આ અંગે મળતી માહિતી મુજબ ભુજના પ્રિન્સ રેસીડેન્સી વિસ્તારમાં રહેતા પુરૂષ છેલ્લા કેટલાક સમયથી વાયરલ બીમારીમાં સપડાયા હતા જેમના થ્રોટ સ્વોબને પરીક્ષણ માટે મોકલાતાં એચવન એનવન પોઝિટિવ હોવાનું જણાયું હતું. આ દર્દી હાલે જનરલ હોસ્પિટલમાં સારવાર તળે છે.
બીજી બાજુ માંડવી તાલુકાના બિદડામાં રહેતા મહિલાને શરદી, ઉધરસ, તાવ અને ગળામાં દુખાવા સહિતની ફરિયાદ હોતાં તેમના ગળામાંથી લેવાયેલા નમૂના પરીક્ષણાર્થે મોકલાયા હતા તેમને પણ સ્વાઇન ફ્લૂ હોવાનું બહાર આવ્યું છે. બંને દર્દીની ટ્રાવેલ હિસ્ટ્રી બાબતે તંત્ર દ્વારા અજાણતા વ્યકત કરાઇ હતી.
નોંધનીય છે કે, એચવન એનવન વાયરસથી ફેલાતા સ્વાઇન ફ્લૂની જો સમયસર સારવાર ન લેવાય તો ઘાતક નીવડી શકે છે. આ ઉપરાંત વાયરસ એકથી બીજી વ્યક્તિને સંક્રમિત કરતા હોવાથી કોરોનાકાળમાં જે તકેદારી રાખવામાં આવતી હતી તેટલી જ કાળજી લેવી આવશ્યક છે.
http://dlvr.it/TD9Wpl
Comments
Post a Comment