, અમારા વિસ્તારમાં છોકરી લેવા આવ્યા છો? જીવતા જવું હોય તો બધું આપીને જવું પડશે. આ સાથે જ ફરિયાદીના પરિવાર સાથે મારા મારી કરીને રોકડા અને દાગીના સહિત 1.55 લાખની મતા લૂંટી લીધી હતી. યુવકને લગ્ન માટે છોકરીનો ફોટો મોકલ્યો હતો કેસની વિગતે જોતા વિરમગામનો 25 વર્ષીય યુવક જે ખેડૂત છે અને ધોરણ 7 ભણેલો છે. તેના ઘરમાં તે એકલો જ કુંવારો હતો. તેના ઘરના લોકો તેના માટે લગ્ન લાયક છોકરી શોધી ...

મોરબી શહેરના જુદાજુદા વિસ્તારમાંથી લગભગ દરરોજની એક ફરિયાદ સાથે લોકોના ટોળાં પાલિકામાં આવે છે. ત્યારે લોકોના પ્રશ્નો તાત્કાલિક ઉકેલાય તેના માટેનું આયોજન કરવામાં આવ્યું છે અને મોરબી પાલિકાને લગતી ફરિયાદો અને પ્રશ્નો સાંભળવા માટે અને પ્રશ્નોના નિકાલ કરવા કલેક્ટર, ધારાસભ્ય, વહીવટદાર અને ચીફ ઓફિસર કયારે હાજર હશે. તેની માહિતી પાલિકા દ્વારા જાહેર કરવામાં આવી છે. મોરબી પાલિકાને સુપરસીડ કરવામાં આવી તેને લગભગ 15 મહિનાથી પણ વધુ સમય થઈ ગયેલ છે અને હાલમાં વહીવટદાર અને ચીફ ઓફિસર થકી પાલિકાના રૂટિન કામનું ગાડું ગબડાવવામાં આવી રહ્યું છે. ત્યારે રોજે કોઈને કોઈ વિસ્તારમાંથી ફરિયાદ આવે છે. જેથી કરીને લોકોના પ્રશ્નોનો નિકાલ કરવામાં આવે તેના માટે પાલિકામાં કયા અધિકારી અને પદાધિકારીએ કયારે હાજર રહેશે તેનું સમય પત્રક જાહેર કરવામાં આવ્યું છે. હવેથી દર મંગળવારે સવારે 10:30 થી 12:30 ચીફ ઓફિસર તથા મોરબી જિલ્લાના કલેકટર મોરબી પાલિકા કચેરી ખાતે હાજર રહેશે. દર બુધવારે સવારે 10:30 થી 12:30 વહીવટદાર પાલિકા કચેરીમાં હાજર રહેશે. દર શુક્રવારે બપોરે 04:00થી 06:00 ચીફ ઓફિસર તથા મોરબીના ધારાસભ્ય કાંતિભાઈ અમૃતિયા હાજર રહેશે...

રાજસ્થાનમાંથી 13 વર્ષિય સગીરાનુ અપહરણ કરનાર યુવકને અમરેલી એલસીબીએ ધારી પંથકમાંથી ઝડપી લીધો હતો. સગીરના તેમના પરિવારને સોંપવામાં આવી હતી. તો યુવકને રાજસ્થાનના નિમ્બાહેરા પોલીસને સોંપવામાં આવ્યો હતો. અમરેલી એલસીબીના પીઆઈ એ.એમ.પટેલની રાહબરી નીચે ટીમ ધારી પંથકમાં પેટ્રોલીંગમાં હતી. ત્યારે એક પરપ્રાંતિય ઈસમ સગીરા સાથે મળી આવ્યો હતો. જેની સઘન પુછપરછ કરી ખરાઈ કરતા રાજસ્થાનના ચિતૌડગઢ જિલ્લાના નિમ્બાહેરા પંથકમાંથી સગીરાનુ અપહરણ કર્યું હતું. આ અંગે નિમ્બાહેરા પોલીસ સ્ટેશનમાં ગુનો પણ નોંધાયો હતો. અમરેલી એલસીબીની ટીમે કિસ્મતપુરી શ્યામપુરી ગૌસ્વામીને સગીરા સાથે ઝડપી લીધો હતો. તેમને નિમ્બાહરા પોલીસના હવાલે કરવામાં આવ્યો હતો. જયારે સગીરાને તેમના પરિવારને સાેંપી દેવાની કાર્યવાહી કરાઇ હતી. http://dlvr.it/TB2Hhw

