Flicker

સુરતના જહાંગીરપુરા વિસ્તારમાં આવેલા વરિયાવ ખાતે કેનાલમાં એક મહિલા અને એક બાળકનો મૃતદેહ મળી આવ્યો હતો. જ્યારે એક પુરુષનો મૃતદેહ ઓલપાડ નજીકથી મળી આવ્યો હતો. પોલીસ તપાસમાં ખુલાસો થયો છે કે, પતિ-પત્ની અને તેમનો અઢી વર્ષના પુત્રનું મોત થયું છે. આ પરિવાર ભરૂચનો રહેવાસી છે અને અમરોલી ખાતે એક મૈયતમાં આવ્યો હતો. ત્યાંથી પરત ફરતા સમયે આ ઘટના બની છે. જો કે, હાલ આપઘાત છે કે, અકસ્માત તે અંગે રહસ્ય ઘૂંટાઈ રહ્યું છે. ત્રણેયના મૃતદેહ મળી આવ્યા મળતી માહિતી પ્રમાણે મૃતક મહિલાનું નામ 24 વર્ષીય ખુર્શીદા વસીમ પટેલ છે. તેના અઢી વર્ષના દીકરાનું નામ મોઈત પટેલ છે. જ્યારે ઓલપાડ નજીકથી મૃતક મહિલાના પતિનું નામ વસીમ પટેલ છે. આ પરિવાર બાઈક પર ભરૂચ પોતાના ઘરે જવા માટે નીકળ્યા હતા. જો કે, આ પરિવાર સાથે રસ્તામાં વચ્ચે કોઈ ઘટના બની અને ત્રણેયના મૃતદેહ મળી આવ્યા છે. બાઈક પર આખો પરિવાર ઘરેથી નીકળ્યો હતો મળતી માહિતી પ્રમાણે અમરોલી વિસ્તારમાં પોતાના સંબંધીના ઘરે મૈયતમાં સામેલ થવા વસીમ પટેલ અને તેનો પરિવાર આવ્યો હતો. આજે સવારે પાંચ વાગ્યે ભરૂચ જવા માટે આખો પરિવાર ઘરેથી નીકળ્યો હતો. હાલ તો જે બાઈક પર ઘરે જવા નીકળ્યા હતા તે...

સાબરકાંઠાના વેડાછાવણી ગામમાં પાર્સલને ખોલતા જ થયેલા બોંબ બ્લાસ્ટની ઘટનાને લઇ રાજ્યના ગૃહવિભાગે આ મામલે ગુજરાત ATS, અમદાવાદ ક્રાઇમ બ્રાંચ અને ગાંઘીનગર ફોરેન્સિક લેબોરેટરીના ટીમને સમગ્ર કેસની તપાસ માટે સક્રિય કરી છે. સાથે સાથે પ્રધાનમંત્રી નરેન્દ્ર મોદીની મુલાકાત પૂર્વ જ બનેલી આ ઘટનાને પગલે NSG, NIA સહિતની એજન્સીઓના અધિકારીઓએ પણ વેડાછાવણી ખાતે પહોંચીને તપાસ શરૂ કરી છે. આ ઉપરાંત, પોલીસની 10 જેટલી ટીમને રીક્ષાચાલકને પાર્સલ આપનાર સ્કૂટર ચાલકને ઝડપી લેવા માટે CCTV સર્વેલન્સ તેમજ ટેક્નીકલ સર્વેલન્સના આધારે સક્રિય કરવામાં આવી છે. શું બની હતી ઘટના વડાલી તાલુકાના વેડાછાવણીમાં રહેતા જીતેન્દ્ર વણઝારાને ત્યાં આજે (ગુરુવાર) સાંજના સમયે કોઇ અજાણ્યો રીક્ષાચાલક પાર્સલ આપી ગયો હતો. જે પાર્સલ ખોલતાની સાથે જ મોટો બ્લાસ્ટ થયો હતો. જેમાં જીતેન્દ્રભાઇ અને તેમની પુત્રી ભૂમિનું મોત નીપજ્યું હતું. DGP અને ગૃહવિભાગે સમગ્ર બનાવને ગંભીરતાથી લઇને તાત્કાલિક અમદાવાદ ક્રાઇમ બ્રાંચ, ગુજરાત ATS અને ગાંધીનગર ફોરેન્સિક લેબોરેટરીના અધિકારીઓને પાર્સલ બોંબ બ્લાસ્ટની ઘટનાની તપાસમાં જોડાવવા માટે તાકીદ કરી હતી. CCTV અને મોબાઇલ...

