સામાજિક સંદેશનો પ્રસાર:આલાપ તન્નાની શોર્ટ ફિલ્મ ‘ડૂબકી’ જર્મન ભાષામાં ડબ થશે અને યુરોપની શાળાઓ અને હૉસ્પિટલમાં બતાવાશે

મૂળ અમદાવાદના અને સી.એન. વિદ્યાવિહારના વિદ્યાર્થી (2011 થી 2016) આલાપ તન્નાની શોર્ટ ફિલ્મ ‘ડૂબકી’ ફિલ્મ જર્મન ભાષામાં ડબ થશે. અગાઉ આ ફિલ્મ SCHLiNGEL – International Film Festival for Children and Young Audienceમાં રજૂ થઈ હતી. સામાજિક સંદેશના પ્રસાર માટે જે શોર્ટ ફિલ્મોમાં ઉત્તમ સંદેશ હોય તેને યુરોપની શાળાઓ અને હૉસ્પિટલમાં રજૂ કરાશે. ડૂબકીનો પણ તેમાં સમાવેશ કરાયો છે. હૈદરાબાદમાં ફિલ્મ મેકિંગ વિષયમાં અભ્યાસ કરતી વખતે આલાપ તન્નાએ 2021માં ગ્રેજ્યુએશન પ્રોજેક્ટના ભાગરૂપે 15 મિનિટની આ શોર્ટ ફિલ્મ હિન્દી ભાષામાં બનાવી હતી. આ ફિલ્મમાં ગરીબ વસ્તીમાં રહેતા એક બાળકની વાત છે. તેનો અને તેના પરિવારનો પાણી-ઝૂરાપો ફિલ્મમાં કલાત્મક રીતે રજૂ થયો છે. ‘ડૂબકી’ ફિલ્મ યુક્રેન, યુનાઇટેડ કિંગડમ, ઇટાલી, ઉરુગ્વે, જર્મની, બુડાપેસ્ટ, ઓસ્ટ્રિયા, યુએસએ, દક્ષિણ કોરિયા અને ભારતમાં જુદા જુદા ફેસ્ટિવલમાં દર્શાવવામાં આવી હતી.


http://dlvr.it/T8wlG1