સાવરકુંડલા તાલુકાના વંડા આસપાસના ચાર ગામોમાં આઝાદીના 76 વર્ષ પછી પણ એસ.ટી. બસની સુવિધાઓ મળી નથી. ચારેય ગામના લોકોને બસ સુવિધા ન મળતા ખાનગી વાહનોનો સહારો મેળવવો પડી રહ્યો છે. સાવરકુંડલા તાલુકાનાં ફાચરીયા, ખાલપર, હઠીલાવાવ અને કુકવાવ ચારેય ગામોને ભુતકાળમાં એસટી બસનાં ચારથી પાંચ ટ્રીપ મળતી પરંતુ અચાનક એસટીના અધિકારીઓના અણઘણ વહિવટના કારણે બંધ કરી દીધી છે. હઠીલાવાવ ગામમાં વર્ષોથી સાવરકુંડલા એસ.ટી.ડેપોની રાત્રી રોકાણ કરતી હતી તે બસ પણ બંધ કરી દીધી છે. વંડા હાઈસ્કૂલના મેનેઝિંગ ટ્રસ્ટી મનજીભાઈ તળાવીયા દ્વારા સાવરકુંડલા તાલુકાના સતાધીશો અને એસ.ટી.તંત્રને રજુઆત કરવામાં આવી હતી. રાજ્ય સરકારનો એવો હેતુ હતો કે ગામડાનાં લોકોને દિવસમાં એકવાર તાલુકા તથા જિલ્લા મથકે જવા આવવા માટે સરકારી એસ.ટી.બસની સુવિધા આપવામાં આવે. સાવરકુંડલા તાલુકાના ફાચરીયા, ખાલપર, હઠીલાવાવ અને કુકવાવ ચારેય ગામોને પાંચ વર્ષ પહેલા સાવરકુંડલાથી હઠીલાવાવ બસ સાવરકુંડલાથી સાંજે 6:30 કલાકે ઉપડી હઠીલાવાવ ગામ ખાતે નાઈટ હોલ્ટ કરવામાં આવતો હતો. હઠીલાવાવ ખાતેથી વહેલી સવારે ઉપડી સાવરકુંડલા પરત ફરતી જે બસ સાવરકુંડલાથી ઝીંઝુડા, પીઠવડી, પીયાવા, વં...

ગુજરાત વિધાનસભાની જાહેર હિસાબ સમિતિ તારીખ 24 જુલાઈથી 26 જુલાઈ 2824 દરમિયાન ત્રણ દિવસ માટે ડાંગ જિલ્લાની મુલાકાતે આવી છે. ડાંગ જિલ્લાના અભ્યાસ પ્રવાસ અર્થે આવેલ ગુજરાત વિધાનસભાની જાહેર હિસાબ સમિતિનું વિધાનસભાના નાયબ દંડક વિજય પટેલે પુષ્પગુચ્છ વડે ભાવભીનું સ્વાગત કર્યું હતું. ધારાસભ્ય જીતુ વાઘાણીની આગેવાની હેઠળની સમિતિના સભ્યો ધારાસભ્ય સર્વ કાંતિ અમૃતિયા, અરવિંદ રાણા, નરેશ પટેલ, પ્રવિણ માળી, વિનેન્દ્રસિંહ ઝાલા, અમૂલ ભટ્ટ, ડો.હસમુખ પટેલ તેમજ સમિતિના સચિવ ચેતન પંડ્યા તથા સમિતિના અધિકારીઓએ, પ્રથમ દિવસે ડાંગ જિલ્લાના ભેંસકાત્રી અને મહાલનાં પ્રવાસન સ્થળોની મુલાકાત લીધી હતી. ડાંગ જિલ્લા ભાજપ સંગઠન પ્રભારી રાજેશ દેસાઈ, વલસાડ વન વર્તુળના મુખ્ય વન સંરક્ષક એસ.મનીશ્વર રાજા, ઉત્તર વન વિભાગના નાયબ વન સંરક્ષક દિનેશ રબારી, દક્ષિણના નાયબ વન સંરક્ષક રવિપ્રસાદ રાધા ક્રિષ્ણન, દક્ષિણ વન વિભાગના મદદનીશ વન સંરક્ષક સુરેશ મીણા, ઉત્તર વન વિભાગ મદદનીશ વન સંરક્ષક કેયુર પટેલ, કાલીબેલ આર.એફ.ઓ. કે.એસ. કોંકણી તેમજ વનકર્મીઓ ઉપસ્થિત રહ્યા હતાં. http://dlvr.it/TB1qh3