ગાંધીનગર જિલ્લામાં લોકશાહીના અવસર સમી લોકસભા સામાન્ય ચૂંટણીમાં વધુમાં વધુ મતદાન થાય તે માટે સર્વે મતદારોને પોતાના અમૂલ્ય મતાધિકારનો ઉપયોગ કરવાની અપીલ જિલ્લા ચૂંટણી અધિકારી મેહુલ દવે દ્વારા કરવામાં આવી છે. મતદાન વધુમાં વઘુ થાય તે માટે મતદાન મથકો પર મતદારોને પૂરતી સુવિધા મળી રહે અને શાંતિપૂર્ણ માહોલમાં પોતાનું મતદાન કરી શકે તે માટે તમામ મતદાન મથકો પર સુચારું વ્યવસ્થા કરવામાં આવી હોવાનું પણ જિલ્લા ચૂંટણી અધિકારીએ ઉમેર્યું છે. ગાંધીનગર જિલ્લા ચૂંટણી અધિકારી મેહુલ દવેએ જણાવ્યું છે કે, ભારત વિશ્વમાં સૌથી મોટો લોકશાહી દેશ છે. લોકતંત્રની ચૂંટણી પ્રક્રિયા દરમ્યાન કરવામાં આવતાં મેનેજમેન્ટની નોંધ વિશ્વએ લેવી પડી છે. પરંતુ લોકશાહી દેશના પાયાની મજબૂતી માટે મતદારોની ભૂમિકા મહત્વની છે. લોકશાહી તંત્રને મજબૂત કરવા સર્વે મતદારોએ પોતાના મતાધિકારનો ઉપયોગ કરવો જરૂરી છે. મતદાન કરીને દેશ પ્રત્યેની પોતાની નૈતિક જવાબદારી અદા કરવાનું ગૌરવ મતદાર લઇ શકે છે. લોકસભા સામાન્ય ચૂંટણીના મતદાનને આડે હવે, ગણતરીના દિવસો બાકી છે. તેમણે ઉમેર્યું હતું કે, લોકસભા સામાન્ય ચૂંટણીનું મતદાન આગામી તા. ૦૭મી મેના રોજ યોજાનાર છે. આ દ...

