તપાસ આદરી:મંદિર, ટેઈલર, દુકાનમાં ચોરી: 82 હજારનો હાથફેરો

જુનાગઢ શહેરમાં એક જ રાતમાં મંદિર, ટેઈલર અને દુકાનમાં તસ્કરો ત્રાટક્યા હતા અને એક દુકાનમાં ચોરીની કોશિષ કરતા પોલીસ દોડતી થઈ ગઈ હતી. આ અંગે પોલીસમાંથી મળતી વિગત અનુસાર જૂનાગઢ શહેરમાં ખલીલપુર રોડ પર સુભાષનગરમાં આવેલો શુભેશ્વર મહાદેવ મંદિરમાં શનિવારની વહેલી સવારે તસ્કરો ખાબક્યા હતા. અને મંદિરના મુખ્ય દરવાજાની બંને બાજુ દીવાલમાં ફિટ કરેલ દાન પેટી તોડી એમાંથી રૂપિયા 50,000ની રોકડ રકમનો હાથફેરો કર્યો હતો. સવારે 5 વાગ્યે મંદિરના મહંત પ્રભાતભાઈ છગનભાઈ ભારથી સેવા પૂજા કરવા ગયા હતા ત્યારે મંદિરમાં ચોરી થયાની જાણ થઈ હતી. મંદિરમાં લગાવેલ સીસીટીવી કેમેરા જોતા તેમાં 2 અજાણ્યા ઇસમ ચોરી કરતા માલુમ પડ્યા હતા. આ અંગે બી ડિવિઝન પોલીસે મહંતની ફરિયાદ લઇ ગુનો નોંધી તપાસ હાથ ધરી હતી. ખલીલપુર રોડ વિસ્તારના શિવ મંદિરની સાથે સાથે શનિવારની વહેલી સવારે શહેરના માંગનાથ રોડ વિસ્તારમાં આવેલ અમિત વિસનદાસ ગલાણીની ફેમે સિલેક્શન નામની દુકાનના તાળા તોડી રોકડ રકમ, ચાંદીના સિક્કા, ડીવીઆર મળી કુલ રૂા.15 હજારના મુદ્દામાલની ચોરી ગયા હતા આજ પ્રમાણે એચ. એન. બ્રધર્શ ટેઇલરમાંથી રૂપિયા 17 હજારની રોકડનો હાથફેરો થયો હતો. ચોરીની ઘટના સીસીટીવી કેમેરામાં કેદ થઈ હતી. જેની જાણ થતાં એ ડિવિઝનના પીઆઈ વી. જે. સાવજે સ્ટાફ સાથે દોડી જઈને તપાસ શરૂ કરી હતી. બસ સ્ટેન્ડ વિસ્તારમાં આવેલ પાન બીડીની દુકાનમાંથી પણ ચોરીનો પ્રયાસ થયો હતો. આમ એક જ રાતમાં તસ્કરો મંદિર, ટેઈલર, 1 દુકાનમાંથી રૂપિયા 82 હજારના મુદ્દામાલ ચોરી કરી હતી. સીસીટીવી કેમેરામાં તસ્કરો કેદ થયા એલસીબી, એસઓજી દ્વારા તપાસ જૂનાગઢ શહેરમાં થયેલી ચોરીની ઘટનાનો ભેદ ઉકેલવા અને તસ્કરોને ઝડપી લેવા માટે એલસીબી, એસઓજી, એ તથા બી ડિવિઝન પોલીસ દ્વારા તપાસ શરૂ કરવામાં આવી છે અને તસ્કરોને ઝડપી લેવા ચક્રો ગતિમાન કરવામાં આવ્યાં છે. સીસીટીવી ફૂટેજ મુજબ દરેક ચોરીમાં 3 શખ્સની સંડોવણી સામે આવી છે. > હિતેશ ધાંધલ્યા, ડીવાયએસપી


http://dlvr.it/T4rstT