દાહોદ શહેરમાંથી પસાર થતી રેલ્વે લાઈન પર કોઈ અજાણ્યા 45 વર્ષિય પુરૂષ કોઈ ટ્રેનની અડફેટે આવી જતાં સ્થળ પર મોત નીપજતાં આ અંગેની જાણ સ્થાનીક રેલ્વે પોલીસને થતાં પોલીસ કાફલો ઘટના સ્થળે પહોંચી વધુ તપાસ હાથ ધરી હતી. દાહોદ શહેરમાંથી પસાર થતી દાહોદ રેલ્વે સ્ટેશનની પશ્ચિમે યાર્ડમાં અપ અને ડાઉન ક્રોસ રેલ્વે લાઈનની વચ્ચે કોઈ ટ્રેનની અડફેટે એક 45 વર્ષિય અજાણ્યો પુરૂષ કોઈ ટ્રેનની અડફેટમાં આવી જતાં તેમને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું ઘટના સ્થળે મોત નીપજ્યું હતું. આ અંગેની જાણ સ્થાનીક રેલ્વે પોલીસના કર્મચારીઓને થતાં રેલ્વેના કર્મચારીઓ તેમજ રેલ્વે પોલીસ તાત્કાલિક ઘટના સ્થળે પહોંચી ગઈ હતી જ્યાં અજાણ્યા વ્યક્તિના મૃતદેહનો કબજે લઈ નજીકના દવાખાને પી.એમ માટે રવાના કરી દેવામાં આવ્યો હતો, અને રેલ્વે પોલીસ દ્વારા અજાણ્યા વ્યક્તિના વાલી વારસની શોધખોળ હાથ ધરી આ સંબંધે ગુનો નોંધી આગળની કાયદેસરની કાર્યવાહી હાથ ધરી છે. http://dlvr.it/TB1WVv

અમદાવાદમાં ટ્રાફિક પોલીસ દ્વારા અનેક સિગ્નલ પર લોકોને નિયમોના ભંગ બદલ ઊભા રાખવામાં આવે છે તેમાંથી અનેક પોઇન્ટ પર મસમોટી દંડની રકમ કહીને લાંચ લઈને વાહન ચાલકને છોડી દેવામાં આવે છે આ અંગેની ACB ને ફરિયાદ મળતા ACB દ્વારા એક ડીકોય ગોઠવવામાં આવી હતી જેમાં શહેરમાં અતિ ભરચક એવા કાલુપુર રેલ્વે સ્ટેશન બહાર જ હેડ કોન્સ્ટેબલ 300 રૂપિયાની લાંચ લેતા ઝડપાઈ ગયા છે.આરોપીની ધરપકડ કરી ACB એ વધુ તપાસ હાથ ધરી છે. ACB ને ફરિયાદ મળી હતી કે શહેરના જુદા જુદા વિસ્તારોમાં ટ્રાફિક પોઇન્ટ પર ટ્રાફિક પોલીસ દ્વારા લાયસન્સ,પિયુસી,હેલ્મેટ,રોંગ સાઇડ,નો પાર્કિંગ વગેરે જુદા જુદા બહાના હેઠળ વાહન ચાલકોને રોકીને મેમો નહિ આપવા બદલ 500 રૂપિયાથી 1500 રૂપિયાના સુધીની લાંચ માંગવામાં આવે છે.આ માહિતીના આધારે ACB એ શહેરના અતિ વ્યસ્ત એવા કાલુપુર રેલ્વે સ્ટેશન બહાર ડિકોય ગોઠવવામાં આવી હતી. આ દરમિયાન E ડિવિઝન ટ્રાફિક પોલીસ સ્ટેશનના હેડ કોન્સ્ટેબલ અશોક પટણીએ ડિકોયર પાસે વાહન નો પાર્કિંગમાં મૂક્યું હોવાની જણાવી મેમો આપવા જણાવ્યું હતું ત્યારબાદ મેમો ના આપવા બદલ 500 રૂપિયાની લાંચની માંગણી કરી હતી.રકઝકના અંતે 300 રૂપિયા આપવાની નક્કી કર્યું...