તાજેતરમાં યુનિવર્સિટી હિત રક્ષક સમિતિ દ્વારા યુનિવર્સિટીમાં બોર્ડ ઓફ મેનેજમેન્ટની બોડીમાં રજીસ્ટર ગ્રેજ્યુટ સભ્ય હિરેન પટેલની નિમણુક ખોટી રીતે કરવામાં આવી હોવા અંગે કરેલ આક્ષેપ સાથે કુલપતિને આપેલ આવેદનપત્ર અંગે ઊભા થયેલા વિવાદમાં યુનિવર્સિટી દ્વારા તપાસનાં ચક્રો ગતિશીલ કરવામાં આવ્યા હોવાની સાથે હિરેન પટેલની ડીગ્રી લક્ષી વિગતો માંગવામાં આવી છે. 15 દિવસની મહોલત આપી તેઓની પાસે થી વિગતો મેળવ્યાં બાદ સરકારના અભિપ્રાય મુજબ આ મામલે નિર્ણય કરાશે તેવું કુલપતિ એ બુધવારે જણાવ્યું હતું. આ અંગે મળતી હકીકત મુજબ હેમચંદ્રાચાર્ય યુનિવર્સિટી દ્વારા કોમન એક્ટ અંતર્ગત નવીન બોર્ડ ઓફ મેનેજમેન્ટ ની બોડીમાં રજીસ્ટર ગેજ્યુટ સભ્ય તરીકે નિમણૂક કરવામાં આવેલ હિરેન પટેલ યુનિવર્સિટી ની રજીસ્ટર ગ્રેજ્યુટ વિદ્યાર્થીઓની યાદીમાં નામ ધરાવતા ના હોય નિમણૂક ખોટી હોવાના યુનિવર્સિટી હિત રક્ષક દ્વારા આવેદનપત્ર સાથે આક્ષેપ કરતા યુનિવર્સિટી કુલપતિ દ્વારા આ મામલે તપાસનો દોર શરૂ કરવામાં આવ્યો છે. તપાસ અંતર્ગત સભ્ય પાસે તેમની ડિગ્રી લક્ષી વિગતો મંગાવામાં આવી છે. સભ્ય દ્વારા 15 દિવસની મુદત મેળવી વિગતો રજૂ કરવા સંમતિ દર્શાવી હોય જે ડ...

રાજ્યનો સૌથી મોટો ભગો કહી શકાય એવી ગંભીર બેદરકારી સૌરાષ્ટ્ર યુનિવર્સિટીના પરીક્ષા નિયામકની બહાર આવી છે અને આવું માત્ર એક વખત બન્યું નથી પરંતુ એક સપ્તાહમાં બીજીવખત બન્યું છે. યુનિવર્સિટીની એમ.એ સેમેસ્ટર-2ના વિદ્યાર્થીઓનું 1 મેના રોજ છેલ્લું પેપર હતું. એજ્યુકેશન સાઇકોલોજી વિષયના વિષયની પરીક્ષા જ્યારે બુધવારે સવારે 10.30 કલાકે શરૂ થવાની હતી તે શરૂ થઇ ગઈ ત્યારે છેક ખબર પડી કે આ વિષયનું પેપર કાઢવાનું જ ભુલાઇ ગયું હોવાનું વિદ્યાર્થીઓએ જણાવ્યું હતું. બાદમાં તાત્કાલિક પરીક્ષા નિયામક દ્વારા પેપર સેટરને ફોન કરીને પેપર મગાવવામાં આવ્યું અને વિદ્યાર્થીઓને અપાયું. લગભગ અડધો કલાક જેટલો સમય બગડ્યો જે વિદ્યાર્થીઓને પાછળથી એટલો સમય પેપર લખવા માટે વધુ આપવામાં આવ્યો હતો. સૌરાષ્ટ્ર યુનિવર્સિટીની પરીક્ષામાં ભગા થાય એમાં હવે કોઈ નવી વાત રહી નથી પરંતુ ગંભીર બાબત એ છે કે આવી ગંભીર બેદરકારી દિવસે ને દિવસે વધી રહી છે. અગાઉ પણ 25 એપ્રિલથી શરૂ થયેલી યુનિવર્સિટીની પરીક્ષામાં પહેલાં જ દિવસે એમ.એ. સેમેસ્ટર-2માં એક્સટર્નલના વિદ્યાર્થીઓને કાઉન્સેલિંગ સાઇકોલોજી એટલે કે સલાહ મનોવિજ્ઞાન વિષયનું પેપર હતું. વિદ્યાર્થીઓ પરીક...

