વડોદરા ક્રાઇમ ન્યૂઝ:'મારા પતિ ક્યાં છે, તમારી સાથે રહીને ખોટા રસ્તે જાય છે', તેમ કહેતા મહિલાની છેડતી કરી, વ્યાજખોરના ત્રાસથી યુવકે ઝેર ગટગટાવ્યું

વડોદરા શહેરમાં 'મારા પતિ ક્યાં છે, તમારી સાથે રહીને ખોટા રસ્તે જાય છે', તેમ કહેતા એક શખસે મહિલાની છેડતી કરી હતી અને ત્રણ શખસે સાસુ-સસરા અને બનેવીને પટ્ટાથી માર માર્યો હતો. આ મામલે વડોદરા રેલવે પોલીસ સ્ટેશનમાં ફરિયાદ નોંધાઇ છ. મહિલા સાથે છેડતી
વડોદરામાં રહેતી મહિલાએ રેલવે પોલીસ સ્ટેશનમાં નોંધાવેલી ફરિયાદમાં જણાવ્યું છે કે, મારા પતિ રાત્રે 8.30 વાગ્યા સુધી ઘરે ન આવ્યા નહોતા. જેથી રાત્રે 10 વાગ્યે હું તેમને શોધવા માટે નીકળી હતી. જ્યાં મારા પતિના મિત્ર વારીસ, અખીલેશ યાદવ અને દીપક યાદવ હાજર હતા. મારા પતિ અવારનવાર તેમની સાથે ફરવા અને દારૂ પીવા જતા હોય છે. જેથી મેં તેઓને કહ્યું હતું કે, મારા પતિ ક્યાં છે, ઘરે આવ્યા નથી. તમારી સાથે રહીને ખોટા રસ્તે જાય છે. આરોપીઓ જાતિ વિષયક અપશબ્દો બોલ્યા
જેથી ત્રણેય આરોપી મને ગાળો બોલવા લાગ્યા હતા અને જાતિ વિષયક અપશબ્દો પણ કહ્યા હતા. મારા સાસુ-સસરા આવતા તેમને પણ જાતિ વિષયક અપશબ્દો કહ્યા હતા અને મારા સાસુ-સસરાને પટ્ટા વડે માર માર્યો હતો અને દીપક યાદવે મારી છેડતી કરી હતી. મારા જીજાજી ત્યાં આવતા ત્રણેય આરોપીઓએ તેમને પટ્ટાથી માર્યા હતા. આ મામલે મેં ત્રણેય આરોપી સામે રેલવે પોલીસ સ્ટેશનમાં ફરિયાદ નોંધાવી છે. વ્યાજખોરના ત્રાસથી દવા પીધી
વડોદરાના ગોત્રી વિસ્તારમાં રહેતા પિંકીબેન મલીકે ફતેગંજ પોલીસ સ્ટેશનમાં નોંધાવેલી ફરિયાદમાં જણાવ્યું છે કે, આરોપી અમજદ ઉર્ફે નનુ શરીફખાન પઠાણ (રહે. આલીયા રેસિડેન્સી, ગોરવા, વડોદરા હાલ રહે. ચિસ્તીયાનગર, છાણી જકાતનાકા)એ વગર લાયસન્સે ધીરધારનો ધંધો કરીને મારા પતિ જયભગવાન મલિકને ટુકડે ટુકડે 10 ટકાના વ્યાજે 5 લાખ રૂપિયા આપ્યા હતા, ત્યારબાદ આરોપીએ વ્યાજ દર 30 ટકા કરી નાખ્યો હતો અને 32 લાખ રૂપિયા બળજબરીથી કઢાવી લીધા હતા અને જાનથી મારી નાખવાની પણ ધમકી આપી હતી. જેથી મારા પતિએ તેમના ત્રાસથી કંટાળીને ઝેરી દવા પી લીધી હતી. આ મામલે મેં ફતેગંજ પોલીસ સ્ટેશનમાં ફરિયાદ નોંધાવી છે. પરિણીતા પર અત્યાચાર
મૂળ ઉત્તરપ્રદેશની અને વડોદરામાં રહેતી પરિણીતાને પતિ સાસુ, ત્રણેય નણંદોએ દહેજ બાબતે માનસિક અને શારીરિક ત્રાસ આપ્યો હતો. આ મામલે પતિ સાસુ, ત્રણેય નણંદો સામે સમા પોલીસ સ્ટેશનમાં ફરિયાદ નોંધાઇ છે. પોલીસે આ મામલે ગુનો નોંધીને વધુ તપાસ શરૂ કરી છે.


http://dlvr.it/T6149C