બોરીવલી-વેસ્ટમાં વર્ષો જૂનું બાભઈ સ્મશાનગૃહ છેલ્લા 8 મહિનાથી રિપેરિંગને બહાને બંધ કરાયું છે તેની વિરુદ્ધ 78 વર્ષીય સામાજિક કાર્યકર મીરા કામત મહાપાલિકાના આર-સેન્ટ્રલ વોર્ડમાં મંગળવારથી બેમુદત ભૂખહડતાળ ઊતરી જતાં સ્થાનિકોમાં રોષની લાગણી ફેલાઈ છે. મીરા કામતે દિવ્ય ભાસ્કરને કહ્યું કે, બોરીવલીમાં રામ મંદિર રોડ પર બાભઈ સ્મશાનગૃહમાં ગત ઓક્ટોબરથી રિપેરિંગના નામે લાકડાની 4 ચિતા મહાપાલિકાએ બંધ કરી છે. હાલમાં કમસેકમ એક ચિતા ચાલુ નહીં કરે ત્યાં સુધી મારું આંદોલન ચાલુ રહેશે. આ જગ્યા પર ભૂ-માફિયાઓનો ડોળો છે. અહીં બે ભઠ્ઠી ઈલેક્ટ્રિકની ચાલુ છે, જેનો રસ્તો બાભઈને બદલે પાછળથી વઝિરા વિસ્તારમાંથી ખુલ્લો રખાયો છે. આગળના ભાગનો રસ્તો રિપેરિંગના બહાને બંધ કરી દેવાયો છે, પરંતુ આ મામલે રહેવાસીઓએ સ્થાનિક મહાપાલિકાની કચેરીમાં રજૂઆત કરવા છતાં કુંભકર્ણની નિદ્રામાંથી તંત્ર જાગ્યુ નથી. મેં લેખિતમાં પોલીસ અને વોર્ડ ઓફિસને વાંરવાર જાણ કરી અને મિટિંગો કરી, પરંતુ તે આ સ્મશાનભૂમિ ફરીથી પહેલાની જેમ કયારે શરૂ કરશે તેની કોઈ સમયમર્યાદા આપતું નથી. તેઓ હવે એમ કહે છે કે અમે મ્હાડાને આ માટે કોન્ટ્રાક્ટ આપ્યો છે. આમ, નાગરિકો સાથે ...

બજેટમાં સ્મોલ સ્કેલ ઇન્ડસ્ટ્રીઝને લાભ થાય તેવાં પગલાં સરકારે જાહેર કર્યાં છે. ખાસ કરીને કોલેટરલ વગર 50 લાખ સુધીની લોન આપવાની જાહેરાતથી શહેર-જિલ્લાના 20 હજાર જેટલા ઉદ્યોગોને ફાયદો થશે. નાનું સ્ટાર્ટઅપ શરૂ કરનાર કે ભાડાની જગ્યામાં ઇન્ડસ્ટ્રી શરૂ કરવા સરકાર 50 લાખ સુધી કોઈ વસ્તુ ગિરવી મૂક્યા વિના લોન અપાશે તો ઉદ્યોગનો વિકાસ થશે અને નાના ઉદ્યોગકારોની દશા સુધરશે. પ્રથમ વખત સ્પેસ રિસર્ચ માટે 1000 કરોડની જોગવાઈ કરાતાં શહેરની 50 ડિફેન્સ ઇન્ડસ્ટ્રીઝને આશા બંધાઈ છે. જ્યારે શેર બજારના રોકાણકારોમાં નિરાશા જોવા મળી હતી. 64,583 જેટલો પગાર ધરાવનાર 1 લાખ નોકરિયાતોને સ્ટાન્ડર્ડ ડિડક્શનનો ફાયદો થશે. ફાયદો;એન્જલ ટેક્સ નાબૂદીથી સ્ટાર્ટઅપને ફાયદો થશે ​​​​​​​શહેર-જિલ્લા 20 હજાર નાના ઉદ્યોગોને ફાયદો થશે. મુદ્રા લોનથી લઘુ ઉદ્યોગો શરૂ થઈ શકશે. સ્ટાર્ટઅપ કરનારને એન્જલ ટેક્સ નાબૂદ કરવાથી પોતાની કંપનીના શેર વેચવાથી લાભ થશે. જીએસટીના પ્રશ્નોનો ઉકેલ આવ્યો નથી, પણ નાના ઉદ્યોગો માટેની જોગવાઈથી ઉદ્યોગ જગત વિકાસ અને રાહત બંને અનુભવી રહ્યું છે. આશા​​​​​​​;50 ડિફેન્સ કંપનીને સ્પેસ રિસર્ચ ફંડનો લાભ મળશે ​​​​​​​સરકારે વિ...

