રાજકોટની શેરીઓને જર્મન સ્ટ્રીટ જેવી ડેવલોપ કરાશે:કેન્દ્રીય શહેરી વિકાસ મંત્રાલયે 5 રાજ્યોના 9 શહેરની કરી પસંદગી, મનપા અને એજન્સી દ્વારા કમ્પ્લીટ સ્ટ્રીટ ડેવલોપમેન્ટ વિષય પર વર્કશોપ યોજ્યો

જર્મનીની એજન્સીના સમર્થન સાથે આવાસ અને કેન્દ્રીય આવાસ અને શહેરી બાબતોના મંત્રાલય, જર્મન ફેડરલ મિનિસ્ટ્રી ફોર ઇકોનોમિક કો-ઓપરેશન દ્વારા કમિશન્ડ કરાયેલ સસ્ટેનેબલ અર્બન મોબિલિટી, એર કવોલિટી, ક્લાઇમેટ એકશન અને એક્સેસિબિલિટી સંબંધિત ક્ષેત્રના પ્રોજેક્ટની અમલવારી માટે ટેકનિકલ સહયોગ ઉપલબ્ધ બનવા જઈ રહ્યો છે. આ પ્રોજેક્ટ ભારતના પાંચ રાજ્યો (ઓડિશા, ગુજરાત, કેરળ, કર્ણાટક અને મેઘાલય)માંથી પસંદ કરેલા 9 શહેરોમાં લાગૂ કરવામાં આવ્યો છે. જેમાં ગુજરાતમાંથી રાજકોટ અને સુરત શહેરનો સમાવેશ કરવામાં આવેલ છે. આ પ્રોજેક્ટ અનુસંધાને આજે રાજકોટ મહાનગરપાલિકા અને એજન્સી દ્વારા કમ્પ્લિટ સ્ટ્રીટ ડેવલપમેન્ટ વિષય પર વર્કશોપનું આયોજન કરવામાં આવ્યુ હતું. શહેરીજનોને નવી-નવી સુવિધાઓ આપવા વિચારણા
આ વર્કશોપમાં મ્યુનિસિપલ કમિશનર આનંદ પટેલે જણાવ્યું હતું કે, રાજકોટ મહાનગરપાલિકા દ્વારા બેઝીક સુવિધાઓ જેવી કે, ગટર, પાણી અને ડ્રેનેજની સેવાઓ ઉપલબ્ધ કરવામાં આવે જ છે. સાથોસાથ હવે અર્બનાઈઝેશન (શહેરીકરણ)ના વધતા જતા પ્રમાણ અંગે પણ વિચાર કરવો જરૂરી છે. રાજકોટ મનપા દ્વારા પણ શહેરીજનોને સુગમતા અને આવશ્યક એવી નવી-નવી સુવિધાઓ ઉપલબ્ધ બનાવવા અંગે આ દિશામાં વિચારણા કરવામાં આવી રહી છે. ભવિષ્યને ધ્યાનમાં રાખી મહાનગરપાલિકા સ્ટ્રીટ ડિઝાઈન
​​​​​​​તેમને વધુમાં જણાવ્યું હતું કે, અર્બનાઈઝેશનના ગ્રોથથી દેશના અને રાજ્યના વિકાસમાં વધુ ગતિ આવી રહી છે. આ સંજોગોમાં શહેરીકરણની ઝડપી પ્રક્રિયાને નજર સમક્ષ રાખી શહેરના સુનિયોજિત ભૌતિક માળખાકીય વિકાસ માટે નિષ્ણાંતોના સહકાર સાથે અર્બન પ્લાનિંગ થઇ રહ્યા છે. રાજકોટમાં વિવિધ એજન્સીઓના સહકાર સાથે આ દિશામાં કામ થઇ રહ્યું છે. ભવિષ્યની સ્થિતિને ધ્યાનમાં રાખીને રાજકોટ મહાનગરપાલિકા સ્ટ્રીટ ડિઝાઈન પર ભાર મૂકી રહી છે. વિશ્વના શહેરોની શેરીઓના રિસર્ચનું પ્રેઝન્ટેશન
​​​​​​​SUM-ACAના ટીમ લીડર ઝોહરા મુતાબન્નાએ વિશ્વના શહેરની શેરીઓ અંગે કરેલા રીસર્ચ બાબતે પીપીટી મારફત એ દર્શાવાનો પ્રયાસ કર્યો હતો કે શેરી-ગલીઓ કેવી રીતે વિકસાવી શકાય. રાજકોટ શહેરના આંતરિક રસ્તાઓને હાઈ-વે થતા અટકાવવા તદુપરાંત જરૂરી સ્ટ્રીટ ફર્નિચર સાથે તેને ડેવલપ કરવા માટે SUM-ACA પ્રોજેક્ટ અંતર્ગત સ્ટ્રીટ ટાઇપોલોજીનો અભ્યાસ કરીને તેની ડિઝાઇન ગાઇડલાઇન પર કામ કરી રહેલ છે. સ્ટ્રીટ ડેવલોપમેન્ટ વિષય પર વર્કશોપ
​​​​​​​આ વર્કશોપમાં રાજકોટ મ્યુનિસિપલ કોર્પોરેશનના સ્ટાફને કમ્પ્લીટ સ્ટ્રીટ ડેવલોપમેન્ટ માટેના આયોજન, ડિઝાઇન, નિર્માણ, સંચાલન અને જાળવણી માટેના વિવિધ અભિગમો વિશે માર્ગદર્શન આપવામાં આવે છે. આ વર્કશોપનો મુખ્ય હેતુ તમામ ઉંમરના રાહદારીઓ, સાયકલ સવારો અને મોટર ચાલકો, તેમને સંલગ્ન રોડની લંબાઈ-પહોળાઈનો સલામત એક્સેસ કરી શકે તે મુજબ રોડની ડિઝાઇન ડેવલોપ કરવાનો હતો. કમ્પ્લીટ સ્ટ્રીટ પ્રિન્સિપાલનો ઉપયોગ કરી તેમને રી-ડીઝાઈન કરવા માટે પ્રારંભિક અભ્યાસ કરવામાં આવ્યો.


http://dlvr.it/T7JJs2