કડી ક્રાઇમ ન્યૂઝ:પોલીસે ચારોલ ગામેથી 60 બોટલ સાથે ઈસમને ઝડપ્યો; કોયડા, રાજપુર, નંદાસણ અને નદાણ ગામેથી જુગાર રમતા 8 ઈસમો ઝડપાયા

કડી તાલુકાના નંદાસણ, બાવલુ અને કડી પોલીસે અલગ અલગ જગ્યા ઉપર રેડ કરી હતી. જેમાં નદાણ, કોયડા રાજપુર અને નંદાસણ ગામે વરલી મટકાનો આંક ફેરનો જુગાર તેમજ તીનપત્તીના જુગાર રમાડતા ઇસમોને પોલીસે ઝડપી પાડ્યા હતા. તેમજ કડી પોલીસે ચારોલ ગામેથી વિદેશી દારૂનો વેપાર કરતાં ઈસમને ઝડપી પાડી જેલના હવાલે કર્યો હતો. કડી તાલુકાના બાવલુ પોલીસનો સ્ટાફ અલગ અલગ વિસ્તારમાં જુગાર લગત કામગીરીમાં પેટ્રોલિંગ કરી રહ્યો હતો. ત્યારે માહિતી મળી હતી કે, નંદાણ ગામે આવેલી મસ્જિદ વાળા વાસમાં રહેતા કાળુભાઈ સિપાઈ પોતાના ઘરની બહાર ખુલ્લી જગ્યામાં વલ્લી મટકાનો આંક ફેરનો જુગાર રમી રમાડી રહ્યા છે. પોલીસે માહિતીના આધારે રેડ કરી હતી અને વરલી મટકા આંક ફેરનો જુગાર રમતા કાળુભાઈ સિપાઈ અને મેલાજી ઠાકોર બંનેને ઝડપી પાડ્યા હતા. તેમજ કુલ રૂપિયા 10,700નો મુદ્દામાલ કબજે કરી ગુનો દાખલ કરાયો હતો. તેજ રીતે બાવલુ પોલીસ સ્ટાફના માણસોને કોયડા બસ સ્ટેન્ડ પાસે પેટ્રોલિંગમાં હતા. તે દરમિયાન માહિતી મળી હતી કે, કોયડા સરકારી બોરની પાછળ કેટલા ઈસમો જુગાર રમી રહ્યા છે. માહિતીના આધારે પોલીસે રેડ કરી હતી જ્યાં જુગાર રમતા ભોપાભાઈ ઠાકોર, અંકિત ઠાકોર અને કનુભાઈ ઠાકોર તમામને ઝડપી પાડી કુલ રૂપિયા 1870નો મુદ્દામાલ કબજે કરી ગુનો દાખલ કરી કાર્યવાહી કરી હતી. કડી તાલુકાના નંદાસણ પોલીસે ત્રણ જગ્યા ઉપર રેડ કરી આંક ફેરનો વલ્લી મટકાનો જુગાર રમતા ઈસમોને ઝડપી પાડી ગુનો દાખલ કરાયો હતો. જ્યાં નંદાસણ પોલીસે રાજપુર બસ સ્ટેન્ડની બાજુમાં આવેલા હયાત કાર વોશિંગની બાજુમાં આવેલા છાપરામાં કેટલાક ઈસમો વરલી મટકાનો જુગાર રમી રહ્યા હતા રેડ કરી હતી. રેડ દરમિયાન ઈમ્તિયાઝ ખાન ઉર્ફે બોળો પઠાણ અને અકબર ખાન પઠાણ બંનેને ઝડપી પાડ્યા હતા. પોલીસે કુલ રૂપિયા 4241નો મુદ્દામાલ કબજે કરી ગુનો દાખલ કર્યો હતો. જ્યારે અન્ય એક જગ્યાએથી વરલી મટકાનો જુગાર રમતા આમિર સોયબ સૈયદને ઝડપી પાડ્યો હતો. તેના પાસેથી આંક ફેર વરલી મટકાનો જુગાર રમતાની સર સામગ્રી તેમજ ચિઠ્ઠીઓ મળી આવતા પોલીસે તેના સામે ગુનો દાખલ કરી અને રૂપિયા 1550નો મુદ્દામાલ કબજે કર્યો હતો. નંદાસણ પોલીસે ઇન્દ્રાડ ગામના ચરામાં માહિતીના આધારે રેડ કરી હતી જ્યાં જુગાર રમતા રામાજી ઠાકોર અને કિશનસિંહ ઠાકોરને ઝડપી પાડ્યા હતા. પોલીસે જુગારની રેડ દરમિયાન રોકડ રકમ મોટર સાયકલ સહિત રૂપિયા 57,900નો મુદ્દામાલ કબજે કરી ગુનો દાખલ કરી કાર્યવાહી કરી હતી. કડી પોલીસના ગ્રામ્ય વિસ્તારમાં પેટ્રોલિંગ કરી રહી હતી. ત્યારે માહિતી મળી હતી કે, ચારોલથી વિસતપુરા રોડ ઉપર જતા પાર્લરની આગળ ઝાડીઓમાં વિદેશી દારૂની બોટલ સંતાડેલી છે. તેમજ ચારોલ ગામે રહેતો મહેન્દ્રસિંહ ઝાલા વેપલો કરી રહ્યો છે. પોલીસે માહિતીના આધારે પંચોની સાક્ષીમાં રેડ કરી હતી. રેડ દરમિયાન વ્યાપાર કરતો ઈસમ ઝડપાઈ ચુક્યો હતો. તેમ જ પોલીસે 60 વિદેશી દારૂની બોટલ જપ્ત કરી રૂપિયા 5280નો મુદ્દામાલ કબજે કરી ગુનો દાખલ કર્યો હતો.


http://dlvr.it/TB4wy8