વલસાડ SOGની ટીમને મળેલી બાતમીના આધારે 25મી ઓગષ્ટ 2023ના રોજ વલસાડ તાલુકાના ગુંદલાવના ઉજ્જવલ નગરમાં આવેલ એક મકાનમાં પોષડોડાનું છૂટક વેચાણ ચાલી રહ્યું હોવાની બાતમીના આધારે એડ કરી ચેક કરતા 80.970 કિલોગ્રામ પોષડોડાનો જથ્થો ઝડપી પાડ્યો હતો. તે કેસમાં સંડોવાયેલા આરોપીની વલસાડ રૂરલ પોલીસે કરેલી કરેલી ધરપકડ બાદ આરોપીએ વલસાડની સેશન્સ કોર્ટમાં જેલમાંથી મુક્ત થવા જામીન અરજી રજૂ કરી હતી. જે અરજી ઉપર DGP અનિલ ત્રિપાઠીની દલીલોને ગ્રાહ્ય રાખીને વલસાડની સેશન્સ કોર્ટના જજ વી કે પાઠકે NDPSના ગુનાના આરોપીના જામીન અરજી નામંજૂર કરતો હુકમ કર્યો હતો. વલસાડ SOGની ટીમ 25મી ઓગષ્ટ 2023ના રોજ વલસાડ જિલ્લાના વિવિફહ વિસ્તારોમાં NDPSના ચાલતી પ્રવૃતિઓ ઉપર અંકુશ લાવવા પેટ્રોલિંગ કરી રહી હતી. જે દરમ્યાન મળેલી બાતમીના આધારે વલસાડ તાલુકાના ગુંદલાવ ઉજ્જવલ નગર ખાતે આવેલા એક મકાનને ભાડે રાખી યુવક તે મકાનમાં ગેરકાયદેસર રીતે પોષડોડાનો જથ્થો લાવી મકાન ભાડે રાખનાર યુવક છૂટક વેચાણ કરતો હોવાની બાતમી વલસાડ SOGની ટીમને મળી હતી. જેને લઈને વલસાડ SOGની ટીમે છાપો મારતા મકાનમાંથી કુલ 80.970 કિલોગ્રામ પોષડોડાનો જથ્થો મળી આવ્યો હતો. તે કે...

