રોકડ ભરેલા પર્સની ઉઠાંતરી, CCTV:ભરૂચના મેડીકલ સ્ટોર્સ પર ગઠિયો 5 હજારની રોકડ સાથેનું પર્સ ઉઠાવી ગયો, પોલીસે શોધખોળ હાથ ધરી

પાલેજના એક મેડિકલ સ્ટોર પરથી દુકાનદાર અને ગ્રાહકોની આંખો સામેથી આસાનીથી ચોરી કરી યુવક ફરાર થઈ જતાં સીસીટીવી કેમેરામાં ઝડપાઇ ગયો છે. ત્યારે ભરૂચ જીલ્લામાં ધોળા દિવસે વધતી ચોરીની ઘટનાઓના ડામવા પોલીસ દ્વારા કડક કામગીરી કરાય તેવી માગ ઉઠી છે. એક ઈસમે દુકાનદારને ચકમો આપી પાકીટ ઉઠાવ્યું
ભરૂચ જિલ્લામાં લોકોની નજર ચૂકવી કિંમતી માલ સમાનની ઉઠાંતરી કરતી ટોળકી સક્રિય બની છે.આ ટોળકી અનેક શહેરમાં માલ સામાનની ઉઠાંતરી કરતી હોવાની બુમો ઉઠી છે. ત્યારે આવી જ એક ઘટના ભરૂચના પાલેજ ખાતે બનવા પામી છે.પાલેજ ખાતે ભટ્ટ બજારમાં આવેલી પારસ મેડિકલ સ્ટોર પર એક વૃદ્ધ પોતાનું પાકીટ કાઉન્ટર ટેબલ પાસે મૂકીને કામ અર્થે બહાર ગયો હતો તે દરમિયાન એક ઈસમ પોતાના હાથમાં પેપર લઈ આવીને દુકાનદારને ચકમો આપી પેપર પર્સ ઉપર મૂકી નીચેથી પાકીટ લઈ રફુચક્કર થઈ ગયો હતો. પાલેજ પોલીસે ગુનો નોંધી વધુ તપાસ હાથ ધરી છે
ત્યારબાદ વૃદ્ધ ફરી દુકાનદાર પાસે આવી તેના પાકીટ બાબતે પૂછતા તે ત્યાં નહિ બંને ચોકી ઉઠ્યા હતાં. જોકે દુકાનદારે અંદર રહેલા સીસીટીવી કેમેરાના ફુટેજ ચેક કરતા સમગ્ર ઘટના સામે આવી હતી.જેમાં આ સમગ્ર ઘટનામાં વૃદ્ધે પાકીટમાં રહેલા રૂ.5000 રોકડ અને એક મોબાઇલ ગુમાવ્યો હતો.આ મામલે વૃદ્ધ ઈસમે પાલેજ પોલીસ મથકમાં ફરિયાદ નોંધવતા પોલીસે તપાસ હાથ ધરી છે.ત્યારે ભરૂચ જિલ્લામાં સક્રિય બનેલી ટોળકીને વહેલી તકે ઝડપી પાડે તેવી માગ ઉઠી છે.


http://dlvr.it/T4rPj2