વડોદરા ક્રાઇમ ન્યૂઝ:છાણી વિસ્તારમાં રહેતા યુવકે લગ્નની લાલચ આપીને યુવતીને પાવાગઢની હોટેલમાં લઈ જઈને દુષ્કર્મ આચર્યું

વડોદરા છાણી વિસ્તારમાં લગ્નની લાલચ આપીને યુવતી સાથે દુષ્કર્મ આચર્યું છે. આ મામલે ફતેગંજ પોલીસ સ્ટેશનમાં ફરિયાદ નોંધાઈ છે. બીજી તરફ વડોદરા શહેરના મકરપુરા વિસ્તારમાં રહેતા 17 વર્ષીય સગીર ભરૂચ કોલેજ જવા માટે નીકળ્યા બાદ સાંજે પરત ન ફરતા પરિવારે અપહરણની પોલીસ ફરિયાદ નોંધાવી છે. આ ઉપરાંત વડોદરા SOG પોલીસે જે.પી. રોડ પોલીસ સ્ટેશનની હદમાંથી 45 કિલો ગૌવંશ માંસ ઝડપી પાડ્યું છે અને આરોપીની ધરપકડ કરીને વધુ તપાસ કરી છે. યુવતી પર દુષ્કર્મ આચર્યું
શહેરના છાણી વિસ્તારની રહેતી અને ખાનગી કંપનીમાં નોકરી કરતી 25 વર્ષીય યુવતીને તેના જ વિસ્તારમાં રહેતા અજય દેવા અલગોતર સાથે વર્ષ- 2017માં આંખો મળી જતા પ્રેમ પ્રાંગર્યો હતો. પહેલા યુવકે યુવતીને લગ્ન કરવાની લાલચ આપીને સંબંધ બાંધ્યા હતા. છેલ્લા પાંચ વર્ષથી બંને વચ્ચે પ્રેમ સંબંધ હતા. જેથી, યુવક તેને ફરવાના બહાને પાવાગઢ ખાતે લઇ ગયો હતો અને ત્યાં હોટલમાં એક રૂમ ભાડે રાખી તેની સાથે શરીર સંબંધ બાંધ્યા હતા. ​​​​​​​ત્યારબાદ યુવકે યુવતીના ભાડાના મકાનમાં તથા સયાજીગંજ હોસ્પિટલની એક હોટલમાં લઇ જઇને બળજબરીપૂર્વક બળાત્કાર ગુજાર્યો હતો પરંતુ, છેલ્લા કેટલાક સમયથી યુવતી યુવકને લગ્ન કરવા માટે જણાવ્યું હતું પરંતુ યુવક કોઇને કોઇ બહાનું કાઢીને વાત પલટાવી દેતો હતો. જેથી વારંવાર શરીર સંબંધ બાંધતો હોવા છતાં તેની સાથે લગ્ન કરતો ન હોય યુવતીએ ફતેગંજ પોલીસ સ્ટેશનમાં યુવક વિરુદ્ધ દુષ્કર્મની ફરિયાદ નોંધાવતા પોલીસે આરોપીને ઝડપી પાડવાના ચક્રો ગતિમાન કર્યા છે. પોલીસે યુવતીનું મેડિકલ કરાવવાની કાર્યવાહી શરૂ કરી છે. મકરપુરામાં રહેતા 17 વર્ષીય સગીરનું અપહરણ
શહેરના મકરપુરા વિસ્તારમાં રહેતા 17 વર્ષીય સગીર યુવક ભરૂચ ખાતેની કોલેજમાં એન્જિનિયરિંગના પ્રથમ વર્ષમાં અભ્યાસ કરે છે. રોજ સગીર કોલેજમાં જવા માટે અપડાઉન કરતો હોવાથી સવારે 8 વાગ્યે ઘરેથી નીકળતો હતો અને કોલેજ પતી ગયા બાદ સાંજના સમયે ઘરે પરત આવી જતો હતો પરંતુ, 24 એપ્રિલના રોજ સગીર ઘરેથી ભરૂચ કોલેજમાં જવાનો નીકળ્યો હતો. સાંજના સમયે ઘરે પરત ફર્યો હતો. જેથી, પરિવારના સભ્યોએ સગીરની વડોદરા તથા ભરૂચ ખાતે શોધખોળ કરવા છતાં તેનો કોઇ પતો લાગ્યો ન હતો. જેથી, પરિવારના સભ્યો મકરપુરા પોલીસ સ્ટેશનમાં દીકરાનું અપહરણની ફરિયાદ નોંધાવી હતી. મકરપુરા પોલીસે સગીરની શોધખોળ શરૂ કરી છે. 45 કિલો ​​​​​​​ગૌમાંસ ઝડપાયું
​​​​​​​વડોદરા એસઓજી પોલીસને બાતમી મળી હતી કે, તાંદલજા રોડ પર આવેલા જીઈબી સબ સ્ટેશનની સામે રોડની બાજુમાં ફુટપાથ ઉપર ઇદ્રીશભાઇ ઇસ્માઇલભાઇ કુરેશી ગૌવંશ માંસનું વેચાણ કરે છે, જેના આધારે બે પંચોને સાથે રાખી રેડ કરતા ગૌવંશ માસ આશરે 45 કિલો તથા વજનકાંટો, વજનીયા, લાકડાનો ટબ્બો, ધાતુનો છરો વગેરે સાધન સામગ્રી મળી આવી હતી, જેથી સ્થળ ઉપર એફ.એસ.એલ. અધિકારી અને વડોદરા મહાનગરપાલિકાના વેટેનરી ઓફીસરઓને બોલાવી પકડાયેલ શખસ પાસેથી મળી આવેલ ગૌવંશ માસનું પરીક્ષણ કરાવડાવ્યું હતું અને 11 હજારથી વધુની કિંમતનું 45 કિલો ગૌમાંસ સહિત 30,350 રૂપિયાના મુદ્દામાલ કબજે કરી આગળની વધુ તપાસ અર્થે જે.પી.રોડ પોલીસ સ્ટેશન ખાતે સોપવામાં આવી છે અને ઇદ્રીશભાઇ ઇસ્માઇલભાઇ કુરેશી, (રહે.કાળી તલાવડી, મદીના મસ્જીદની સામે, એકતાનગર, તાંદલજા, વડોદરા)ની ધરપકડ કરીને વધુ તપાસ શરૂ કરી છે.


http://dlvr.it/T641yP