લાલગેટ પોલીસે 20 જુલાઈના રોજ મેફેડ્રોન ડ્રગ્સ સાથે 3 આરોપીઓને ઝડપી પાડ્યા હતા. પોલીસે 12,57,100 રુપિયાની કિમંતનું 125.71 ગ્રામ મેફેડ્રોન ડ્રગ્સ જપ્ત કરી આ મામલે વધુ તપાસ હાથ ધરી હતી. આ ગુનામાં ડ્રગ્સ સપ્લાય કરનાર બે આરોપીઓને પણ લાલગેટ પોલીસે મુંબઈથી ઝડપી પાડ્યા છે. ઝડપાયેલા આરોપીઓમાં એક કોમ્યુટર એન્જિનિયર હોવાનું સામે આવ્યું છે. ભજીયાની લારી ઉપર ડ્રગ્સ મંગાવી વેચતા હતા લાલગેટ પોલીસ મથક પાસેથી મળતી માહિતી મુજબ સુરતમાં લાલગેટ પોલીસની ટીમે ગત 20 જુલાઈ 2024ના રોજ મેફેડ્રોન ડ્રગ્સના જથ્થા સાથે 3 શખસોને ઝડપી પાડ્યા હતા. લાલગેટ વિસ્તારમાં હોળી બંગલા રાજકમલ બેકરીની ગલીમાં મોઈનુંદીન સલાઉદીન અંસારીની ભજીયાની લારી ઉપર ત્રણ શખસો ભેગા મળીને ચોરી છુપીથી ડ્રગ્સ મંગાવી વેચાણ કરતા હોવાની બાતમી લાલગેટ પોલીસને મળી હતી. જેને લઈને લાલગેટ પોલીસે અહી ભજીયાની લારી પાસે પાનના ગલ્લા પાસે રેઇડ કરી હતી. પોલીસે અહીંથી મોઈનુદીન સલાઉદીન અંસારી સાડીના કારખાનામાં કામ કરતા રસીદ જમાલ ઉર્ફે બનારસી ઉસ્માનગની અંસારી અને કાપડ દલાલીના વ્યવસાય સાથે સંકળાયેલા મહોમદજાફર મોહમદ સીદીક ગોડીલને ઝડપી પાડ્યા હતા. ડ્રગ્સ ભરૂચથી મંગાવવ...

પોરબંદરના વાઘેશ્વરી પ્લોટમાં જતા મુખ્ય માર્ગ ઉપર સ્ટોમ વૉટર ડ્રેનજની કામગીરી હાથ ધરાઈ છે પરંતુ આ કામગીરી દરમ્યાન રસ્તો બંધ કરવામાં આવ્યો છે અને હાલ આ કામગીરી પૂર્ણ પણ થઈ ગઈ છે તેમછતાં રસ્તો ખુલ્લો કરવામાં આવ્યો નથી જેથી સામાજિક આગેવાન દ્વારા પાલિકાને લેખિતમાં રજુઆત કરી આ રસ્તો તાત્કાલિક શરૂ કરવા માંગ કરી હતી. પોરબંદર શહેરના મુખ્ય માર્ગો ઉપર પાલીકા દ્વારા વરસાદી પાણીના નિકાલ માટે સ્ટોમ વૉટર ડ્રેનેજની કામગીરી હાથ ધરવામાં આવી રહી છે.પોરબંદરના વાઘેશ્વરી વિસ્તારમાં જતા મુખ્ય માર્ગ ઉપર આ કામગીરીને લઈને અનેક દિવસોથી રસ્તો બંધ કરવામાં આવ્યો છે જેથી આ વિસ્તારમાં જવા માટે સ્થાનિકોને અન્ય રસ્તા ઉપરથી જવાની ફરજ પડે છે ત્યારે આ રસ્તા ઉપર સ્ટોમ વૉટર ડ્રેનેજની કામગીરી પૂર્ણ થઈ ગયા બાદ પણ રસ્તો ખુલ્લો કરવામાં આવતો નથી જેથી સામાજિક આગેવાન દિલીપભાઈ મશરૂ દ્વારા પાલિકાને લેખિતમાં રજુઆત કરી આ રસ્તો તાત્કાલિક શરૂ કરવા માંગ કરી છે. સામાજિક આગેવાન દ્વારા પાલિકાને કરી લેખિતમાં રજુઆત http://dlvr.it/T97L2C