ગુજરાત હાઇકોર્ટમાં એક વિધાર્થીની સાથે રેપ અને એક વિદ્યાર્થીની જાતીયતાને લઈને હેરાનગતિ મામલે ફેક્ટ ફાઈન્ડિંગ કમિટીએ હાઈકોર્ટને સીલ કવરમાં 22 ફેબ્રુઆરીએ રિપોર્ટ સોંપ્યો હતો. જેને કોર્ટે ખોલીને જોયો હતો. કોર્ટે નોંધ્યું હતું કે, આ રિપોર્ટ બહુ ડરામણો છે. GNLUએ ઘટનાને દબાવવા પ્રયત્ન કર્યો છે. રિપોર્ટ ખૂબ ડિટેઇલમાં છે. કમિટી સમક્ષ રેપ, શોષણ, ભેદભાવ, હોમો ફોબિયા, અવાજ દબાવી દેવો, આંતરીક ફરિયાદ કમિટી ના હોવી, વિદ્યાર્થીઓને આંતરિક ફરિયાદ કમિટીની જાણ ના હોવી વગેરે ફરિયાદો મળી ફેકટ ફાઈન્ડિંગ કમિટીને મળી છે. આ ફેક્ટ ફાઇન્ડિંગ કમિટીનો રિપોર્ટ GNLU ગવર્નિંગ કાઉન્સિલ સમક્ષ મુકાયો હતો. આ કાઉન્સિલની મિટિંગ 23 માર્ચના રોજ મળી હતી. કાઉન્સિલના રિઝોલ્યુશન મુજબ GNLUના ડિરેક્ટરને જવાબ માટે ફેક્ટ ફાઈન્ડિંગ કમિટીના રિપોર્ટની કોપી આપવામાં આવી હતી. GNLUમાં સુધારા માટે યોગ્ય પગલાઓ લેશે એક હાઈ લેવલ રિવ્યુ કમિટીની રચના કરવામાં આવી છે. જેમાં સુપ્રીમ કોર્ટના પૂર્વ મહિલા જજ ઇન્દિરા બેનર્જી, ભારતના એટર્ની જનરલ વેંકટરામન, ગુજરાત સરકારના નાણા વિભાગના પૂર્વ એડિશનલ ચીફ સેક્રેટરી એમ.એમ શ્રીવાસ્તવનો સમાવેશ થાય છે. છેલ્લા 5 ...

છોટા ઉદેપુર લોકસભા બેઠકના ઉમેદવારના સમર્થનમાં દેશના ગૃહમંત્રી અમિત શાહ 4થી મેના રોજ સવારે 10 વાગ્યે બોડેલી ખાતે સભા સંબોધશે. હાલ લોકસભાની ચૂંટણીનો પ્રચાર ચાલી રહ્યો છે, મતદાન આડે એક અઠવાડિયું બાકી છે ત્યારે પ્રચાર કાર્ય તેજ બન્યું છે. રાષ્ટ્રીય નેતાઓ પ્રચારમાં ઉતરી ગયા છે. ત્યારે છોટા ઉદેપુર લોકસભા બેઠકના ભાજપના ઉમેદવાર જશુભાઈ રાઠવાના પ્રચાર અર્થે દેશના ગૃહ અને સહકારિતા મંત્રી અમીત શાહ 4થી મેના રોજ સવારે 10 વાગ્યે બોડેલીના સેવા સદનની બાજુના મેદાનમાં સભા સંબોધશે અને જશુભાઈ રાઠવાને માટે માટે માંગશે. મહત્વની વાત એ છે છોટા ઉદેપુર બેઠક પર છેલ્લી ત્રણ ટર્મથી ભાજપ જીત મેળવી રહ્યું છે પરંતુ ઉમેદવારો બદલાઈ રહ્યા છે. હાલની ચૂંટણીમાં કોંગ્રેસમાંથી ગુજરાત વિધાનસભામાં પૂર્વ વિરોધપક્ષના નેતા સુખરામ રાઠવા લડી રહ્યા છે ત્યારે અમીત શાહ બોડેલી ખાતે સભા કરીને જંગી લીડ સાથે જશુભાઈ રાઠવાને જીતાડવા પ્રયત્ન કરશે. http://dlvr.it/T6H70W