તાલુકાના સુખપરમાં બુધવારે સવારે 10 વાગ્યા દરમ્યાન અકસ્માતનો કરુણ અકસ્માત સર્જાયો હતો. માનકુવામાં રહેતી પરિણીતા તેના સવા વર્ષના પુત્ર અને સાસુ સાથે એક્ટિવા પર ભુજ આવતા હતા ત્યારે સુખપર પાસે પંચાયતની સામેના રોડ પર સ્પીડબ્રેકર પાસે બ્રેક મારતા સ્લીપ થતા એક્ટિવા પર સવાર ત્રણેય રસ્તા પર પટકાયા હતા. આ જ સમયે બાજુમાંથી જતી ટ્રકના તોતિંગ વ્હિલ દાદી અને પૌત્ર પર ફરી વળતા બંનેના મોત નિપજ્યા હતા. જ્યારે એક્ટિવા ચાલક પરિણીતાનો ચમત્કારિક બચાવ થયો હતો. હચમચાવી દેતી અકસ્માતની ઘટના કેમેરામાં કેદ થઈ હતી.આ ઘટનાથી પટેલ ચોવીસીમાં શોક ફેલાઈ ગયો છે. માનકુવાના એક્તાબેન દિનકર ગોરસિયા બુધવારે સવારે તેના સવા વર્ષના પુત્ર તન્મય અને સાસુ 55 વર્ષીય મંજુલાબેન વાલજી ગોરસિયા સાથે ભુજ આવતા હતા ત્યારેે સ્પીડબ્રેકર પર એકતાબેને એક્ટિવાનું બેલેન્સ ગુમાવતા ત્રણેય રસ્તા પર પટકાયા હતા. આ જ સમયે બાજુમાંથી પસાર થઈ રહેલી ટ્રકના વ્હિલ સવા વર્ષના તન્મય અને 55 વર્ષીય મંજુલાબેન ગોરસીયા પર ફરી વળતા મંજુલાબેનનું ઘટનાસ્થળે મોત નિપજ્યું હતું. જ્યારે તન્મયને ગંભીર ઈજા થતા સારવાર દરમિયાન મોત નિપજ્યું હતું.માનકુવા પોલીસે તપાસ હાથ ધરી છે. ...

વલસાડ નગર પાલિકા દ્વારા ચોમાસા પહેલા શહેરમાં આવેલા 37થી વધુ જર્જરિત મકાનોને નોટિસ પાઠવી હતી. રામવાડી વિસ્તારમાં રામ એપાર્ટમેન્ટ 05 અને આજુબાજુના એપાર્ટમેન્ટને જર્જરિત જાહેર કર્યા હતા. છેલ્લા 3 દિવસથી રામ એપાર્ટમેન્ટ 05ની અલગ અલગ બાલ્કનીનો ભાગ ધરાશાય થયો હતો. બુધવારે સાંજે પણ રામ એપાર્ટમેન્ટનો જર્જરિત ભાગ ધરાશાયી થતા બાઇક ચાલકનો ચમત્કારિક બચાવ થયો હતો. એપાર્ટમેન્ટમાં 20 ફ્લેટ પૈકી 18 ફ્લેટ બંધ છે. 2 ફ્લેટ ધારકો રહે છે ચોમાસાની શરૂઆત પૂર્વે નગર પાલિકા દ્વારા જર્જરિત ઇમારતોનો જર્જરિત ભાગ દૂર કરવા મિલ્કત ધારકોને નોટિસ પાઠવવામાં આવે છે. તેમ છત્તા ઘણી જર્જરિત મિલ્કત ધારકો નગર પાલિકાની નોટિસ ધ્યાને લેતા નથી. ચાલુ વર્ષે વલસાડ નગર પાલિકા દ્વારા શહેરમાં આવેલી 37થી વધુ ઇમારતો જર્જરિત જાહેર કરવામાં આવી છે. રામવાડી વિસ્તારમાં આવેલા રામ એપાર્ટમેન્ટ 05માં 20 ફ્લેટ બનાવ્યા છે. જે પૈકી 2 ફ્લેટ કાર્યરત છે. છેલ્લા 3 દિવસથી વલસાડ શહેરમાં પડી રહેલા વરસાદને લઈને રામ એપાર્ટમેન્ટ 05નો જર્જરિત બાલ્કની નો ભાગ ધરાશાય થઈ રહ્યો હતો. રસ્તા ઉપરથી પસાર થતા રાહદારીઓને જીવ બચ્યા હતા. ઘટનાની જાણ વલસાડ નગર પાલિકાની ટીમને...

સુરતમાં ટ્રાફિક સિગ્નલ લાગ્યા બાદ પણ હજી કેટલાક વિસ્તારોમાં નાની-મોટી સમસ્યાઓ સામે આવી રહી છે. ક્યાંક સિગ્નલના ટાઈમિંગને લઈને મુશ્કેલી થાય છે તો ક્યાંક સર્વિસ રોડ ન હોવાને કારણે વાહનચાલકોને મુશ્કેલી થઈ રહી છે. સીતાનગર ચોકડી ખાતે ટ્રાફિક સિગ્નલના ટાઈમિંગ યોગ્ય ન હોવાને કારણે મુશ્કેલી સામે આવી રહી છે તો બીજી તરફ રોંગ સાઈડ વાહનો હંકારવાને કારણે અકસ્માતાનો ભય વધ્યો છે. દુકાનદારો પરેશાન થયા સીતાનગર ચોકથી વિશ્વકર્મા જંક્શનની વચ્ચે કોઈપણ જાતનું ક્રોસિંગ આપેલ ન હોવાના કારણે લોકોને ખૂબ દૂર સુધી યુ ટર્ન લેવા જવું પડતો હોવાના કારણે લોકો શોર્ટકટ માટે રોંગ સાઈડમાં ખૂબ મોટા પ્રમાણમાં ચાલે છે. તો તેનું પણ નિરાકરણ લાવવું જરૂરી છે. રોંગ સાઈડ આવતા વાહનોને કારણે દુકાનદારો પણ ખૂબ પરેશાન થઈ ગયા છે. કારણ કે, સર્વિસ રોડ ન હોવાને કારણે દુકાનોની બહાર વાહનો પાર્ક કર્યા હોય છે. બીજી તરફ રોંગ સાઈડમાં વાહનો હંકારતા હોય છે જેને લીધે દિવસેને દિવસે ટ્રાફિક સમસ્યા વધી રહી છે. અધિકારીઓએ સ્થળ નિરીક્ષણ કરવું જોઈએ કોંગ્રેસ નેતા સુરેશ સુહાગિયાએ જણાવ્યું કે, સીતાનગર ચોકથી રોંગ સાઈડની અંદર 5,000થી વધારે લોકો પર કલાકે અવરજવ...

ગઈકાલે ફૂકાયેલા ભારે ચક્રવાતના કારણે કછોલી અંચેલી,ઇચ્છાપુર સોનવાડી સહિતના ગામોમાં પારાવાર નુકસાન થયું છે. એકલા કછોલી ગામની વાત કરવામાં આવેતો 300 થી 400 જેટલા પરિપક્વ 50 વર્ષ જુના ઝાડ ધરાસાઈ થયા છે. અંદાજે કરોડ રૂપિયાનું નુકસાન થયું છે' આ શબ્દો છે કછોલી ગામના ખેડૂત નિલેશ નાયકના વરસાદથી થયેલી તારાજી અંગે પોતાની વ્યથા વર્ણવી રહ્યા છે. બીજા ખેડૂત મુકેશ દેસાઈ જણાવે છે કે મારા 100 ઝાડમાંથી આશરે 60 થી 65 ઝાડ તૂટી પડ્યા છે.100 ટકા માંથી મારી 80 ટકા જેટલી આવક મેં આ ભારે વરસાદને કારણે ગુમાવી છે મને આશરે 10 વર્ષ માટે આર્થિક ફટકો પડ્યો છે. સરકાર યોગ્ય રીતે સર્વે કરાવીને ખેડૂતોને વળતર આપે તેવી અમારા ગામના સૌ ખેડૂતોની માંગ છે. નવસારીમાં છેલ્લા ચાર દિવસથી દેમાર વરસાદ વરસ્યો હતો. જેના કારણે વાતાવરણમાં ઠંડક ફેલાવવા સાથે ખેડૂતો માટે વાવણી લાયક વરસાદ થયો હતો પરંતુ અન્ય ખેડૂતો માટે આ વરસાદ અભિશાપ રૂપ બન્યો છે. બાગાયતી પાકના નંદનવન ગણાતા નવસારી જિલ્લામાં આવેલા ગણદેવી તાલુકાના 5 થી વધુ ગામોમાં ભારે વરસાદના કારણે કેરી, ચીકુ, નારિયેળી અને લીંબુ સહિતના ઝાડ ધરાસાઈ થતાં ખેડૂતોએ વાર્ષિક લાખ્ખોની કમાણી ગુમાવી ...